" داز اليون عادي عند كل شخصيات القصة إلا عند عمران لي عيا بالتقلاب على هيروين و ملقاهاش مني كيمشي لجامعة ديالها كيقولو ليه مجاتش هاد النهار تعصب بزاف و لكن حلف ميستسلم و غادي لقاها واخا يوقع لي بغا يوقع * في الغد * فراس : واجدين دارين و سلاف : واااجدين 😍 فراس : اوى ياله راه تعطلنا سلاف : غادا تعجبك سويسرة ا دارين زويييينة دارين : مكاين ما حسن من الموووغريب سلاف : اه بصح مكاين ماحسن من المغرب ولكن حتا هيا زوينة واخا مشفت فيها حتا نهار زوين 😔 دارين : صافي دابا كلشي فات احبيبتي ميبقاش فيك الحال فراس ( كيعيط ليهم ) : و طلعوووو راكم عطلتونا ركبو في الطائرة الخاصة ديال فراس و توجهو نحو سويسرة حطات سلاف راسها على دارين و دارين حطات راسها على سلاف و نعسو أما فراس بقا كيفكر كيفاش يجمع عمران مع هيروين ندم بزاااف على داك شي لي دار واخا كيحس بشوية ديال الراحة حيت رجع الدقة لعمران فراس ( كيفيق في البنات ) : هييه نتوما وا دوك الموصيبات نوضو تكعدو واش مكتعياوش من الشخير سلاف ( مقلوبة بالنعاس ) : يعنمك فراس ( مصدوم ) : شناهوا ؟ سلاف : 😪😪😪 فراس : هييييه واااا الشريفة وا نوضي و نتي وااا الطبيبة وا لي معولين عليها دارين : 😪😪😪 بدا فراس كيغلي بالأعصاب معرفش شنو هوا الذنب لي دار في حياتو حتا بلاه الله بهاد الكوارث مشا جهة القرعة ديال الماء حلها و كبها عليهم حتا ناضو قافزات سلاف ( كتحك في عينيها ) : اش واقع دارين : فراااااس 😠😠😠😠 سلاف : اهئ اهئ اهئ حراااام عليك شوف حالتي كيف ولات بالماء اهئ اهئ الله ياخد فيك الحق فراس : نوضي تكعدي نتوما راكم متو ماشي نعستو ناضو البنات مبوقات بالنعاس نزلو من الطيارة لقاو السائق كيتسنا فيهم غير دخلو لسيارة و هوما يتكاو على بعضياتهم و كملو نعاسم و لي بغا يموت يموووت هيروين : ألو سهيل لباس عليك سهيل : الحمدلله و نتي هيروين : الحمدلله سهيل : توحشتك هيروين : يتوحشك الخير سهيل : أشنو خبار واليديك هيروين : لباس عليهم سهيل : هضرتي معاهم هيروين ( تنهدات ) : وي هضرت معاهم و غير نسالي القراية يمكن ليك تجي تطلبني من عندهم سهيل : متصوريش شحال فرحان اكبر حلم في أحلامي كيتحقق هاد الحلم لي كنت كنحسبو مستحيل هيروين : 😔 اممم سهيل : نسيت مقتليكش راه حا شي واحد كيسول عليك في المدرسة و راه نوض الروينة هيروين : كيسول عليا أنا ؟؟ شكون هذا سهيل : مقالش لينا سميتو المهم باين فيه لباس عليه كون تشوفي الطموبيل لي جا فيها و الطموبيلات لي تابعينو فيهم الحراس ديالو هيروين : 😳 زعمى يكون عمران سهيل : عمران اشنو غادي يجي يدير هنا هيروين : راه عرف بللي أنا ماشي هيا هاديك لي كان معاها و راه دابا كيقلب عليا سهيل : و أشنو غادا ديري دابا ؟! هيروين : شوف سهيل غادا نطلب منك طلب إلى رجع قوليه راني مسافرة و بللي باقالي ربعيام و نرجع قوليه يتسناني