"خرجنا من السكن الجامعي كانت هاديك الساعة العشرى ديال الليل واخا هكاك كانت الدنيا عامرة بالناس شدينا طاكسي و قلنا ليه يدينا لوسط المدينة اسراء : و دابا فين غادين نمشيو ؟ سلاف : نمشيو نسهرو فشي بواط 😍 هيروين : اويلي اسراء : ههه فكرة زوينة ولله هيروين : نتوما الى بقيت تابعاكم غادين تخرجو عليا سلاف : اوووف شحال وليتي كاعصبيني ا هيروين مالك ا صاحبتي خودي الأمور ببساطة و متنسايش الدنيا كنعيشوها غير مرة ماشي عشرة هيروين : صافي صافي سكتي و غير الله يخرج هاد الليلة على خير مول الطاكسي : وصلنا سلاف : خويا عفاك دينا لشي بواط مول طاكسي : واخا * من بعد عشرة دقائق * مول الطاكسي : وصلنا هيروين ( خلصاتو ) : شكرا خرجنا من الطاكسي و حنا نشوفو قدامنا بان لينا واحد الملهى ليلي كيدخلو ليه شي بنات بشي لبس لا اله الا الله سلاف : ياله ندخلو هيروين ( من بعد ما دخلنا ) : وييييلي اسراء ( مصدومة ) : يا إلاهي ما هذا كاان الملهى عامر بالرجال و البنات أشمن بنااات قولو قحبات كل وحدة فيهم معرية كثر من الأخرى و لكن المشكيل ماشي هنا المشكل هو أن الرجال و البنات كيتباوسو بالعلالي بلا حشمة هيروين : البنات عفاكم ياله نخرجو من هنا راه جابو ليا الردان سلاف : تبتي شوية اصاحبتي حنا ياله جينا و بغيتينا نمشيو اسراء : حتا انا بغيت نمشي ولله معجبنيش هاد شي سلاف : اوووف منكم صافي خليونا نعيشو الحياة شوية راه عندنا 22 عام ماشي عشر سنين باش تخافو * عند عمران * داز النهار عند عمران عادي تماما بقى غير في الفيلا مع فراس كيدردشو حتا وصل وقت الغداء تغداو و هبطو للاصال فراس : اش بان لي فشي مبارزة عمران : بغيتيني نغلبك بحال ديما ههه فراس : متيقش فراسك بزاف راني ميقيتش كيف كنت ههه عمران : اوى هاحنا غادين نشوفو عطا عمران قفازات الملاكمة لفراس و خدا حتا هوا وحدين و بداو المبارات دقة فيا دقة فيك حتا بدا العياء كيبان على وجه فراس و في الأخير استسلم حيت عرف راسو غادي يخسر عمران ( كيحيد في القفازات ) : برافو عليك تحسنتي بزاف فراس : ههه عارف ولكن مزال موصلت لداك شي لي بغيت نوصل ليه عمران : لي هوا ؟ فراس : نغلبك عمران : ههه في أحلامك طلعو الدراري دوشو و من بعد خرجو كيضورو في المدينة و تابعينهم الكارد كورد ديال عمران و حتا ديال فراس بقاو كيتساراو حتا عياو و رجعو لفيلا لقاو العشى واجد و جلسو يتعشاو فراس ( كياكل ) : شنو بان ليك نخرجو عمران : ياله دخلنا فراس : زعما نسهرو عمران : بلاش فراس : وا ياله ا صاحبي مالك معقد عمران : فين غادين نمشيو بالسلامة فراس : لشي بواط 😍 عمران : ههه لا بلاش فراس : وا ياله ا صاحبي خلينا نشطو شوية عمران ( بعد تفكير ) : هممم كول كول فراس : اذن موافق ههه عمران : تعشى بعدا و يحن الله كملو الدراري ماكلتهم و فراس وقف على عمرات وقفة وحدة حتا وافق يمشي معاه نرجعو عند هيروين "" اسراء : لبنااات فيا الجوع سلاف : اوووف صدعتيلنا راسنا بفيا الجوع سيري خودي ليك شي موناضة و لا عصير انا غادا نمشي