" لقد عاد الماضي 😈 * في المغرب * عمران : هيروين ياله معايا هيروين : فين ؟ عمران : تسكني معايا هيروين : لا مبغيتش غير خليني هنا عمران : ولكن انا مغاديش نكون مرتاح و نتي جالسة في الدار بوحدك هيروين : عمران عفاك متضغطش عليا عمران : اوووف ا هيروين زدتي فيه ولله 😠 صافي انا غادا نكلف جوج رجال باش يبمشيو معاك فينما مشيتي و يحرسوك هيروين : راك نتا زدتي فيه كيفاش يحرسوني لا ا خويا انا مغاداش نكون مرتاحة فينما نمشي يبقاة لاصقين فيا عمران ( كيمسح على وجهو ) : لي عندي راني قلتو ليك و هوا لي غادي يكون خرج من الدار و خلا هيروين كتغلي عيط لجوج من رجالو و كلفهم باش يحرسو هيروين و يمشيو معاها فينما مشات و متغفلش على عينيهم هيروين :فااااك 😠 دابا انا منقدرش حتا نخرج على خاطري ضروري يلصقو فيا تفووو بدل تليفونها كيصوني شافت الرقم لقاتو غريب ترددات في الأول و لكن في الأخير زعمات و جاوبات هيروين : الو جوكر : هيروين معاك الجوكر وصلوني اخبار بللي عمران جا عندك و راه دابا كلف شي رجال باش يحرسوك هيروين : جوكر واش جيتي لمغرب ؟؟ جوكر : خلينا في المهم واش عمران عرض عليك تمشي تسكني معاه هيروين : اه ولكن مقبلتش جوكر : مكلخة علاااش مقبلتيش كان عليك تشاوري معايا في الأول هيروين : مكنتش عارفاك باغيني نمشي نسكن معاه جوكر : حيت نتي حمارة و مكلخة و كتصرفي غير من عقلك هيروين : و هاااا الزعامة الخاوية سي جوكر واقيلا فتي حدودك معايا جوكر : 😠 نتي غادا ديري المستحيل باش تخليه يعاود يطلب منك تمشي تسكني عندو هيروين : و شنو بغيتيني ندير انا ياه جوكر ( بعد تفكير ) : تفو مكتنفعي لوالو صافي انا غادي نتكلف هيروين : اوووكي خولة : انا لباس و نتا لوكاس : الحمد لله مخاصك والو ياك ؟ خولة : لا مخاصني والو 😊 ايمتا غادي تجي لوكاس : غادي نرجع من هنا لأسبوع و غادي نجيب معايا واحد الضيف خولة : شكون ؟ لوكاس : حتا نجيبو و تعرفي عليه خولة : ☺ اوكي لوكاس : باي حبيبتي و تهلاي في راسك خولة : و حتا نتا قطعات خولة مع لوكاس و عيا كتشوف في البيسي لي قدامها و على وجهها نضرة شريرة خولة : 😈 بغيتي غير قصوحية الراس اناااا مولاتها "" من بعد ساعة "" الحارس : أنسة خولة جاك هاد الضرف خولة : 😍 اه اه اراه شكرا بمكن ليك تمشي خرج الحارس و مشات خولة بجرية لبيتها حلات الضرف و هيا غادا طير بالفرحة خولة : و اخيرا وصلني التيكي ديال سويسرة ياااااي غادا نمشي غدا لسويسرة 😍😍😍😍 اممم نوض نجمع حوايجي و نفكر فشي خطة باش نخرج من الفيلا بلاما يشوفوني الحراس * عند لوكاس * لوكاس : فهمتي المطلوب ؟ الشخص : كون هاني ان شاء الله غادي يدوز كلشي بيخير لوكاس ( تنهد ) : كنتمنى الشخص : انا غادي نمشي باش نوجد لهاد شي و من هنا 3 أيام غادا تكون عندك الأمانة لوكاس : يمكن ليك تمشي خرج داك الشخص و بقا لوكاس كيشوف في الفراغ و عقلو خدام حاول ينسى و يبدى من جديد و لكن مقدرش الماضي لاسق فيه و عمرو ميخليه على راحتو في الغد فاقت هيروين و هيا مقلوبة بالنعاس دخلات لحمام غسلات وجهها و حكات سنانها و دخلات لمطبخ وجدات ليها الفطور و جلسات كتفطر كانت الساعة كتشير ل 11:30 فاقت معطلة بسباب السهير لي سهراتو مع واحد الفلم من بعدما سالات الفطور ناضت غسلات الماعن و دخلات لبيتها كتقلب على ماتلبس حتا لقات واحد الشورط ديال التجين واصل لفخاد و قميجة بيضة فوق الصرة بلا كمام و لبسان سبرديلة في البيض