"غير وصل عمران لي لسويسرة جا ليه الشيفور و تابعو ليكارد كورد بالسيارات وصل للفيلا ديالو لقا الخدامات موجدين الغدى هز غير تفاحة و طلع لبيتو دوش و بدل حوايجو و مشا هز وحدة من السيارات دياولو و تاجه للمستودع لي فيه السلعة و الحراس دياولو تابعينو عمران : السلعة واجدة الشخص : اه ا سيدي كلشي واجد كاينة هنا 500 كيلو ديال الكوكايين و في هادوك الصنادق كاين الهيروين عمران ( تفكر هيروين و بسرعة حاول يحيدها من بالو ) : اممم مزيان هاد السلعة غادا تقسم لربعة المجموعات و غادا تتفرق على ألمانيا اسبانيا انجلترا و فرنسا و ردو البال حيت الى حصلتو غير شهدو على رواحكم الشخص : كون هاني ا سيدي عمران : السلعة غادا تخرج اليوم مع العشرة ديال الليل و غدا مع العشرة ديال الليل نلقا الفلوس فوق هاد الطاولة مفهوم الشخص : مفهوم ا سيدي * عند هيروين * من بعد ما قادو الطلاب المسائل ديالهم مشاو الدراري للسكن الخاص بالذكور و مشاو البنات للسكن الخاص بالإناث و لحظهم جاو في نفس الغرفة بتلاثة بيهم هيروين و سلاف و اسراء دخلو لغرفتهم و كل وحدة تلاحت في بلاصتها و نعسو مع كثرة العيى من بعد جوج سوايع ناضت هيروين على صوت كرشها لي كتغوت جاها الجوع وهي تنوض من بلاصتها مشات كتفيق في سلاف هيروين : سلاف سلاف وااا سلاف سلاف : همممم هيروين : سلاف فيا جوع نوضي معايا نمشي نشري شي حاجة ناكلها سلاف ( مغمضة عينيها ) : راع صاكي هزي منو الفلوس و سيري هيروين ( حسات بالحكرة ) : ممحتاجاش لفلوسك عندي فلوسي الحمدلله ياله بغات تمشي و هي تشدها سلاف من ايدها سلاف : مقصدتش ا هيروين نجرحك ولله سمحي ليا هيروين : ماشي مشكيل و دابا شنو غادا تمشي معايا ولا لا سلاف : واخا واخا صبري نغسل وجهي دخلات سلاف للمرحاض و مشات هيروين صاكها لي سادة عليه بالقفل حلاتو و هيا تجبد واحد الصندوقة ديال الحديد حتاهيا بالقفل حلاتها و جبدات منها 200 درهم و رجعات سداتها و دارت السوارت في جيبها خرجات سلاف من المرحاض و خرجو من الغرفة هيروين : خاصني نحول الفلوس للعملة ديال هاد البلاد سلاف : ياله نمشيو للبنكة هيروين : عرفتي شنو ياله نرجعو لبيت نجيب معايا فلوسي كاملين سلاف : اوكي و حتا انا نجيب معايا فلوسي رجعو البنات لبيتهم هزات هيروين الصندوقة حلاتها ياله بغات تجبد الفلوش كاملين و هي تتراجع و هزات معاها غير نص مليون اما سلاف هزات معاهت فلوسها كاملين سلاف : شحال عندك تما ؟ هيروين : نص مليون و نتي سلاف ( مصدومة ) : منين جاتك هيروين : عطاها ليا بابا و نتي شحال عندك سلاف : مليون ارى فلوسك نديرهم مع فلوسي فصاكي هيروين : اه هاكي انا نيت مكنحملش نهز الصيكان سلاف : ههه زيدي زيدي مشاو البنات للبنكة حولو فلوسهم و لكن الفلوس مبقاتش عندهم كثيرة حيت العملة ديال سويسرة كبر من ديال المغرب سلاف : اوووف كنت فرحانة بهاديك المليون يخ هيروين : حتا نتي ماشي مشكيل سلاف : و دابا فين غادين نمشيو هيروين : نتغدااااو شوفي لهيه راه واحد المطعم ياله بغاو البنات يقطعو الشانطي و هوما يجي واحد الدري طاااير بالسكوتر خطف الصاك لسلاف سلاف ( كتغوت و كتهضر بالفرنسية ) : وااااع شفاااااار عتقونااااااا شفاااااار اهئ اهئ عاونونااا اهئ اهئ هيروين ( مصدومة ) : الفلوس مشاو سلاف : اهئ اهئ هيروين اهئ سمحي ليا اختي اهئ اهئ حتا فلوسك مشاو اهئ اهئ ناري شنو غادا نقول لبابا اهئ اهئ هيروين : صافي متبكيش ولا غادا نبدا نبكي حتا انا سلاف : سمحي ليا سمحي ليا اهئ اهئ هيروين : ماشي مشكيل غير شكتي سلاف : اهئ اهئ كيفااااش غادا نسكت راه طير لينا مليون و نص اهئ اهئ شنو غادين نديرو دابا و حنا معندناش الفلوس اهئ اهئ هيروين : صافي ا صاحبتي قتليك سكتي الحمدلله مخرجتش معايا فلوسي كاملين و كنضن بللي دوك الفلوس لي عندي غاديك يكفيونا بجوج سلاف ( كتمسح في دموعها ) : راه عام ا هيروين عااام على قدو شحال غادا تكون عندك كاع هيروين : مليون و نص سلاف ( مصدومة ) : منين جااااتك هيروين : بابا تسلف من عند شي صحابو و ماما باعت ذهبها باش قدرو يجمعولي هاد الفلوس سلاف : واخا هكاك خاصنا نمشيو نبلغو على الشفار هيروين : كنتي دايرة شي وراق مهمين في صاكك سلاف : لا غير الفلوس هيروين : اوى بلاما نبلغو مبغينا شوهة صافي نساي و ياله نرجعو لبيت حتال العشية و نخرجو حنا و الدراري و نحولو الفلوس سلاف ( كتنخصص ) : واخا رجعات هيروين و سلاف لبيتهم لقاو اسراء مزالة ناعسة مشات كل وحدة فيهم لسريرها جبدات هيروين تيليفونها و بغات تدخل للفيس و هيا تفكر بللي الكارطة غير ديال المغرب اوى ملقات ميدار حطات تيليفونها و تسرحات فوق الناموسية كتفكر في المستقبل بقاو البنات متكيين في بلايصهم حتا فاقت اسراء اسراء ( كتحك عينيها ) : البنات مالكم سلاف : مشفتي وااالو ا اسراء مشفتيش شنو وقع لينا اسراء : اش وقع ؟. سلاف : تصرقو لينا فلوسنا اهئ اهئ اسراء : اويلي فين و ايمتا سلاف ( عودات ليها شنو وقع ) اسراء : و مبلغتوش بيه ؟ هيروين : يهديك الله باش غادين نبلغو صافي نساو الموضوع و نوضو نخرجو تخنقت سلاف : واش غادين يمشيو معانا الدراري هيروين : ضروري باش منطيحوش في نفس المشكل عوتاني اسراء : بلاتي نغسل وجهي هزات هيروين فلوسها كاملين و دارتهم غي واحد الصاك صغير اسراء : مشينا هيروين : ياله خرجو البنات من الغرفة و مشاو لجهة السكن ديال الدراري لقاو عندان و محمد واقفين قدام باب السكن كيتمنضرو غير شافو البنات و هوما ينوضو عدنان : البنات فين غادين هيروين : بغيناكم تخرجو معانا حيت بغيت نحول شي فلوس عدنان : اهاه مرحبا محمد : سلاف علاش كتبكي هيروين : اوووف نتي مزال كتبكي عدنان : شنو واقع ؟ هيروين : قبيلة تصرقو لينا فلوسنا داك شي علاش كتبكي محمد : وااايلي شحال مشات ليكم هيروين : مليون و نص عدنان : قاصحة شوية هيروين : مكتاب عليها تمشي و دابا ياله خليونا نمشيو قبل ما يطيح الضلام مشات المجموعة مع هيروين للبنك حتا حولات فلوسها و دازت عند واحد المحل شرات من عندو جوج بيتزات و قرعة ديال كوكا و عيطات لدراري شركو معاها الطعام و من بعد رجعو للسكن الجامعي * في الغد عند عمران * عمران ( كيهضر بالانجليزية ) : الو لوكاس فين وصلتو امم مزيان اوكي قطع عمران مع لوكاس الشخص المسؤول بتوصيل المخدرات بعد ما طمأنو بللي كلشي داز مزيان عمران ( هاضر مع الخدامة ) : اليوم غادي يجي واحد الشخص يتعشى عندي بغيت كلشي يكون واجد الخادمة : حاظر سي عمران * في الليل * مشى عمران للمستودع لقا لوكاس كيتسنى فيه و قدامو ربعة الباليزات كبار ديال الفلوس عمران : ملقيتو حتا مشكل ؟ لوكاس : لا ا سي عمران عمران : همم مزيان شحال كاينة تما لوكاس : ربعة المليار عمران : اوكي هز حصتك و عطي لدراري لي معاك حصتهم لوكاس ؛ واخا ا سي عمران بدا تيليفون عمران كيصوني جبدو من الجيب ديال السروال و جاوب عمران ( كيهضر بالفرنسية ) : الو فراس فراس : وا فينك ا صاحبي راني جيت لفيلا و كنتسنى فيك عمران : خمسة الدقايق نكون عندك فراس : وا سربي عمران ( قطع مع فراس ) : لوكاس راك عارف شنو دير بالفلوس بلاما نوصيك لوكاس : واخا اسي عمران خرج عمران من المستودع ركب في سيارتو و توجه للفيلا غير تحل الباب و هو يبان ليه فراس كيتسنى فيه فراس : و أخييييرا شرفتينا عمران : ههه راك عارف الخدمة فراس : بدينا عوتاني" "عمران ( حل ليه دراعو ) : ههه اجي سلم عليا ا صاحبي راه عام متشاوفنا فراس ( عنقو ) : اوى الحمدلله مني باقي عاقل عليا عمران : واش نقدر نسى صاحبي لي كان غادي يموت على قبلي فراس : هههه باراكا متلاهيني بالهضرة و قول ليهم يحطو العشى ضرب عمرات في واحد الجرس و هوما يبداو الخدامات جايين و كيستفو في الاطباق فوق الطاولة فراس ( كياكل ) : باقي مبغيتي تبعد على ديك الخدمة عمران : شوفو شكون لي كيهضر صافي غير عفى عليك الله من ديك الطريق و بغيتي دير لينا فيها الشيخ المفتي فراس : ههه لا ولله ولكن مني بعدت من ديك الطريق وليت كنحس براسي انسان اما من قبل كنت بحال شي وحش بلا قلب عمران : هممم كول كول و سكت فراس : هاهوا ساكت عند هيروين * "" غادا نهظر بلسان هيروين "" هذا أول نهار ليا في القراية و لحسن الحظ جيت انا و سلاف و اسراء لي ولات صاحبتنا في نفس القسم غير دخلنا و هوما يتوجهو لينا جميع الانظار هيروين ( كتهضر بالفرنسية ) : سلام حنا الطلاب الجداد لي جينا من المغرب الأستاذ ( باقي صغير و زوين و لكن باينة فيه عينو زايغة ) : مرحبا بيكم معانا البنات : شكرا سلاف ( كتهمس في وذن هيروين ) : راه عدنان و محمد حتا هما جاو معاناوفي نفس القسم مشينا جلسنا انا و سلاف في الطاولة لي مور طاولة عدنان و محمد و اسراء جلسات مورانا بدى الاستاذ بالشرح و لاحظت بللي كيشوف في اسراء بزاف و لكن نضراتو مكانوش عاديين سلاف : شوفي الاستاذ كيفاش كيشوف في اسراء هيروين : وي شفتو ولله مكيحشم هيروين : باااينة فيه عينو زايغة سلاف : حتا انا داك شي لي كيبان ليا عدنان : واش نتوما مكتعياوش سلاف : دور دور قدامك نتابه للدرس الأستاذ ( كيهضر بالفرنسية ) : كاين شي مشكيل ؟؟ سلاف : لا مكاين حتا مشكيل الأستاذ : مني مكاين حتا مشكيل عاودي ليا هاد شي لي كنت كنقول سلاف ( كدور في عينيها ) : اااا البنت 1 : هاهاها مكلخة البنت 2 : هانتي تشوفي معامن ولينا كنقراو الأستاذ : سكتونا نتوما انا غادي جوج دقايق للإدارة نجيب شي وراق نرجع نلقاكم خدمتو هاد التمرين غير خرج الأستاذ و هيا تنوض شلاف كفضات كمامها و مشات لجهة الطاولة ديال البنات سلاف : اشنو كنتو كتقولو نتوما البنت 1 : كنضن راكي ماشي صمكة هيروين : سلاف يهديك الله رجعي بلاصتك البنت 2 : ههه شوفي لاخرة دايرة فيها راها بعقلها هيروين ( تسيفات ) : شوفي غادا تجمعي راسك ولا نعطي لختي شي دقة لي نخلي بيها دمها مطوش البنت 2 : اوووف على مستوى سلاف : حسن من مك البنت 3 : شنو زعما تحاميتو عليهم