نرقص اسراء : هيروين ياله معايا هيروين : غير سيري نتي حتا نتبعك انا غادا لحمام اسراء : واخا تفرقو البنات كل وحدة مشات لبلاصة أما هيروين مشات للحمام قضات حاجتها و مشات تقابلات مع المرايا كتقاد في العكر ديالها حتا سالات و خرجات من الحمام غير دخلات لبواط و هوما يبانو ليها البنات كيشوفو جهة الباب بلهفة بحالا شافو شي صندوق عامر بالذهب دورات عينيها لجهة الباب و تصدم * عند عمران * فراس : صافي حبس عاحنا وصلنا عمران : واش غادين ندخلو هنا ؟ فراس : مالك كتخصر في سيفتك راه ولله حتا واعر غير زيد دخل عمران : بففف دخل عمران لبواط مع الدخلة كيبانو ليه غير القحبات لي مشتتيت تما و كلهم كيشوفو فيه هو و فراس و ريوكهم سايلين عمران ( كارز على سنانو ) : اش هاد الوسخ جبتينا ليه فراس : زيد براكا من الهضرة عمران : ولش من نيتك غادين ندخلو فراس : اه" "جر فراس عمران و دخلو و هو محاملش راسو و غير كيضور في عينيه مخنزر حتا طاحت عينيه على هيروين لي كانت كتشوف فيه و هي مصدومة و حتا هوا بدورو تصدم فراس : عمران مالك ؟؟ فاش كتشوف عمران : ( الصمت ) دور فراس عينيه لجهة لي كيشوف فيها عمران و هوما يخرجو عينيه فراس : بشاخ بشاخ بشااااخ على جماااال شكون هاد الملاك ا عمران واش كتعرفها عمران : تقريبا دورات هيروين وجهها و هي تبان ليها اسراء و مشات لعندها و حاولات متشوفش جهة عمران بقات كتهضر مع اسراء باش تحيد التوثر حتا حسات بشي واحد وقف حداها هزات راسها و هي تبان ايها سلاف و معاها عمران و فراس سلاف : هيروين شوفي شكون ههه هيروين ( خدودها حمارو ) : سلام فراس : سلام انا فراس و نتي هيروين ياك هيروين : أه فراس : تشرفت بمعرفتك جر ليها ايدها و باسها بكل لباقة و عمران غير مخنزر عمران : اشنو كديرو هنا سلاف : في سويسرة ولا في البواط ههه عمران : في سويسرة سلاف : جينا على حساب القراية عمران : اممم فهمت اسراء : واخا تشرحولي شنو واقع 😅 سلاف : ههه هذا عمران كنا تلاقينا معاه في المغرب و هذا لي معاه كنضن صاحبو و سميتو فراس اسراء : متشرفين انا اسراء فراس : الشرف لينا هيروين : البنات ياله نمشية تخنقت هنا سلاف : اوووف عصبتيني مني جينا و نتي دايرة لينا الطيارة باغا تمشي فراس : ههه متقوليش ليا حتا نتي بحال عمران مكيعجبوكش هاد البلايص هيروين : اش فيهم ميتعجب عامرين غير بالمنكر اسراء : هاد عمران غير ساكت و كيخنزر ههه فراس : هذا هو حالو ديما اممم بما أن هيروين و عمران معجباتهمش البلاصة شنو بان ليكم نكملو السهرة فشي بلاصة أخرى سلاف : 😍 اوووك هيروين : سلاف واش تسطيتي سلاف : سكتينا نتي و الى بغيتي ترجعي راه الطريق قدامك هيروين ( مصدومة ) : اوى الله يكثر خيرك خرجات هيروين من البواط و هيا معصبة من سلاف حيت زادت فيه و بزااااف بقات غادا حدا الشانطي كتقلب على شي طاكسي و وااالو بدات كتحس بالخوف و كتشوف في جنابها و قلبها غادي يوقف بالخلعة بالخصوص حيت هاديك البلاصة لي هيا فيها خاوية و مفيهاش حس البشر بقات غادا شي ربع ساعة حتا