" وصلو لبنات لفيلا لقاو سلاف كتسنى فيهم عند الباب غير دخلو و هوما يتلاحو على بعضياتهم كيتعانقو اسراء : شكون كان يقول بللي هاديك الخرجة ديال البارح غادا تتسبب في هاد شي كااامل هيروين : 😢 صافي نتي اسلاف تزوجتي اهئ كنت ناوية نحضر في عرسك و نشطح حتا نسخف و نقول لضيوف هاد راااها ختي اهئ اهئ سلاف : اهئ اهئ صافي ا هيروين متبقايش تبكي ماااشي مشكيل كلشي من الخير اسراء : ههه سلاف شفتك غير تزوجتي و نتي ديري عقلك سلاف ( تنهدات ) : ولكن بالمقابل تكسر لي قلبي هيروين ( عرفاتها كتمعني على عدنان ) : سلاف ميبقاش فيك الحال ان شاء الله غادا تنسايه و تولي كتبغي فراس و هو كذلك كيبغيك و تشكلو لينا اجمل قصة حب ههه و تختموها بشي فلالس اااانا لي غادا نسميهم سلاف : هههه حمقة فراس : واش مكتعياوش من الهضرة هيروين : خويا فراس واخا نطلبك فراس : مرحبا هيروين : واخا تخلي سلاف تبقى تبات معانا حتا تمشيو لداركم فراس ( بعد تفكير ) : هممم ماشي مشكيل هيروين : 😍 شكرا فراس ( داب فعويناتها ) : العفو خرج فراس و عمران من الفيلا و طلعو البنات كيكتاشفو في البيوت و المطبخ خداااو راحتهم بالمعقول الخادمة ( كتهضر بالفرنسية ) : واش تبغيو نقاد ليكم حوايجكم في البلاكار هيروين : بلاش احبيبة بلاما تعدبي راسك حنا نقادوهم بوحدنا الخادمة : على خاطرك الالة هيروين : مسميتيش لالة سميتي هيروين و هادي سلاف و هادي اسراء الخادمة : تشرفت بيكم و انا جاكلين البنات : الشرف لينا هزو البنات حوايجهم و مشاو لنفس البيت لي كانت نعسات فيه هيروين و اسراء ستفو حوايجهم في جو من الضحك حتا جا عمران و فراس و تجمع الكل على طاولة العشاء اسراء ( كتهضر في ودن هيروين ) : شوفي فراش كيف كيشوف في سلاف ناااري شوفات ديال القتيلة هيروين ( كتهضر في ودن اسراء ) : وي شفتو انا بعدا خلعني عمران : ممكن تشاركونا في حديتكم اسراء ( كتطنز ) : كنسول غير هيروين على ايمتا غادي يجي كمال باش يخطبها راه طولو سلاف ( فهماتها ) : ولكن راه منار واقفة ليهم في الطريق اسراء : ويلي على منار ويلي رقيقة و طويلة كيف سلوم البلدية سلاف : هيروين صافي هاد شي طول عيطي لكمال و قولو يدير شي حل راه كلشي ولا كيهضر عليكم طراااااق كلشي تخلع و قفز من بلاصتو ضارو لجهة عمران لقاو عينيه حمرين و الكاس مهرس ليه في ايديه هيروين : ويلي عمراااان ايدك كيسيل منها الدم عممران ( بدون مبالاة ) : انا غادي نعس تصبحو على خير طلع عمران لبيتو و تبعو فراس و بقاو غير البنات الراس في الراس اسراء : مال هذا واش تسطى سلاف : هاديك سميتها الغيرة ههه اسراء : مفهمتش سلاف : كنضن بللي عمران كيبغي هيروين و فاش سمعما كنهضرو على كمال جاتو الغيرة هيروين : لا اش كتخربقي نتي سلاف : واش مشفتيش كيف كان كيشوف فيك هيروين : غير كيبان ليك ياله نوضو نعسو راه مشى الحال طلعو لبنات لبيتهم و تعانقو و نعسو بغيت نقول نعسات هيروين و اسراء