مشطات شعرهل و خلاتو مطلوق على راحتو و دارت نضاضر ديال الشمس فوق راسها دارت كلوز و ايلاينر رشات الريحة ديالها شافت في المراية و بدات كتمدح في الجمال ديالها حتا طلعات لراسها المعنويات عاد خرجات من الشقة لقات جوج رجال واقفين عند الباب غير شافتهم و هيا تخصر سيفتها و هوما كيشوفو فيها و ريوكهم سايلين حاولات تتصرف عادي بحالا مكاينينش و خرجات من العمارة و هوما تابعينها بقات كدور حتا سخفات و فينما تمشي تخلي الفام محلولين عليها و العينين خارجين فيها ولفات على بحال هاد النضرات و ولاو كيجيوها عاديين ضربلت الدورة باش ترجع لدارها و هو يوقف عليها واحد الشفار هاز موس ياله بغا يقرب ليها و هوما يوقفو عليه رجال عمران غير شافهم و هو يهرب اما هيا غير شافت الموس و هوما يخويو بيها رجليها و طاحت في للأرض كتقفقف الحارس 1 : أنسة هيروين واش نتي بيخير هيروين : الصمت الحارس 2 : كنضن بللي خاصنا نعيطو لسي عمران الحارس 1 : انا غادي نعيط ليه هيروين ( كتهضر في نفسها ) : معندي منتسالك و جوكر هاد الخطة عندك ذكية بحال جميع خططك 😈" "عيط الحارس لعمران و عاود لي شنو وقع و عمران غير سمع ديك الهضرة ناض معصب خرج من الشركة ركب في طموبيلتو و تاجه لبلاصة لي فيها هيروين حتا وصل غير خرج من الطموبيل و باين فيه معصب الحراس بداو غيى كيتفتفو اما هيروين غير شافتو بداك المنضر كحلات بالعمى عمران ( بغا يجبد الفردي و هوما يبانو ليه الناس كيتفرجو فيهم و رجعو ) : يا ولاد لق**ب فيييين كنتو مني وقف عليها الحارس 1 ( عرفو بللي كان باغي يجبد الفردي ) : سيدي حنا معرفناه منين خرج 😨 عمران : و نتوووووما شنو الخدمة ديالكم من غير أنكم تردو ليها البال يا ولاد الكلاب فين كان عقلكم هيروين : عمران انا ( قاطعها من بعدما شاف اللبس ديالها ) عمران ( شدها من شعرها ) : اش هاد اللبس يا لكلبة يحساب لمك باقا في سويسرة ولا شنو 😠 هيروين : اهئ اهئ طلق لي من شعري قصحتيني اهئ عمران ( طلقها ) : زيدي قدامي نتي ميصلاح ليك تبقاي بوحدك 😠 هيروين ( كتمثل الحزن ) : واخا 😔 * في تركيا * وجدات خولة غداها و هيا كتشوف في الساعة كتسنى الوقت يوصل بفارغ الصبر تغدات و غسلات الماعن و مشات لبيتها هزات الكارط بونكير ديالها و الوراق ظيالها و غير صاك صغير فيه غير حوايجها و العموان ديال الفيلا كاتباه في واحظ الورقة باش متنساش عليه هزاتو دارتو في كتفها و هيا كدعي الله باش كلشي يدوز مزيان شافت في الساعة لقات الوقت وصل خرجات كتسلت بانو ليها الحراس قدام الفيلا مشات كتسلت حتا ضربات الضورة على الفيلا بقات كتعنكش في الصور باغا تنقزو ولكن مقدراتش حتا عيات و شداتها البكية بغات ترجع بلاصتها و هو يبان ليها واحد الكرسي كيكلس عليه لوكاس مني كيبغي يكمي و كيخرج لجردة ديال الفيلا تحلو عينيها بالفرحة مشات كتجري هزاتو و هطاتو حدا الصور و طلعات فوقو و بقات كتنقز حتا وصلات لصور و بحكن ان الطاي ديالها رشيقة ملقاتش موشكيل باش تعلق في الصور و نقزات لخارج الفيلا و هيا باغا تزغرت بالفرحة خولة ( بفرح ) : هههه ياااااي و أخيييرا هههه سويسرااااا هانا جايا مشات كتجري حتا خرجات لطريق الكبير بدات كتشير لطاكسيات حتا وقف ليها واحد ركبات فيه و قاتلو يوصلها لمطار وصلات خولة لمطار خلصات مول الطاكسي و خرجات دارت نضاضرها ديال الشمس و تحولات ملامحها من ابتسامة عريضة لملامح جدية دخلات لمطار و من بعد نصف ساعة