حتا نجي سهيل : و علاش 😠 واش باغا تلاقاي معاه هيروين : مغاديش يبعد مني إلى مواجهتوش خاصني نهضر معاه و نقولو راني قريبة نتزوج باش يبعد مني سهيل : 😑 هممم واخا هروين : باي سهيل : بسلامة و تهلاي في راسك" " الأم ( متكية على الباب ) : صافي قررتي غادا تزوجي بيه هيروين : أه صافي أنا قررت و أصلا حياة عمران بعيدة كل البعد على حياتي هو حياتو ضايرة على السلاح و القتيلة و أنا منقدرش نعيش مع واحد بحالو الأم : و علاش هاد شي مفكرتيش فيه من قبل هيروين : المهم هاني فكرت فيه دابا الأم : غير كتخربي ولله هانا خارجة لسوق نوضي جمعي الدار هيروين : واخا غير سيري * في سويسرة * عمران : كيفاش مجاتش حتا ليوم 😠 واش كضحكو عليا المدير : هاد شي لي كاين راها مجاتش معرفناش فين مشات ولا علاش مكتجيش عمران : الصبر ياربي الصبر 😠😠😠 خرج من مكتب المدير ساخط حتا كيوقف عليه سهيل سهيل : نتا عمران ؟ عمران : هو هذا شكون نتا ؟ سهيل : أنا سهيل الأستاذ ديال هيروين راني هضرت معاها اليوم قاتلي نقولك راها في المغرب غادا ترجع لسويسرة من هنا لربعيام قاتلك تسناها حتا تجي عمران : عندك الرقم ديالها سهيل : عندي و منقدرش نعطيه ليك عمران ( شنق عليه ) : أنا مكنتشاورش معاك هنا غادي تعطيه ليا بزز منك سهيل : كح كح طلق وا طلق اصاحبي هانا غادي نعطيه ليك عمران : ياله سربينا جبد سهيل التيلي ديالو و عطا نمرة هيروين لعمران و هو محاملش يعطيها ليه ولكن ميقدرش يقوليه لا خصوصا مني شاف السلاح عند رجال عمران عمران : ياله تلاح سهيل : 😏 عمران : مالك كتشوف فيا هكاك سهيل : وااالو المهم تهلا خاصني نمشي لقسمي عمران : 😑 مشا سهيل لقسمو و بقا عمران واقف في الساحة قلبو كيفرفر بالفرحة خرج من المدرسة و رجالو تابعينو غير ركب في سيارتو و هو يدوز الرقم ديال هيروين هزات هيروين تيليفونها من بعدما سمعاتو كيصوني لقات الرقم غريب و لكن عرفات أنه من سويسرة قالت مع راسها ممكن يكون سهيل و جوبات هيروين : ألو عمران : هيروين هيروين ( مصدومة ) : عمران 😨 عمران : توحشتك هيروين : ااا سمح ليا ماما كتعيط ليا خاصني نمشي قطعات عليه و هيا كتحس بقلبها كيضرب و دموعها كينزلو بغزارة بدات كتشهق بالبكاء بقات كتبكي حتا فشات قلبها ولات باغا غير ايمتا يدوز الوقت باش ترجع لسويسرة و تشوفو * في سويسرة * رجع عمران لفيلا ديالو غير دخل و هو يبان ليه فراس جللس فوق الفوطوي و دارين و سلاف كيضورو في الفيلا كيستكشفوها و سلاف كتوري لدارين لبيت لي كانت فيه عمران ( مصدوم ) : اشنو واقع هنا فراس : على السلامة تعطلتي فين كنتي عمران ( كيشير لجهة البنات ) : هادو اشنو كيديرو فراس : عييت منهضر معاهم و والو قالت باغين يسترجعو الذكريات ديال سلاف عمران : 😑 و نتا اشنو كدير هنا فراس : جيت عندك البارح لفيلا باش نقولك راه هيروين في المغرب و راها جات لعندي لفيلا