أما سلاف بقات كتفكر في هضرة فراس و هيا كتبكي في صمت * فلاش باك * من يعدما مشات هيروين للجامعة باش تجيب اسراء مشا عمران و سلاف و فراس للفيلا طلع عمران لبيتو و جر فراس سلاف من ايدها و دخلها لبيتو و سد الباب فراس ( بنضرات الحقد ) : وجدي راسك ا مراتي العزيزة غادي نخليك تعيشي جهنم و نتي مزال في الدنيا غادي نخليك تتمناي الموت و متلقايهاش سلاف : اهئ اهئ اشنو درت ليك انا اهئ اهئ علاش كتتعامل معاها هاكدا فراس : توتوتو متبكيش خبي هاد الدموع راك مزال محتاجاهم في المستقبل و بالنسبة لسؤال ديالك انا غادي نجاوبك عليه بسبااااابك دابا مبقيتش نقدر نقرب من هيروين حيت تزوجت بصديقتها الغبية سلاف : اهئ اهئ هيروين مكتبغيكش مكتبغيييكش دخلها لراسك فراس : كنت غادي نخليها تبغيني انا متأكد بلي كان ممكن تولي كتبغيني كيفما وليت كنبغيها ههه ( بتاسم ) حب من أول نضرة سحرااااتني من أول شوفة ليها ( خنزر ) ولااااكن نتي دمرتي هاد شي كااااامل و خاصك تتحملي العواقب * نهاية الفلاش باك * صبح الصباح فاقت هيروين و فيقات اسراء غسلو وجههم و لبسو حوايجهم و هزو كتوبتهم و خرجو من الفيلا لقاو السائق كيتسنى فيهم في الأول تصدمو ولكن من بعد شرح ليهم بللي من اليوم هوا لي غادي يولي يديهم و يجيبهم فرحو بزاف و ركبو معاه و مشاو للجامعة دخلو لقسمهم و كيف العادة جلسو في الطاولة الأخيرة و قدامهم عدنان و محمد عدنان : صباح الخير اسراء : صباحو عدنان : فين سلاف مبانتش ليا ياكما مريضة اسراء : لاء سلاف ( قاطعاتها هيروين ) هيروين : و نتا علاش كتسول عليها نسيتي شنو قلتي ليها عدنان : مكنتش قاصد ولله انا سلاف كنبغيها و مستحيل نفكر شي نهار نقلقها هيروين و اسراء : 😨 كتبغيهااااا عدنان : اه كنبغيها و كنحماق عليها و اليوم غادي نصارحها و من بعدما نساليو القراية نمشي نخطبها هيروين : غير نسى سلاف عدنان : علاش ؟؟ الأستاذ : هيييه نتوما واش مغادينش تسكتو كلشي سكت دازت الحصة عادية و مني كانو خارجين شد عدنان هيرةين من ايدها اسراء : انا غادا عند الأستاذ على قبل المسابقة هيروين : واخا سيري عدنان : هيروين شرحي ليا شنو واقع هيروين ( خدات نفس عميق ) : سلاف تزوجات عدنان و محمد : 😨 شنووووو هيروين : كيف سمعتو سلاف تزوجات و دابا راها مع راجلها اذن غير نساها ا عدنان" "عدنان ( طاحت دمعة من عينو ) : ميمكنش مشا عدنان كيجري و خلا محمد و هيروين كيشوفو فيه بشفقة محمد : كيفاش وقع هاد شي و شكون هذا لي تزوجات بيه هيروين : منقدرش نقولك سمح ليا خلاتو و مشات للمطعم فطرات و دخلات لحصة الثانية لقات اسراء جالسة ساهية مشات جلسات حداها هيروين : بس زين مالك اسراء : هيروين الاستاذ قال ليا كيبغيني هيروين : 😑 كطنزي ياكي اسراء : لا ولله هيروين : اسرااااء راه الأستاذ مزوج اسراء : باش عرفتيها هيروين : سمعت ديك المرة البنات كيهضرو عليه و قالو بلي مراتو ياله ولدات اسراء : مكيهمش