كانت في الطيارة من بعد لحضات علنات الطائرة عن الاقلاع ديالها و الوجهة هيا سويسرة * عند عمران * مشات هيروين مع عمران لفيلا ديالو و كلف رجالو باش يمشيو لأباغتومون ديالها يجيبو ليها حوايجها عمران : دخلي هيروين ( حالة فمها ) : وااااو واش هادي كلللها دار عمران : لا دار الجيران 😒 هيروين : 😍😍😍 شد ليها عمران في ايدها و دخلو بجوج و كل أنضار الخدامات متوحهين ليهم حتا جات ردينة كتجري لعند خوها و هو يطلق من ايد هيروين و هز ردينة ردينة ( كتشوف في هيروين ) : خويا شكون هاد البنت معرفتش فين شفتها عمران : هادي هيروين كنا تلاقينا بيها شحاااال هذا في حديقة الحيوان ردينة ( كتحاول تعقل عليها ) : 😅 معقلتش عليها عمران : هههه ماشي مشكل هيروين : سلام حبيبة شنو سميتك ردينة ( خنزرات فيها ) : نتي شريرة هيروين : 😨 شنو ردينة : خويا شوف النضرات ديالها كيخلعو هيا شريرة ولله دايرة بحال دوك الساحرات الشريرات عمران ( تفركع بالضحك ) هيروين : 😠 انا ماشي شريرة و ماشي ساحرة انا هيروين خاطفة قلوب الرجال 😉 هيروين منتبهاتش لراسها بللي قالت جملتها المشهورة لي موالفة تقولها في البار و نسات و قالتها قدام عمران و ردينة عمران : كيفاش ؟ هيروين ( كتفتف ) : ااا زعمى بغيت نقول امم زعمى ههه غير كنضحك معاها اوووف ا عمران مالك كدير من الحبة قبة" "عمران : صافي حتا انا مقلت والو غير بقاي تنتابهي لهضرتك شوية المهم هادي ختي ردينة هيروين : متشرفين الغزالة ☺ ردينة : 😠 جات عندهم عفراء كتعوج و كتشوف في هيروين باستفهام و كترجع تشوفةفي عمران بمعنى شكون هادي عفراء : عمران شكون هادي 😕 ياله بغا يهضر عمران و هيا تقاطعو هيروين هيروين : نتي لي شكون نتي احبيبة انا خطيبتو لالاك هيروين نتي باينة فيك شي وحدة من هادوك لي كيدوز بيهم الليلة و يلوحهم طراااااخ من بعد هاد الكلام المستفز لي وجهاتو هيروين لعفراء ردات عليها الأخرى بتسرفيقة لي تسمع الصدى ديالها في كل أرجاء الفيلا عفراء : جمعي فمك الكلبة و عرفي راسك معامن كتهضري لي عفراء الصفريوي أم عمران الصفريوي 😠 ردينة : شفتي اخويا راني قتليك بللي راها شريرة شفتي كيف عايرات ماما اهئ اهئ عمران ( كاتم الغضب ديالو ) : هيروين عتادري منها هيروين : شنووو لا نتا كضحك معايا ياك امبوسيبل نعتادر من شي واحد و أصلا انا باش عرفتها ماماك و هيا كتبان صغر مني و منك 😠 عمران ( ضرب ابدو مع الحيط حتا تزعزع ) : قتليييييك عتادري منها هيروين ( محاملاش راسها ) : كنعتادر عفراء : شنو قلتي احبيبة مسمعتكش هيروين : انا كنعتاااادر منك 😑 عفراء : هممم اوكي 😕 اوى مقلتيليش ا عمران شكون هادي عمران : هادي قصة طويلة المهم هوا أن هيروين غادا تسكن معانا ردينة : 😨 كوا هيروين : اشمن كوا ولا ح ياله بغات تقفرها و تشد كوا تحيد ليها الكاف و دير بلاصتها الحاء و هيا تبدلها بسرعة هيروين : اشمن كوا ولا حمص كنضن بلاي هضرتو واضحة ردينة : 😕 كون غير سكتي راك مقلتي وااالو حامضة هيروين : 😊 عمران : بففف كنضن بللي غادي نلقا معاكم المشاكل بزااااف هيروين زيدي قدامي نوريك بيتك حط ردينة و شد هيروين من دراعها و جرها طلعها مع الدروج و هو مغزف عليها ولكن مبغاش يغلط و يفوت فيها شي ضربة حيت عارفها فاقدة الذاكرة عمران ( دخل هيروين لبيتو و سد الباب ) : مااال مك نتي علاش كتقلبي هيروين : هااا ؟ مفهمتش عمران : هيروين متخلينيش نغلط معاك واش كيحساب ليك عندي الكرون راني عرفتك شنو كنتي غادا تقولي لردينة قبيلة 😠 هيروين ( كترمش عينيها ببرائة ) : انا معرفتكش علاياش كتهضر عمران : الصبر يا ربي 😠 هيروين سمعي ردينة غادا تبعدي منها على الأقل حتا تولف عليك معانا و تقبل بيناتنا هيروين : 😕 عمران : هاني غادي لشركة دابا منبغيكش تعتبي هاد البيت واش كتسمعي هيروين : شناهوااا ؟ عمران ( ضرب ايدو مع الحيط ) : كيف سمعتي هيروين : بففف وا الحبس هادا عمران : حسبيه كيفما بغيتي هاني مشيت خرج و سد موراه الباب هبط مع الدروج و هو كيسوط مبقا فاهم والو فهيروين ولات كتعصبو و بزااااف * عند خولة * و أخييييرا وصلت لسويسرة 😍😍😍 من بعدما كملت الاجراءات ديال السفر خرجت من المطار و عيني كيلمعو بالفرحة أول حاجة درتها مشيت كنقلب على شي بنكا باش نخرج الفلوس مكانش عندي مشكل في اللغة حيت الأغلبية كيهضرو بالفرنسية و حتا انا كنتقنها بقيت كنسول حتا وصل لواحد البنكا خرجت الفلوس و شديت طاكسي جبدت الورقة لي فيها العنوان و عطيتها لمول الطاكسي بقينا غادين شي ربع ساعة حتا وقفنا قدام واحد الفيلا غير خرجت من طاكسي و شفتها بداو كيبانو ليا شي أطياف و كنسمع الغوات و رلسي كيحرقني كنت شوية و نطيح كون مشدنيش العساس ديال الفيلا خولة : ااا سمح لي ا سيدي العساس ( كيشوف في وجهها و كيحاول يتفكر فين شايفها ) : ماشي مشكل ابنتي علامن كتسولي خولة : كنسول على فراس واش كاين ؟؟ العساس ( بحزن ) : بنتي راه فراس مات من زمان خولة ( مصدومة ) : ميمكنش العساس : شكون نتي لي كتسولي عليه ؟ خولة : صديقتو 😔 اه بغيت نسولك على شي واحد سميتو عمران كنضن غادي يكون صديق ولا أخ فراس العساس : اه سي عمران صاحب فراس الله يرحمو حتا هوا غبر من نهار مات سي فراس و حتا من الخلصة ديالي هو لي كيسيفطها ليا خولة : 😑 هممم منلقاش عندك الرقم ولا العنوان ديالو العساس : الرقم لا ولكن العنوان اه حيت خويا خدام عندو في الفيلا ديالو و يمكن لي نقوليه يعطيه ليا خولة : 😍 اه اه قولها ليه عفاك العساس : واخا تسناي جبد العساس تيليفونو و هضر مع خوه قالو يسيفط ليه العنوان في رسالة و قطع معاه ضار لعند خولة العساس : هاهوا العنوان ابنتي خولة : 😍 شكرا بزاف لهلا يخطيك العساس : العفو سجلات خولة العنوان عندها و عودات شكرات العساس و ياله ضارت باش تمشي و هي تسمع العساس عيط ليها العساس : بنتي نتي ماشي صديقة المدام سلاف ؟؟ خولة ( تفكارت الصورة لي لقات في بيت لوكاس ) : شوف ا سيدي نجيك نيشان انا فاقدة الذاكرة ز معاقلة على والو لا فراس والا عمران والا سلاف 😢😢😢 هاد المعلومات لي عندي وصلت ليهم بزز و دابا كنحاول نبحث على الماضي ديالي العساس ( بأسى ) : للأسف ابنتي انا خدمت عند سي فراس غير مدة قليلة يعني منقدر نعاونك بوالو من غير انك صاحبت سلاف و كنتي جيتي عندها واحد المرة نتي و سي عمران و واحد البنت خولة ( شدات راسها من كثرة الألم ) : أاام أي العساس : واش نتي لباس خولة : لباس لباس ممكن تقولي فين نقدر نلقا سلاف العساس : معرفتش حيت أخر مرة كنت شفتها فيها كانتو غادين بيها للمستشفى خولة : واش معارفش شنو سميتي العساس ( كيحاول يتفكر ) : لا بالصراحة معقلتش ولكن كان عندك واحد الاسم غريب خولة : عفاك عفاك حاول تفكر عفاااك اهئ اهئ اهئ العساس : اممم كنضن بللي اسمك كانت عندو علاقة بالمخدرات شنو هوا شنو شنو شنوووو اممممم ااااه تفكرت تفكرت خولة : شنوووو هوا 😍 العساس : هيروين"