ياكما كيحساب ليكم راسكم واعرات حيت جيتو من داك البلد المتخلف أسية ( حتا هيا تعصبات ) : و نتي أش دخل مك فشي حاجة بعيدة عليك تكمشي حسن ليك البنت 3 : واقيلا كتهضري معايا أسية : لا مع لي ولدك ناضت البنت مشات لأسية شداتها من شعرها و حتا أسية مكانتش من الساهلين شداتها حتا هيا من شعرها و بدات كضرب بايديها و رجليها حتا دخل الأستاذ على غفلة الأستاذ ( بصراخ ) : أش واقع هنا البنت 1 : هادو ا استاذ بداو كيعيرو فينا و مني هضرات معاهم انجيلين جات لاخرة ضربتها سلاف : غادا تجمعي فمك ولا نهرسو ليك الأستاذ : راني واقف حداكم زعما و كلكم معاقبين بربعة السوايع ديال الحجز باش عمركم تعاودو هاد التصرف هيروين : ولكن ا أستاذ الأستاذ : و دااابا رجعو بلايصكم و في أخر الحصة غادين تمشيو معايا لغرفة الحجز دازت الحصة مملة كل واحد حادر راسو حتا سمعنا صوت الجرس جمعنا أدواتنا كلشي خرج الى انا و أسية و سلاف و دوك الكلبات بتلاثة و الأستاذ الأستاذ : زيدو قدامي البنت 1 : عفاك ا استاذ سمح لينا الأستاذ : نتي غادا تسكتي سلاف ( كتهضر في وذن أسية ) : هضري معاه طلبيه يسمح لينا عفاااااك راه غادين نبقاو جالسين ربعة السوايع أسية ( مهبطة راسها للأرض و حشمانة ) : أستاذ سمح لينا عفاك هادي أول و أخرة مرة الأستاذ ( سهى فيها ) أسية : استاذ الاستاذ : ها شنو احم اوكي ولكن هاذي أخر مرة المرة الجاية مغاديش نسمح ليكم الكل : شكرا أستاذ خرجنا من القسم فرحااانين مقادانا فرحة مشينا لبيتنا و حنا كنضحكو هيروين : هههه نحلف ليكم حتا الأستاذ عينو في أسية أسية : أش كتخربقي نتي سكتي سلاف : هههه اوووه شوفي كيف حمارت ههه قولي عجبك قولي قولي ههه أسية : ههه أوووف بعدو مني اسية : ههه أوووف بعدو مني سلاف : هاهما مبعدين منك عنداك تموتي ههه لبنات ياك اليوم عندنا العشية خاوية هيروين : أه علاش سلاف : شنو بان ليكم نخرجو نضورو شوية و لكن هاد المرة نبعدو على الجامعة هيروين : اويلي و الى تلفنا على الطريق سلاف : غادي نشدو طاكسي نعطيوه العنوان و مريضنا معندو باش أسية : أنا موافقة سلاف : هيروين شنو بان ليك ؟ هيروين : معرفتش ولله أسية : اويلي اختي الملل هنا خلينا نخرجو نبدلو الجو شوية هيروين ( بعد تفكير ) : اوك ولكن منتعطلوش سلاف : يااااي مواح عليكم ياله ياله نوضو وجدو راسكم هيروين و اسية : أوكي مشات كل وحدة من البنات لباليزتها جبدو الحوايج لي غادين يلبسو و هوما كيتنافسو على شكون غادا تكون حسن من لاخرة و بالطبع هيروين هيا الفائزة من بعدما لبسات كسوة بيضة و مفيها حتا زواقة من الفوق و فيها وريدات بالغوز في الجزء التحتاني و واصلة حد الركبة لبسات معاها سباط عالي في الغوز و ساك في الغوز سلاف : ياختي زوينة عندك هاد الكسوة عمرني شفتك لابساها هيروين : هادي شراها ليا بابا فاش قربت نجي ههه كيف جات معايا اسية : كتحمق بصحتك هيروين : يعطيك الصحة 😍 لبسات سلاف سروال مزير في الأسود و قميجة بيضة فيها كاروات بالأحمر خشاتها في السروال و لبسات سباط عالي في الحمر و هزات صاك في الحمر و دارت نضاضر كحلين فوق راسها ، أما أسية لبسات كويرة في الأسود و سروال ديال العسكر و سبرديلة في الأسود مهزات والو في ايديها سلاف : هيروين مموالفاش ليك تهزي شي صاك هيروين : اوى دابا غادا تولف نهزو سلاف : كتعاندي معايا 😕 هيروين : من نيتك ههه واش غير نتي لي كتهزي الصيكان في العالم اسية ( كتبرد الاجواء ) : ياله البنات تعطلنا سلاف ( كتخنزر في هيروين ) : ياله خرجو لبنات من السكن الجامعي بقاو كيتمشاو و كيضورو عينيهم و هوما حالين فامهم في هاد المدينة الرائعة شوية و هوما يوقف عليهم واحد الولد كبير بيض و عينيه زرقين و شعرو زعر هو زوين ولكن زينو باسل و ماشي من النوع لي كيعجب هيروين و لكن من النوع لي كيعجب سلاف الولد ( كيهضر بالفرنسية ) : سلام انا جاك سلاف ( بنضرات اعجاب ) : انا سلاف اسية : و أنا أسية جاك ( كيشوف في هيروين ) : و نتي هيروين ( كتهضؤ ببرود ) : علاش كتسول جاك : غير عجبتيني و بغيت نتعرف عليك هيروين ( هضرات بالعربية باش ميفهمهاش ) : كان كيحساب لي بللي غير ولاد البلاد لي معروفين بالتعناب جاك : عفوا ممكن تهضري بالفرنسية حيت مفهمتكش هيروين ( كتهضر بالعربية ) : البنات ياله نمشيو سلاف : غير جاوبب الولد بعدا هيروين : انا مجاياش لهنا باش نتعارف انا جايا باش نقرى سلاف : هذا كيتسمى التكبر تواضعي شوية و نتي غير هازة راسك لسماء شنو كيحساب ليك راسك هيروين ( مصدومة ) : سلاااف اش هاد الهضرة جاك : كاين شي مشكيل هيروين ( هضرات بالفرنسية ) : مسوقكش سير بحالك تفو على بنادم سلاف : هيروييييين هيروين ( تعصبات ) : مااالنا اشنو كاين نتي غير جيتي لهنا تقلبتي 190 درجة مالنا اش كاين سلاف : أسية ياله نمشيو من هنا غادا نزيد دقيقة مع هادي غادا نكبتها معاها هيروين : شناهواااا حررربش و تقربي ليا غادا تلقاي ايدي مصورة ليك في وجهك اسية : البناااات صافي سكتو مشات سلاف في طريق و هيروين في طريق و بقات اسية وسطهم معرفات شكون تبع شافت حتا عيات و هيا تبع سلاف اما هيروين بقات غادية كتمشى و كتبكي تصدمات في سلاف لي صاحبتها و بحال ختها كيفاش تبدلت عليها بقات بطلتنا غير كدور حتا وصلات لواحد الجردة دخلات ليها و مشات جلسات فوق واحد الكرسي بقات كتخمم و تحاول تعرف شنو لي خلا سلاف تتبدل عليها و لكن بدون فائدة شافت حتا عيات و هيا تشد طاكسي و رجعات للسكن دخلات لبيتها لقات سلاف و أسية مجمعين بالهضرى متسوقاتش ليهم حطات صاكها و جبدات بيجامتها لبساتها و تلاحت فوق ناموسيتها و عطات لبنات بضهرها بقات هكاك شي عشرة الدقايق متكية و عينيها كينزلو بالدموع حتا حسات بشي حاجة تحطات ليها على ضهرهو ضورات وجهها و هيا تبان ليها سلاف سلاف ( تلاحت على هيروين عنقاتها ) : سمحي ليا احبيبتي اهئ اهئ مقصدتش نقلقك معرفتش اهئ اهئ معرفتش كيفاش قدرت نهضر معاك هكاك هيروين : اهئ اهئ متعاوديهاش اهئ متعاوديش تمشي و تخليني حسيت براسي تالفة اهئ اهئ حسيت براسي وحيدة اهئ سلاف : سمحلي ليا اهئ اهئ هيروين ( كتمسح في دموع سلاف ) : صافي ماشي مشكيل سلاف : حنا ماشي صحابات هيروين : حنا خواتات سلاف : الى مفرقتناش الممات هيروين : عمرها متفرقنا الحياة هادي هي الجملة الخاصة بهيروين و سلاف فاش كيتخاصمو و يرجعو يتصالحو كيقولوها ههه تعانقو البنات و هي تنوض اسية خدمات الشعبي و ناضت تشطح و نوضاتهم معاها بقاو كيشطحو و يبردو هوايشهم حتا عياو وتلاحو على ناموسياتهم هيروين : البناااات جاني الجوع سلاف : راه غداك فوق الكرسي"