أصلا انا قتليه بللي كنبغي شخص أخر هيروين : هههه هاي هاي على الناس ديال الحب و شكون هاد سعيد الحظ اسراء ( حشمانة ) : سكتي الاستاذة جات حتا نخرجو و نقولك هيروين : ههه واخا واخا دخل محمد جلس في بلاصتو و لكن عدنان مدخلش سولات هيروين محمد عليه هيروين : فين هوا عدنان ا محمد محمد : مبغاش يدخل قالك بغا يبقى شوية بوحدو هيروين ( تنهدات ) : هاد الدنيا كتلعب ليهم كيف بغات مني سلاف كانت كتبغيه هوا كان منفخ و مني سلاف تزوجات هوا عاد عتارف بللي كيبغيها محمد : واش سلاف كانت كتبغيه ؟؟ هيروين : اه ولكن دابا مكيهمش حيت هاد الحب مبقى عندو معنى ضار محمد قدامو و بدات الأستاذة بالشرح و هاكدا دازت الحصة حتا صونا الجرس و خرجو البنات من الجامعة لقاو السائق كيتسنى فيهم ركبو معاه و مشاو لفيلا رجعو لبنات لفيلا لقاو سلاف جالسة في الصالون و ساهية مشاو جلسو حداها هيروين : هيهووو سلاف مالك سلاف : اه هيروين مشفتكمش ههه كيف دوزتو الحصص هيروين : عادي اسراء : عرفتي ا سلاف قالينا عدنان بلي ( قاطعاتها هيروين ) هيروين ( مخنزرة ) : اسرااااء سكتي سلاف : علاش غادا تسكت اش واقع قولو متخبيوش عليا هيروين : بغات غير تقولك بللي عدنان سول عليك سلاف : و شنو قلتو ليه هيروين : قلنا ليه تزوجتي باش ميبقاش يسول عليك كل مرة سلاف ( حابسة دموعها ) : اه هاكدا حسن هيروين : سلاف عرفتي شنو ههه اسراء كتحب سلاف : بصح ؟ شكون هذا قوليلنا ا اسراء هيروين : وي وي قولي ههه اسراء ( حشمانة ) : محمد هيروين : هههههه هووووه على الناس يا ختي ولاو كيحبو سلاف : و هو ؟؟ اسراء : معرفتش سلاف ( طاحت دمعة من عينها ) : كنتمنى يكون كيبغيك و تجمعو في الحلال بقاو البنات كيهضرو و شادين في اسراء حتا دخل فراس و عمران فراس : سلام البنات : عليكم السلام فراس : كيف دوزتو نهاركم اسراء : مزيان فراس ( كيشوف في هيروين ) : اممم مزيان بدا تيليفون ديال هيروين كيصوني غير جبداتو حسات بقلبها غادي يسكت و تخطف لونها هيروين : سسس سلاف ممماماك سلاف : 😱 اويلي هيروين : متخافيش اوكي هضري معاها عادي سلاف : واخا واخا أري شدات سلاف التيلي من عند هيروين و جاوبات سلاف : ألو ماما أم سلاف : سلام بنتي لباس عليك كيف دايرين البنات سلاف : كلشي مزيان الحمدلله و نتي و بابا لباس أم سلاف : سلاف خاصك ترجعي لمغرب باباك عندو عملية خطيرة اهئ اهئ يقدر يموت اهئ اجي الى بغيتي تشوفي باباك سلاف مع الصدمة طاح ليها التيلي من ايدها و هي تهزو هيروين هيروين : الو خالتي اش واقع ام سلاف : اهئ اهئ بابات سلاف عندو عملية خطيرة خاصها تجي اشوف باباها حيت ممكن تكون هادي أخر مرة تشوفو هيروين ( مصدومة ) : لا ميمكنش اهئ اهئ صافي اخالتي هيا غادا تجي ام سلاف : واخا ابنتي بسلامة هيروين : بسلامة قطعات هيروين الخط و بقات كتشوف في سلاف لي واقفة مصدومة مكدير حتا حركة هيروين : اهئ اهئ سلاف ختي سلاف ( تلاحت على هيروين