#أحببت_عسكرياً💔
بابا رقد وماما جتها مرات عمي وقعدن يهدرزن ماما ماقالتش لمرات عمي عشان عارفه مرات تكون ردت فعلها سلبيه وهدرزن لعند جا الليل ....
خالد : اسمع وينها توا
يوسف (واحد من جماعته التافهين) : قاعده في المستشفى
خالد : هه والله تشوفي رفعت خشمك وشوفتك ع ناس شنو
يوسف : شن الخطه يامعلم
خالد : ههههههههه فتحلي عيونك كويس بس المستشفى فوتها المهم .............
يوسف : لقانك خطير يامعلم
خالد : نراجي فيك تجيبلي اخبار سمحه انا اليومين هذن مروح لبنغازي وهن يحسابني طرابلسي😉
يوسف : تم يامعلم نتلاقوا
وصكر منه وخالد رقد (رقده معش تنوض منها يالله)😂
........................
لمياء : لاااااااااااااااااااااااا سيبني ياحيوان ياتافه
انا نطيت من نومي : بسم الله لمياء حبيبتي نوضي
لمياء ناضت تبكي وتعيط وتخبط في روحها وجتها حالتها انا جيت حضنتها بس ماهدتش
معتصم خش يجري لدار وكرها من حضني وحضنها هدت : اششش خلاص يالولو اهدي كله حلم
لمياء تريحت بس مزالت تبكي : لااا مش حلم ياريت اللي صار معايا حلم ياريت ماما معايا في اللحظه هذي نبيها نبي بابا اللي باعني عشان سمعته
وداخت معتصم قعدت يحرك في وجها معش تحركت معتصم فنص انا قعدت نعيط طلعت للممر نعيط للدكتور والجهاز دار صوت
معتصم طلع من الدار ويبكي انا نعيط ونندب لانه النبض وقف
معتصم يدعي : يارب نوضها ليا بالسلامه يارب ماتستاهلش اللي يصير فيها
انا دخت معتصم جا يجري : ريناد ريناد يااممرضه تعاااالي اجري
خشت حطتلي تغذيه وبديت انوض بحتت لقيت تغذيه مركبينها ليا ومالقيتش معتصم فكيت التغذيه ومشيت نجري لقيت معتصم مش قاعد خشيت لدار لقيتها فاضيه😭😭انا قعدت نوخر خبطت برمت لقيته معتصم
انا : وووو وين لمياء
معتصم يبكي ونزل راسه وقعمز : مم ماتت
انا قعدت نخبط ونعيط : لااااااا لمياااااااءء وينها وييين
معتصم شير ع دار الموتى
انا خشيت نجري لقيتها مغطيينها
انا : لمياء حبيبتي نوضي ماتسيبينش لمياء الله يربحك نوضي وانهرت قعدت نعيط جا معتصم طلعني
نطيت لقيت روحي راقده في دار ومركبنلي تغذيه خفت نكون مانحلمش يكون واقع
انا صبيت : معتصمممم لمياااااء
أنت تقرأ
أحببت عسكريآ
Romanceرواية أحببت عسكريآ تحكي على بنت من بنغازي تقرى فالجامعة قسم تقنية المعلومات وعدت زيارة لطرابلس هيا وصاحبتها و في مرواحتهن صارت معاهن قصه كبيره و منهنا تبداء احداث الرواية المشوقه... و للعلم الرواية منقوله
