Is it a love story? (Completed)

Di Di

For Unicode

ပုံဆွဲသင်တာ တစ်နာရီကြာပြီ .. ခုချိန်ထိ မျဥ်းကွေးကိုမဆွဲနိုင်သေးသော ထိုကလေးကို သူ ဩချနေရပြီ... သက်သက်လုပ်နေတာမှန်းသိနေပေမဲ့ သေချာဆွဲပြနေတာက သက်သေတစ်ခုမို့ ဘယ်အပေါက်ကဆူရမလဲ သူမသိ ....

ပျင်းရိကာ သမ်းဝေလာသူက နောက်ဆုံးတော့ သူပဲ ဖြစ်သည်... လုပ်စရာလည်းမရှိသလို အချိန်ကလည်း သူ့မှာပိုနေတာလေ ...

အိမ်မှာ လည်း သူမနေချင်... ရှောင်းမာမားက သူ့ကိုမျက်စိဒေါက်ထောက်ကြည့်ကာ စူ့မျက်နှာကို အိုးမည်းသုတ်သည်သာ ထိုင်ပြောနေတတ်သည့်အပြင် အချိန်ရှိသရွေ့ ယွီအာကို ပြန်ခေါ်လာဖို့ပဲ ဂျီကျနေတတ်သည်.. မာမားက သူနဲ့ယွီအာ စကားများကာ ခဏပြတ်ဆဲသည်ဟုသာ ထင်နေသည်လေ...

သူ တဖြည်းဖြည်း ငိုက်လာနေတာ သူခံစားမိနေပေမဲ့ ... ဘယ်လိုလုပ်မလဲ .. သူက နေရောင်နွေးနွေးအောက်မှာ ဘာမှလုပ်စရာမရှိတဲ့အချိန်ဆို ကြောင်ကလေးလို ကွေးပြီး အိပ်နေရတာကို ကြိုက်တဲ့လူလေ ...

ဝရံတာကနေ ဝင်နေတဲ့ နေရောင်က တစ်ခုတည်းသောဆိုဖာကိုမှီနေတဲ့ သူ့ဆီ တိုက်ရိုက်ဖြာကျနေတယ်... ပြီးတော့ သူ အိပ်ပျော်သွားတယ်..

အိပ်တစ်ဝက်နိုးတစ်ဝက် အခြေအနေမှာ သူ့ရင်ခွင်က နွေးထွေးနေသလိုပဲ ... ပြီးတော့လေးလံတယ်လို့ ခံစားရတယ် ..

ဒါပေမဲ့ တကယ်တမ်း သူ့မျက်လုံးကို ဖွင့်ကြည့်မိတဲ့အခါ သူဟာ ဆိုဖာကို မှီရင်း အိပ်ပျော်နေခဲ့ရုံပဲ .. သူထင်နေသလို ကြောင်တစ်ကောင်ကို ပိုက်ထွေးထားခဲ့တာမဟုတ်ဘူး ... ဘာလို့ဆို ဒီကလေးရဲ့အဆောင်ခန်းမှာ ကြောင်မှမမွေးထားတာ...

" LaoXiao ဒီမှာလာကြည့် "

သူထိုကလေးနား သွားလိုက်တယ် ... မဆိုးပါဘူး .. မျဥ်းကွေးတွေသုံးပြီး မျက်နှာတစ်ခု ဖြစ်လာအောင်ထိ ဆွဲတတ်နေပြီပဲ ... မျက်နှာက သူ့မျက်နှာများလား...

" ဒီမှဲ့က ?? "

နှုတ်ခမ်းအောက်နားက သက်သက်ထည့်ထားဟန်တူသော အနက်ရောက် အစက်ကလေး .. မျက်နှာက တူမနေပေမဲ့ နှုတ်ခမ်းနဲ့ နှုတ်ခမ်းအောက်က မှဲ့နက်ကလေးကတော့ ဒါက သူလို့ သက်သေပြနေတာနဲ့ အတူတူပဲ မလားလေ ...