عنقاتها ) : اهئ اهئ اهئ هيرويييين اهئ اهئ باباااا اسراء : البنات ضنو واقع خلعتوني سلاف : بابااااا اهئ اهئ لاااااا طاحت سلاف سخفات كلشي تجمع عليها هزها عمران طلعها لبيتها و عيطو على الطبيب لي جا بسرعة فحصها هيروين : اشنو واقع ليها ا ذكتور الطبيب : حالتها النفسية مأزمة و كنضن بللي سمعات شي خبر لي خلا أعصابها تنهار هيروين : اهئ اهئ فين كان مخبي ليها هاد شي اهئ اسراء : هيروين شنوووو قالت ليكم مامات سلاف هيروين : قاتلينا بللي يابات سلاف عندو عملية خطيرة اهئ اهئ و ممكن يموت اهئ اهئ و خاصها ضروري تمشي للمغرب باش تشوف باباها قبل ما يدخلوه يدير العملية اسراء : اشنووووو دازت نصف ساعة حلات سلاف عينيها لقات البنات ضايرين بيها و فراس جالس على الفوتوي كيلعب بتيليفونو ممسوقش و عمران مكينش سلاف ( كتهضر بزز ) : بببابا هيروين : سلاااف اهئ اهئ ختي خلعتيني عليك اهئ واش نتي لباس سلاف : اهئ اهئ هيروين بغيت نمشي لمغرب فراس ( كيشوف في تيليفونو ) : غادا تجلسي و تسدي درقوشك قالاك تمشي لمغرب راك مبقيتيش ديال راسك أمدام هيروين ( بغضب ) : واااش مكتحشمش واش مكتشوفش حالتها و باقي كتهضر فراس ( حط تيليفون ) : بغيت مراتي تبقى حدايا فهمتيها دابا عمران ( دخل ) : عرفتك غادي تبغي مراتك تبقى معاك لذلك غادي تمشي معاها لمغرب و الرحلة عندكم مم هنا لجوج سوايع فراس : عمراااان دخل سوق راسك شفتك وليتي غير خاشي راسك فكلشي عمران ( مزير على ايدو ) : الرحلة من بعد جوج سوايع هيروين بدلي لصاحبتك حوايجها فراس : سلاف مغاداش تمشي غير رتاحو هيروين : غاااادا تمشي واش كتسمع فراس : كنقسم بالله و تمشي حتا نطلقها الكل : 😨😨😨😨 سلاف : اهئ اهئ اهئ حرام عليك اهئ اشنو درت ليك اهئ عمران ( شنف على فراس ) : واش تسطيتي نتا ولا مالك راه البنت باها كيموت و نتا ممخليهاش تمشي تشوفو فراس : أولا حيد ايديك و ثانيا هيا مغاداش تمشي و اليوم غادين ننتاقلو لدارنا الجديدة راني شريت فيلا هنا هيروين : اهئ اهئ حرام عليك ا فراس واش معندكش القلب فراس : هاد الموضوع ساليناه غادي نمشي نجمع حوايجي نجي نلقاك واجدة خرج فراس من البيت و كلشي كيشوف فيه بكره و حقد و خصوصا هيروين لي مكرهاتش تقتلو سلاف : هيروين عاونيني نبدل حوايجي هيروين : سلااااف واش مغاداش تمشي تشوفي باباك سلاف : ان شاء الله يخرج من العملية سالم هيروين : 😢 ختي خرج عمران و هو معصب مشا لبيتو و سد عليه مقدرش يستحمل يشوف دموع البنت لي سحراتو بجمالها و برائتها و أنوتثها من أول نضرة أما هيروين و اسراء بقاو مع سلاف عاونوها حتى دوشات و بدلات حوايجها و خرجو لصالون لقاو فراس كيتسنى فيهم فراس : الى ساليتي ياله نمشيو سلاف : حسبي الله و نعم الوكيل فراس : زيدي قدامي باراكا من الهضرة جر فراس سلاف من ايدها بقوة و خرجها من الفيلا لاح الباليزة ديالو و ديالها في الكوفر و ركبو و مشاو نحو الجحيم لي كيتسنى سلاف"
