#أحببت_عسكرياً💔
ركبت شفت الفون لقيتها رانه......
انا : السلام عليكم
عميمه فوزيه : وعليكم السلام يابنيتي
انا : كيف حالك ياعميمه
عميمه فوزيه : الحمدلله وانتي
انا : الحمدلله
عميمه فوزيه : نبي نقولك محمد
انا بخوف : كنه؟؟
عميمه فوزيه : يبي يمشي لحركه عسكريه وخطيره نخاف عليه حاولت بس مابش يسمع كلامي شوفيه انتي الله يربحك
انا خفت عليه وقلبي نغزني💔 : حاضر عميمه ماتخافيش توا نحكيله
عميمه فوزيه : ياريت يوافق يقعد
انا : ان شاء الله ياعميمه
صكرت منها حسيت بالدنيا غمت ع قلبي💔رنيت ع محمد
محمد : ريونه شجوك
انا : الحمدلله وانت
محمد : الحمدلله
انا : عمتي كلمتني
محمد تنرفز : كنها شن حكتلك
انا : قالت تبي تمشي لحركه عسكريه
محمد : ان شاء الله نرد قبل مايجي عرسنا ونفرحوا انا وانتي
انا قعدت نبكي : محمد فوتها وغلاتي عندك ماتمشيش
محمد : والله مانقدر ياريونه نقدرش هذا امر جاني وانا وافقت يعني حتى التغيير مايصيرش منه
انا : باهي تمام بكل
وصكرت قعد يرن مانرد وكنت نبكي كنت خايفه عليه من اللحظه هذي عرفت روحي نحبه
جاني مسج...
محمد ( خلاص ريونه قلت ايام ونردلكم بالسلامه انا مش مطول قبل عرسنا ح نكون هنا )
انا قريتها وقعدت نبكي لعند رقدت.....
................
بابا : هلا محمد
محمد : عمي نبي ريناد في كلمتين
بابا : شويه ياوليدي
محمد قعد يراجي...
بابا : ريناد نوضي
انا : نعم
بابا : محمد لوطا يبيك
انا : شويه ونازله
غسلت وجي ولبست ونزلت.....
انا م غير مانبحت فيه : خير
محمد : خيرات تفضلي
انا : نعم شن في !!
بابا طلع
محمد : ماتلويش وراها هو كم اسبوع ح يمشن بسرعه
انا نبكي : يامحمد مش عارف انت والله مانقدرش بلاك حرام عليك ماديرش فيا هكي وكان تصيرلك حاجه نموت انا
![](https://img.wattpad.com/cover/223894470-288-k697098.jpg)
YOU ARE READING
أحببت عسكريآ
Romanceرواية أحببت عسكريآ تحكي على بنت من بنغازي تقرى فالجامعة قسم تقنية المعلومات وعدت زيارة لطرابلس هيا وصاحبتها و في مرواحتهن صارت معاهن قصه كبيره و منهنا تبداء احداث الرواية المشوقه... و للعلم الرواية منقوله