عمران : في خباري بللي راها في المغرب قالها ليا الأستاد ديالها فراس : ولكن لي مفخباركش راها مخطوبة و قريب تتزوج عمران : شنووووو اش كتخربق نتا فراس : هيا بفمها قالت ليا هاد الهضرة سول سلاف راها كانت معانا عمران ( بغضب ) : هاد شي مستحيل نقتلها الى دارتها كنحلف ليك حتا نقتلها" " بد عمرات تيليفونو و هو ساخط دوز النمرة ديال هيروين بقا شحاااال و هو كيتسناها تجاوب حتا طلع ليه الدم عاد جوبات عمران ( بغضب ) : شرحي لياااااا كيفاش غتدا تزوجي هيروين ( بهدوء ) : حتا نجي لسويسرة و نهضرو عمران : لا غااادين نهضرو و داااابا هيروين : اوى أه اسيدي أنا غادا نتزوج فيها شي مشكيل عمران : واش باغاني ندفن مك حية علاش كتقلبي هيروين : عمران هاد شي علاش قتلك تسناني حتا نجي حيت بغيت نقولك بعد من طريقي انا غادا نتزوج و حتا نتا الله يسهل عليك شوف ليك شي بنت الناس تزوج بيها عمران : الهضرة ماشي دابا حتا تجي و نتفاهمو و الى مدرتيش عقلك غير حفري قبرك بايدك قطع عليها و هو كيغلي بالأعصاب أما هيا طاحت قوف السداري كتبكي مقادرة دير والو هيا فعلا كتبغيه ولكن من نهار شافتو و هيا كتشوف الويل حتا ولات كارهة راسها و خصوصا مني كتفكر عدنان لي مزال لحد الأن منساتو فراس : واش هضرتي مع هيروين ؟؟ عمران : 😒 بعد مني هاد الساعة فراس : على خاطرك سلاااف دارين يالاه نمشيو سلاف ( جاية كتغبن ) : واع لا لا أنا مغاداش نمشي من هنا حتا تجي هيروين فراس : سلاف بلاما تعصبيني زيدي قدامي راه كاعما مرحب بينا هنا سلاف ( شافت في عمران ) : بصح ؟؟ عمران : واش أنا قلت كاعما مرحب بيكم راه غير هاد راجلك باغي يجبد الصداع سلاف : كذاااب علاش كتقول ممرحبش بينا سير نتا الى بغيتي انا و دارين غادي نبقاو هنا ياك ا دارين دارين : اه غادين نبقاو هنا فراس : 😠 اوى بقاو هاني غادي سلاف : تقدر تمشي و تخليني انا و ولدك بوحدنا 😢 عمران : ولدك ؟؟ سلاف : ههه مقتليكش انا حاملة عمران ( بابتسامة ) : مبروك ( شاف في فراس ) بقا حدا مرتك و ولدك معندك فين تمشي المهم الدار داركم خودو راحتكم هاني غادي لبيتي سلاف : 😌 ميغسي * بعد أربعة أيام * "" في المطار "" الأب : تهلاي ابنتي في راسك و بقاي تعيطي لينا ديما الأم : متعصبيش راسك مع بنادم و ديري في بالك راه لي بغاها ربي هيا لي غادا تكون هيروين : صافي صافي كونو هااانيين و حتا نتوما تهلاو في راسكم غادا نتوحشكم 😢 الأم : حتا حنا ابنتي 😢 ياله سيري قبلما تعطلي على طيارتك هيروين : بسلامة عليكم 😢😢😢 عنقاتهم بجوج و باستهم عاد جرات باليزتها و دخلات لمطار من بعدما كملات الإجراءات طلعات في الطائرة و جبدات عليها بواحد النعسة محسات براسها حتا لقات المضيفة كتفيق بيها حيت وصلو خرجات من الطائرة و دوزات الإجراءات و خدات باليزتها و خرجات من المطار بان ليها سهيل كيتسنى فيها مشات لعندو سلمات عليه بالوجه و ركبات معاه في سيارتو سهيل : فين بغيتينا نمشيو ؟ هيروين ( دارت شهيق و زفير طويييل ) : للفيلا ديال عمران من بعد مدة من الزمن وصلو لفيلا ديال عمران من بعدما ورات هيروين الطريق لسهيل خرجو من السيارة و هيروين كتقفقف و حابسة البكية كانت الفيلا ضايرة بالحراس الحارس : علامن كتسولي هيروين : قول لعمران هيروين جات دار الحارس واحد اللعيبة في ودنو و قال ليهم راه هيروين وصلات و هوما يحلو ليها الباب دخلات لفيلا هيا و سهيل بدات كتسترجع في الدكريات حتا بانت ليها سلاف جاية كتجري و تابعاها دارين سلاف ( عنقاتها ) : هيرويييين توحشتك اكبيدتي كيف دايرة لباس عليك ( شافت في سهيل ) شكون هذا ؟؟ هيروين : هذا سهيل خطيبي دارين : 😍😍😍 سلاف : هممم 😑 كان عمران هابط في الدروج من بعدما قالوليه بللي هيروين جات و هو يسمعها مني قالت هذا سهيل خطيبي و تصدم مني عرفو هو الأستاذ ديالها عمران : مرحبا مرحبا شرفتونا هيروين : 😢😢😢 عمران : هذا هو خطيبك ههه اممم ممشيتيش بعيد خديتي غير أستاذك فراس : أشنو واقع هنا ( شاف هيروين ) هيروين صافا هيروين : 😠 متهضرش معايا نتا افراس اوكي و نتا أعمران أاااه هذا سهيل أستادي و في نفس الوقت خطيبي بغيتي ولا كرهتي غادا نتزوج بيه عمران : و أنا ؟؟ هيروين ( حابسة البكية ) : نتا الله يسهل عليك مع شي بنت الناس عمران ( قرب ليها و شدها من وجهها ) : ولكن أنا باغيك نتي هيروين ( نفاجرات بالبكا ) : اهئ اهئ ولكن أنا دابا مخطوبة اهئ اهئ اش بغيتيني ندير اهئ اهئ عمران : بغيتك تجاوبي على سؤال واحد واش باقا كتبغيني هيروين : "" الصمت "" سهيل : هيروين جاوبي بلاما تخافي الى كنتي كتبغيه الله يسهل عليك معاه أنا مستحيل نفرق شي جوج كيبغيو بعضياتهم هيروين ( كتشوف فيه مصدومة ) : سهيل ؟؟ سهيل : أه انا بصح كنبغيك ولكن هاد شي مكيهمش المهم نتي شكون كتبغي و معامن باغا تكملي حياتك عمران : جاوبي كتبغيني ولا لا هيروين ( كتحس بالدوخة ) : سهيل ياله نمشيو من هنا سهيل : هيروين مالك ؟؟ هيروين ( تكات على كتفو ) : ياله نمشيو من هنا عفاك ياله نم ( مزال مكملتش هضرتها طاحت سخفانة ) سلاف : هيرويييييين عمران : عيطو لطبيبة بزربة هزها عمران طلعها لبيتو و كلشي تابعو حطها فوق ناموسيتو و هو كيضرب على وجهها بشوية باش تفيق حتا جات الطبيبة فحصاتها عمران : أشنو عندها ؟ الطبيبة : طاح ليها الطونسيو بزاف هانا دكيت ليها واحد البرة شوية و تفيق عمران : شكرا يمكن ليك تمشي" " مشات الطبيبة و بقاو كيتسناو في هيروين تفيق كان عمران جالس حداها شاد ليها في ايدها و سهيل واقف حدا الباب كيشوف فيها بحرقة و فراس مشا وصل الطبيبة لباب أما دارين جرات سلاف من ايدها خرجتها من البيت حيت باغا تقول ليها شي هضرة سلاف : مالك مخرجاني من البيت راه خاصني نبقا حدا ختي دارين : بغيت نهضر معاك سلاف : اشنو كاين ؟؟ دارين : عجبني داك الراجل سلاف : عمران ؟؟ دارين : لا سهيل سلاف : هههه هاي هاي على الشيخة طلعتي مساهلاش دارين : ناااري طلبي معايا هيروين ترجع لعمران باش نبقا غير انا و سهيل لي بايرين و نتزوجو بيعضياتنا سلاف : هههه غير كوني هانية من جهة هيروين حيت غادل ترجع لعمران خاصك فير نتي تعرفي كيفاش تخلي سهيل يطيح فيك دارين : 😍 زعمى يكون هذا هو الحب من أول نضرة سلاف : هههه زيدي زيدي ندخلو لبيت باراكا من الهضرة دخلو لبيت لقاو هيروين بدات كتحل في عينيها و كتشوف فيهم واحد بواحد هيروين : مالكم ضايرين بيا اشنو واقع عمران : طاح ليك الطونسيو و سخفتي هيروين : 😔😔😔 سهيل ممكن تعاوني نوض عمران ( خنزر فيها ) : كيفاش باغا تنوضي راك باقا عيانة هيروين : ماشي سوقك طلق مني عمران : كلشي يخرج من البيت خليونا بوحدنا هيروين ( خافت تضعف قدامو ) : لا لا لا متخرجوش الى بغيتي تقول شي حاجة قولها قدامهم واش بغيتي تشري ليا الصداع مع خطيبي عمران ( غوت ) : خرجوووو خرجو كلهم من البيت و سدو الباب هيروين خافت بزاف خافت من مشاعرها يفضحوها هيروين : شوف عمران عفاك بعد مني شوف انا قريب نتزوج مديرش بحال هاكدا عمران : توحشتك هيروين : اهئ اهئ حرام عليك علاش كدير هاكدا انا صافي نسيتك نساني حتانتا عفاك عمران : ننساك ههه من نيتك نتي راك وليتي ساكنة في قلبي و عقلي و مستحيل نقدر ننسام هيروين : و أنا مستحيل نخدم مع قتال راني سمعتك ديك المرة مني كنتي هاضر في التيلي و قلتي ليهم قتلوه و غبرو الجثة ديالو عمران : 😏 ياكما خايفة مني هيروين : بعد مني 😭😭😭😭 عمران : الى واعدتك باش نبعد على طريق الإجرام واش ترجعي ليا هيروين : منقدرش انا دابا مخطوبة لسهيل عمران : راك سمعتيه قبيلة شنو قال هيروين : 😔😔😔 عمران : كنبغيك هيروين : عمران عفاك عمران : قوليها هيروين : 😢😢😢 عمران : مكتبغينيش ؟؟ غير قولي ليا مكتبغينيش ولله عمرك متشوفي هاد الوجه قدامك هيروين : "" الصمت "" عمران ( بغضب ) : هضري هيروين : اهئ اهئ كنبغيييك اهئ اهئ اهئ و توحشتك بزااااف اهئ اهئ اهئ عمران ( بإرتياح ) : هاد شي لي كنت باغي نسمع باسها على راسها و ناض حل الباب و قال ليهم يدخلو سهيل : هيروين مالك كتبكي ؟؟ عمران ( شد لهيروين في ايدها ) : أنا و هيروين رجعنا لبعضياتنا و قريب غادين نتزوجو سهيل ( بابتسامة ) : مبروك عليكم دارين : سهيل أشنو بان ليك نتزوجو أصلا غير حنا لي بقينا بايرين سلاف : ههههه ويلي ويلي حشمتي السيد سهيل ( شاف في هيروين ) : أنا باركت ليك واش مغاداش تباركي ليا هيروين : لاش ؟؟ سهيل : حتا انا غادي نتزوج بدارين واش بغيتيني نبقا باير راني شرفت و باغي نشوف ولادي هيروين : ههههههه مبروك عليك هههه سلاف : 😍 أحححح جوج عراس في دقة فراس : هيروين مزال مقلقة مني ؟؟ هيروين : 😕 بعد مني سلاف : حرام عليك سمحيلو غير على وجه ولدو هيروين : هههه صافي المسامحة دزتي في وجه ولدك" " دازو أيام و اسابيع و شهور تزوجات هيروين بعمران من بعدما كملت قرايتها و عمران بعد على خدمتو لقديمة و فتاتح عشرة ديال الفنادق في المغرب و عشرين مطعم في مختلف المدن المغربية و سهيل دار انتقال من سويسرة لمغرب و خطب دارين من بعدما ولا كيحس بقلبو كيميل ليها دابا دازت 8 شهور اليوم العرس ديال سهيل و دارين كانو المدعوين مجموعين في القاعى كيتسناو العروسة و العريس ينزلو شوية بدا كيعلى صوت الزغاريت و بانت دارين في أبهى حلة و حداها سهيل بكامل أناقتو سلاف : هيروين كيف دايرين واليديك هيروين : لباس عليهم هضرت معاهن الصباح فرحااانين و عاجبهم الحال في داك المقام الشريف سلاف : امممم احح هيروين : مالك ؟؟ سلاف : اوووف أيييي فراااااااس ناض فراس كيجري تحنى لعند سلاف لقاها كتوجع سلاف : ناري الماء هابط غادا نولاااااد وااااااع وا ماماااا هز فراس مراتو بسرعة و تبعاتو هيروين و عمران نطالقو في جهة المستشفى و سلاف غواتها كاسر الدنيا وصلو للمستشفى من بعد مدة من الزمن دخلو سلاف تولد و بقات هيروين و فراس و عمران كيتسناوها هيروين : عمران كنحس بالدوخة غادا نطيح عمران : مالك اشنو عندك هيروين : اا ( سخفات ) غوت عمران على الفرمليات هزوها دخلوها لواحد الغرفة و تبعاتهم الطبيبة * من بعد ربع ساعة * عمران : اشنو عندها اذكتورة الطبيبة ( بابتسامة ) : غير عيانة و حيت مواكلاش سخفات عمران : كاين شي واحد كيسخف حيت مكلاش ؟ الطبيبة : ولكن مرتك حالة خاصة راها حاملة في شهرها الثاني عمران ( بفرح ) : اشنووو واش متأكدة 😍 الطبيبة : ههه وي موسيو عمران متأكدة فراس ( دخل عليهم ) : عمران اجي راه سلاف ولدات عمران : غادا تسمحي ليا خاصني نمشي حتال من بعد و نجي عندك انا و مرتي الطبيبة : اوك موسيو عمران خرج عمران مشا مع فراس للغرفة لي فيها سلاف و ولدها فراس : اوى اسي عمران كيف جاك ولدي عمران ( هزو و أذن ليه في ودنو ) : الله يخليه ليك فراس : أمين اخويا مقلتيش ليا شنو عند هيروين عمران : 😅 حاملة ههه يمكن غادين نزوجو ولادنا لبعضياتهم سلاف : هههه بصح ؟؟ هيروين حاملة 😍 عمران : أه ههه سلاف ( بغات تنوض و هيا تقصح ) : أي فراس : واش مريضة فين باغا تمشي سلاف : باغا نشوف هيروين عمران : غير رتاحي حتا تفيق و تجي لعندك ياله نخليكم دابا نمشي لعندها مشا عمران لعند هيروين لقاها حالة عينيها و كتشوف في السقف عمران : حياتي كيف بقيتي هيروين : كنحس براسي عيانة عمران : عندي ليك مفاجئة لي غادل تخليك تنساي هاد العياء هيروين : سلاف ولدات ههه ؟ عمران : وي ولدات ولد ولكن هادي ماشي هيا المفاجئة هيروين : و شنو ؟؟ عمران : برهوشتي غادا تولي أم هيروين : ؟؟؟ عمران : تفو على مكلخة زعمى نتي راك غادا تولي أم هيروين : حاملة ؟ واش أنا حااااملة 😍😍😍 عمران : وييي حياتي هههه مبروك علينا هيروين : 😍😍😍😍 ياااااي * في الصباح * هيروين : الوقت داز كيجري غير البارح كنا غادين لسويسرة باش نقراو سلاف : و اليوم وحدة فينا ولدات ولاخرة حاملة هيروين : الحاجة الزوينة في هاد شي أننا تزوجنا بالرجال لي كنبغيو دارين ( دخلات عليهم ) : صباحووو البنات : صباحو يا عروس دارين ( حشمانة ) : سلاف مبروك عليك سلاف : الله يبارك فيك هيروين : و انا مغاداش تباركي ليا دارين : علاش ؟؟ هيروين : انا حااااملة 😍😍😍 دارين : وااااااو مبرووووك فرحت ليك ولله هيروين : هههه الله يبارك فيك الحب بعد مرور سبعة أشهر * سلاف : أمجد الحبيب ديال ماما كغغغ ويتك ويتك هيروين : كيشبع لفراس ههه سلاف : كيشبه ليا 😠 دارين : لا ولله حتا كيشبه لفراس هيروين : هههه الله يجيب لي يقول الحق دارين ( شادة كرشها ) : و أنا بنتي غادا تكون كتشبه ليا ياك ابنتي هيروين : شحال عندك دابا ؟؟ دارين : خمسة شهور هيروين : خخخ زرب عليك سهيل هههه دارين : 😑 نتي مطفراه هيروين : 😨😨😨 سلاف : مالك ا هيروين هيروين ( العرق نازل من جبهتها ) : أي أيييي امي كرشيييي أيييي أم هيروين ( خرجات من الكوزينة ) : اويلي مال الدرية كتغوت هيروين : كنولد اماما كنولد أيييي مامااااا أيييييي سلاف : فراااااس فراااااااس نزل فراس و عمران كيجريو لقاو هيروين كتعصر هزوها بسرعة للمستشفى * بعد نصف ساعة * سلاف : وينووو عل الزوينة ديال خالتها شوفو بلييييز نسميوها ماجدة باش تجي مع أمجد عمران : ماجدة زوينة ياك احياتي هيروين : اممم دارين : ناااري دابا حتا أنا غادا نتوجع هاكدا ناري الموت 😭😭😭 سهيل : متخافيش احياتي راك ماشي نتي اللولة ولا الأخيرة دارين : الهضرة ساهلة حيت ماشي نتا لي غادي تولد الكل : ههههههههههههه * بعد مرور أربعة و عشرون سنة * أمجد : مااااجدة وا ديك البرهوشة سربي نزلي ماجدة ( نازلة كتعوج ) : مالك اخويا أمجد كتغوت غير بشوية امجد : كنقول ليك ديما أنا ماشي خوك 😠 بثينة ( بنت دارين ) : سلام مالكن كتغاوتو على الصباح ماجدة : غير مع هاد الخليقة أمجد : صلحي فمك بثينة ( كتحلون ) : اممم أمجد ممكن توصلي للعيادة طموبيلتي خاسرة أمجد : خاصني نوصل ماجدة لشركة بثينة : و انا ؟ ماجدة : قوليها لعمتي ردينة توصلك بثينة : اممم اوكي 😕 هاكدا سالات قصتنا من بعد كاع المعانات و العذاب لي دازو منو أبطالنا تجمعو في الاخير حيت هذا هو القدر ديالهم مثلا شوفو هيروين شحال تعذبات و هيا بعيدة على عمران و بسباب موت عدنان و بسباب الكذبة ديال أن سلاف ماتت و في الأخير هاهيا فرحانة مع راجلها و بنتها واخا عفراء منكداها عليها معندهاش معاها حيت مني كتشوفها كتفكر ديك انجيلا لي مكانتش كتحملها ولكن عمران ديما واقف في وجهها باش متقلقش ليه مراتو لي كيبغيها لحد الجنووون و دااابا غادا نقول ليكم مع السلاااامة قصتنا وصلات لنهايتها *
النهااااااااااااية *"
