أحببت عسكريآ

#احببت_عسكريا💔

الحلقة(1)

انا اسمي ريناد عمري "20" نقرا تقنية معلومات❤معروفه في الكلية اني مش متاعت علاقات ولا شي واللي يجي يحكي معايا مانعدلش عليه معروفه اني مغروره مش تكبر ولا حاجه لا بس مانحبش حد يجي شوري ونحب نكون بروحي بنات بس شباب لا وحاطه في عقلي اني نكمل القرايا نشتغل الزواج مش مفكره فيه نهائياً وهلي مش متكلمين على اللقطه هذي كنت في الجامعه وعادي كيف كل يوم ومعروفه البلاد مازال مش مأمنه فيها مخاطر نسوق وبابا كان مش موافق على السواقه بس بحكم اني انا بنت وحده خلاني نسوق لانه مافيش حد يشيلني ويجيبني خذيت صاحبتي وروحنا ونفس الروتين اليومي

نعرفك على العائله...

انا عرفتوني

ماما فتحيه عمرها 51 سنه متزوجه بابا زواج تقليدي بس يحبها موت ومش متحمل فيها شي❤

بابا احمد عمه 54 سنه شغله اول حاجه وحوشه مايحبش يقصر معاه بشيء بالذات انا وماما وانا دلوعتهم😍

ماما : رونه هيا غدا

انا : هيا ياماما

نزلت تغديت ....

بابا : شجو الجامعه يارونه

انا : مكسده كيف كل يوم تعب وخلاص

بابا : والسواقه يابنتي عارفه وضع البلاد انتي والسرقه كاثره

انا : بابا خليني انا نفطن لاماكن الغلط واللي فيهن خطر مانمشيلهنش

ماما : ربي يرعاك يابنتي والله كل ماتطلعي يقعد عقلي معاك

انا : ان شاء الله

هدرزنا ع الغدا وكسدت معاهم شويه وركبت لداري ورقدت حلمت انه في واحد درسني ونزلني من السياره وكان لابس لبست الجيش والسلاح في يده خفت وخلاني في مكان هكي وقالي : هنا خطر معش تمري وخليك هنا ماتحركيش لعند نجي

عدا وبعد شوي يجي يقولي اطلعي وتجيه رصاصه من وراه وانا نقعد نعيط لا ياربي ليش ليش قدامي انااااا😭😭💔

نضت لقيت ماما حدايا

ماما : بسم الله على بنيتي كنك ياقلبي شن حلمتي

انا : لا ياماما شي خليني توا

وقعدت نفكر شن هالحلم العبيط
...................................💕

بعد ايام قلت لبابا ماشيه شور طرابلس

بابا : ضروري منها المشيه

انا : بابي حبيبي مش ماشيه بروحي بس خليني يومين هنا ونجيكم وماشيين معايا مجموعه

بابا وماما : ربي معاك

وجا اليوم اللي نبي نسافر فيه كنت حاسه بشعور غريب بس يلا قلت نمشي

لمياء (صاحبتي) : ها ريونه واتيه