#أحببت_عسكرياً💔
انا قعمزت ماما قعدت تحكي مع فوزيه ومروه وميسون حصلت فرصه...
ميسون : مبروك ياحلوه مبروك عليك حبيبي
انا : تقريبا ماكنش حبيبك الا انتي تلصقي فيه
ميسون : هههههه عجبتيني
انا : اكيد نبي نعجبك
ميسون قربت من وجي : ثقتك بروحك هذي ح تودرك را
انا : المهم انه محمد حبيبي قعد خطيبي
ميسون بحتت فيا بحقد وعدت
انا مش عارفه كيف قلت حبيبي بس قهرتني معقوله نكون حبيته بسرعه هذي😥!!
قعدت في عالم ثاني لعند جن يبن يسلمن عليا كانت ميسون ساكته ومره مره دير في حركه غريبه براسها انا مافهمتهش بس شكلها كانت توتي في موضوع ....
عميمه فوزيه : مع سلامه يابنيتي وهذا رقم محمد عشان تحكوا
انا ابتسمت وقلبي دق : حاضر
مروه : مبروك محمد عرف يختار😍
انا نحرجت : شكرا
ميسون قربت مني عشان مايسمعنش : تعرفي اللي صاير مع صاحبتك اللي الناس كلها عارفه قصتها انا صايرلي كيفها مع محمد
انا ضربتني كيف الصاعقه معش عرفت ماندير بحتت فيهم وركبت نجري فوق قعدت نبكي ماما تبي تفهم كني ولمياء حتى هي بس انا كنت رافضه اني نحكي وبعد فتره من البكا ودموعي راحن فيها😭مسكت الفون وقلت نرن عليه رنيت ورد ...
انا : نبي نفهم حاجه بس
محمد : الناس تقول خير ياطير
انا بعصبيه : قلت نبي نعرف حاااجه
محمد تنرفز : ها شنو
انا : هه صح اللي صار مع لمياء صاير مع بنت عمك هذي اللي اسمها ميسون!!
محمد : كككيييف!!
انا : هه يعني جاوبي صح انت درت معاها هكييييي
محمد بعصبيه : عن@#$& كيف تفكري فيا هكي انتي يعني خلاص النقص اللي فيك وصل لعند هنا باهي وانا كان نبي ندييير هكييي يعني ماكنتش ح ننقذ صاحبتك ولالا
انا استكيت : ااا
وصكر في وجي😭💔قعدت نبكي بلا مانفهم زدتها ع روحي اااه ياربي ليش هكي
لمياء : ريونه قلبي كنك
انا : مانبيش حد خاطوووني
لمياء : براحتك
ماما : حي عليا را دوخ اخرى
لمياء : خليها عليا بس
عدت ماما وقعدت لمياء تزر عليا لعند فتحتلها الباب
YOU ARE READING
أحببت عسكريآ
Romanceرواية أحببت عسكريآ تحكي على بنت من بنغازي تقرى فالجامعة قسم تقنية المعلومات وعدت زيارة لطرابلس هيا وصاحبتها و في مرواحتهن صارت معاهن قصه كبيره و منهنا تبداء احداث الرواية المشوقه... و للعلم الرواية منقوله