حسات بشي طموبيل وقفات ليها حدا رجليها تحل الباب و خرج منو عمران عمران : فين غادا بوحدك في هاد الليل هيروين ( حابسة الدموع ) : غادا بحالي عمران : مخفتيش يتعرض ليك شي شفار هيروين : اهئ اهئ اه خفت و بزاف ولكن شنو ندير اهئ اهئ معرفتش مالها مني جينا لهنا تبدلات و ولات كتحطني فشي مواقف بايخة اهئ اهئ شنو يحساب ليها راسها اهئ مشعرش عمران براسو حتا عنقها و حتا هيا تخشات فيه و زادت في البكى و هو كيطبطب ليها على ضهرها حتا سكتات هيروين ( بعدات عليه ) : سمح ليا محسيتش براسي عمران ( رجع لتخنزيرتو المعهودة ) : ماشي مشكيل ركبي نوصلك ركبات معاه بلاما تزيد شي كلمة و نعتات ليه البلاصة لي ساكنة فيها وصلها حتال باب الجامعة بانو ليها البنات كيتسناو فيها و معاهم فراس اسراء ( بخوف ) : هيروين تخلعنا عليك اختي فين مشيتي هيروين : ماشي مهم المهم هانا جيت سلاف : دوك الحركات ديال البراهش متبقايش ديريهم راك خلعتينا و دابا كون وقعات ليك شي حاجة كنا حنا لي غادين نوحلو فيها بقات هيروين كتشوف في سلاف و هيا كتغلي بالغضب مبقاتش قادرة تصبر و هيا طير عليها كتنتف و تقمش و تصرفق و سلاف كتحاول طاكي على راسها حتا كتشدها هيروين و تعاود تخشيها تحتها و تبدا تضرب حتا شدها عمران و بعدها عليها عمران ( بغضب ) : واش تسطيتي نتي هيروين : بااااش تعلم تلزم حدودها صبرت ليها بزااااف واقيلا نسات هيروين اش كتسوا و فاش كتعصب كيف كتولي و هانا فكرتها اسراء : هيروين اش هاد المرض ديال والو راكم صحابات زعما اش هاد شي هيروين : نتي غادا تسكتي ياله عرفناك هادي سيمانة وليتي باغا دخلي لينا مع العضام فراس : هيروين تهدني هيروين : هاااهيا مهدنة غير بعدو مني توجهات هيروين لباب الجامعة بغات و هيا تصدم حتا كانت غادا تسخف اسراء : شنو واقع ؟ هيروين : الباب مسدود فراس : هههههههههههه هيروين : مالك كتفرنس فراس : واش مفخباركمش بللي السكن الجامعي كيسد مع 12:00 ديال الليل اسراء ( مصدومة ) : كيفاااااش ( شافت فسلاف ) كلشي بسباااابك نتي لي فيك الدودة و خرجتينا شفتي دابا فين وصلتينا سلاف : ( كتجمع شعرها في صمت ) هيروين : و دابا شنو الحل ؟ فراس : ياله تمشيو معانا هيروين : شناهواااا ياكما يحساب ليك حنا من هادوك اسراء : اواااايوا على الزعامة الخاوية و شتي البسالة هيروين : ولله و متجمع راسك حتا نوريوك اشنو كنسواو اسراء : راك باقي معارفناش فراس : هههههههههههههههه لا نتوما بزاااااف ههههههههه عمران ( بتاسم ) : ياله شوف كيف تفكها دابا فراس : هههههههههه عجبني التفكير ديالكم هههه ولكن راه ماشي في محلو قصدت زعما تمشيو تباتو في الفيلا ديال خويا عمران راها كبيرة و عامرة بيوت و راه كاينين حتا الخدامات ساكنين تما يعني معندكم منهاش تخافو 😂 سلاف ( بطمع ) : الفيلا فراس : هههههه اه غادا تعجبكم غير ياله اسراء : سلاف غير سمعتي حس الفيلا و نتي توقفي على رجليك صحة سلام هههه سلاف ( خنزرات فيها ) : ديها في راسك شوية احم انا بعدا غادا معاكم فراس : و نتوما ؟ اسراء ( كتشوف في هيروين ) : شنو نديرو هيروين : نتوكلو على الله و نمشيو فراس : اوى ياله ركبات سلاف مع فراس و هيروين و أسية مع عمران و توجهو لفيلا وصلو من بعد ربع ساعة نزلو من الطموبيلات و غير شافو الفيلا و هوما يتصدمو اسراء ( مدهشرة ) : هيروين حنا في الدنيا ولا الجنة هيروين : الى كنت كنحلم متفيقونيش عمران : دخلو واش غادين نباتو هنا هيروين : شفتك بحالا جبتينا و ندمتي فراس : ههه لا راه هو هضرتو بحال هاكدا متديوش عليه دخلو تفضلو دخلو البنات و هوما حالين فمهم تصدمو من الشكل الداخلي ديال الفيلا كان جامع ما بين التصميم المغربي و الأوربي لي عطا واحد الشكل راااائع هيروين : وااااو اسراء : شحال زويييين فراس : سدو فامكم الموت كدور 😅 هيروين ( شافت في عمران لقاتو مخنزر ) : احم خاصنا نعسو راه الصباح خاصنا نفيقو بكري اسراء : اوووف عوتاني القراية فراس : بما أن الخادمات دابا كيكونو ناعسين أجيو نوريكم البيت لي غادين تنعسو فيه هيروين ( شافت في سلاف و خنزرات ) : واش غادين نعسو في بيت واحد فراس : الى بغيتي تنعسي بوحدك باشي مشكيل هيروين : اه نعس بوحدي حسن عمران : شفتك كتشرطي هيروين : مهضرتش معاك عمران : واقيلا داري هادي هيروين : بصااااح اوى بزعطى ياله أخويا فراس وريني لبيت عفاك فراس ( تقرص من كلمة خويا ) : احم ياله اسراء : هيروين نعس معاك ؟ هيروين : واخا وصل فراس البنات لبيتهم لي كان حدا بيت عمران و حداه البيت لي غادا تبات فيه سلاف و في أخر الصف بيت فراس دخل كل واحد لبيتو و سدو عليهم و نعسو * في الصباح * هيروين : اسرااااء نوضي راه خاصنا نمشيو راه غاظين نتعطلو اسراء : هممم خليني نعس هيروين : وا نوووضي راه تابعانا القراية اسراء ( كتحك في عينيها ) : هاهيا ناضت اوووف واش سلاف ناضت هيروين : و شكون شافها اسراء : انا غادا نطل عليها هيروين : 😕 سيري مشات اسراء لعند سلاف دقات عليها و لكن مجاوباتهاش بقات كدق حتا عيات و هيا تحل الباب و طلات براسها بانت ليها سلاف جالسة على طرف الناموسية بدون حراك دخلات لعندها اسراء اسراء : سلاف مالك سلاف ( مهبطة راسها ) : الصمت اسراء : علاش مكتجوبينيش هزي راسك شوفي فيا سلاف : الصمت هزات اسراء لسلاف راسها و هيا تصدم اسراء : سلاف علاش عينيك حمرين و علاش كتبكي سلاف : الصمت اسراء : وا هضريييي بقات اسراء كتهضر مع سلاف بدون جدوى و في الأخير جراتها لحمام غسلات ليها وجهها و خرجاتها من البيت لقاو هيروين كتسنا فيهم هيروين : مال هادي كتبكي اسراء : معرفتش مني دخلت عليها لقيتها كتبكي كنهضر معاها و مكتجاوبنيش هيروين ( تشوشات ) : سلاف مالك سلاف : الصمت اسراء : اوووف راني عييت منهضر معاها و وااالو و دابا ياله نمشيو راه تعطلنا خرجو البنات من الفيلا بلاما يشوفهم شي واحد حيت كلشي مزال ناعسين خداو طاكسي وصلهن للجامعة لقاو الباب تحل دخلو لبيتهم بدلو حوايجهم و طول الوقت هيروين كتشوف في سلاف غير كتبكي و باغا تهضر معاها ولكن ملقاتش الفرصة حيت تعطلو على القراية"
