فصلية الشيخ فهد

البارت 3

رونق / سمعت سجاد كال فصليه انصدمت صدمة عمري بس اني عد اهلي يعني اني اروح فصليه صعدت لغرفتي قفلت الباب وكعدت ابجي احلامي ضاعت اني اتحطمت اخرتي اروح فصليه ليييييشششش ياربيييي ليشششش اله اني ليشش ولله مامسويه شي مامئذيه واحد ليش هيج ياربي غفيت واني ابجي

ام رونق / لاا مستحيل كول غيرها سجاد مامه ابو رونق شنو يعني رونق راح تروح فصليه

ابو رونق / ماقبلو ياخذون اله فصليه

ام رونق / لااااا دخليكك ياربييييي فجعتني بكيان لاتفجعني برونق

سجاد / مامه فدوه اروحلج قضاء وقدر
***********************************
بيت الشيخ فهد

انمار / فهد مساع امي خابرت كالتلي ليش تأخرتو

فهد / اي وشكلتلها

انمار / كلتلها راجعين بلطريق شيخ هسه شلون نكللها الخبر شراح يصير

فهد / اخخخخ ياخويه بلعباس مااعرف شسوي شلون بينه شلون راح اگل لامي يونس مات وهذيا جايبن جثته حتى تودعينه

مريم / يممممه وصلو اخواني

ام فهد / وانتي شمدريج وصلو يمه

مريم / شفتهم من الشباك

فهد وانمار/ سلام عليكم

ام فهد ومريم / وعليكم السلام

فهد / يمه

ام فهد / هاا يبعد امك كول شبيك اكلك جا صدك وين اخوك

فهد / اخوي (بواجي)

ام فهد / شكوو يمه شبيك احجي مو نشلع كلبي

فهد وانمار / يمه حبيبه كلشي قضاء وقدر

فهد / يمه يونس مات بحادث

ام فهد /  شنهي يعني مات تضحك عليه انت بعد هلعمر هذا يمه انمار اخوك وين ليش مااجه وياكم

مريم / شيخ كول غيرهه شنو مات انمار شبيكم اباوع لخواني مدنكين ويبجون شويه وصارت هوسه بره اسمع يكولون لا اله الا الله اني هنا اتجمدت بمكاني

فهد / موقف صعب كلش گمت طلعت لبره جبت التابوت طببنا لجوه وصار الصياح ماله والي اباوع لامي ملخت روحها مريم انتهت من البجي دكت روحهه دگ ولطم ولطممم لمن كال الله بس انكلبت الدنيا گلاب منطقتنه مابقى واحد بيهه مااجه لبيت الشيخ

ام فهد / يمه خذوك مني الما يخافون الله يمه كوم اكعد مو كنالك لاتروح ولك يووووونس كوم اكعد ياشمعة بيتي ياابن بطني ولكك ليش تحرك گلب امك عليك

مريم / كوم يبعد اختك كوم يحزام ضهري ليش متت وللك ولله مايلوكلك الموت يبو وجه الحلو 
***********************************
  رونق / صار اليوم المتفقين عليه اجو ياخذوني طبعا اهلي جهزوني كلشي من اغراض عروس بس ولاا فرحت ولاا ابدد ماتخيلت يوم بعمري اروح فصليه جنت اريد ادخل كليه واكمل واتزوج عن حب كون ميته ولاصار هيج بيه اذا مااروح فصليه كيان راح يموت ف ليش يموت خلي اني ابقى عايشه وهوه عايش اخخخ يايمه

ام رونق / ماما رونق طلعي راح يجون الناس

رونق / ايي هسه ماما كمت مسحت دموعي وطلعت

ام رونق / ماما تمنيت ازفج بيدي البسج بدله بيضه

رونق / ماما لاتبجين فدوه

ام رونق / شلون ماابجي وانتي راح تروحين كدامي لمصير مجهول

رونق / الله كريم ماما

ابو رونق /  رونق ام رونق نزلو اجو الناس يله

رونق / لبست ثوب طويل اسود منقط ب ابيض

***********************************
فهد / رحنه نجيب الفصليه ابدد ماجان عندي نيه اخذ فصليه من اكعد افصل الناس ويكولون فصليه مااقبل احلهه بشي ثاني

عم فهد / بويه فهد هسه راح نروح ناخذ الفصليه انت اخذهه بعتبارك الشيخ

فهد / تأمر عمي وصلنه لبيت الفصليه لكينه ابوهه واخوهه واكفين بلباب راح ابو البنيه يجيبهه

عم فهد وفهد / السلام عليكم

ابو رونق وسجاد / وعليكم السلام

عم فهد / هاا ابو رونق وين البنيه

ابو رونق / هياتهه جاهزه بس عمي فهد اريد اوصيك عليهه بعدهي صغيره وكلشي ماتفهم

فهد / لايضل بالك عمي (بگلبي) الله كريم اراويكم حرگت الگلب بتكم نشالله
***********************************
رونق / اجو الناس ياخذوني واني ميته خوف ودموعي تجري شلال واشهگ طلعت لبره شفتهم كلهم يخوفون واحد منهم خزرني

فهد / طلعت البنيه ايه من الجمال خزرتها حجيت بگلبي الا مااراويج نجوم الضهر فلا يطلع اسمي فهد

رونق / رحنه بسياره هذا الولد الخزرني هوه ويا واحد مبين حباب

فهد / وصلنه للبيت نزلنه امي ماقابله بلفصليه كالت اموتهه لاجيبونهه طبينه وصار الي صار

ام فهد / ..............