فصلية الشيخ فهد

البارت 10

رونق / من گالي هيج فهد گبل بجيت اريد امي اريد ابويه فهد اني ماجاهزه للزواج

فهد / بس كلتلهه نتزوج اشو هاي كبل بجت رونقتي شبيج ليش بجيتي ولا يهمج بنيتي ماكو زواج بكيفج بس لا دموعج تنزل لزمتهه من ايدهه وحضنتهه

رونق / من حضني فهد حسيت ب الامان اني اريده ومااريده اريده لان حبيته ومااريده خاف تصيرلي مشاكل امه ماتحبني وماتريدني بلبيت والله اليعلم شحيصير ب الايام الجايه
***********************************
بعد مرور 3 اشهر ...

كيان / طلعت من السجن بس سجاد يدري اهلي مايدرون واخيرااا شميت ريحت الحريه بعد ماتهموني سكران ودعمت الولد هسه هذا ماضي علينه بلحاضر ارجع رونق للبيت لو يكلفني هذا الموضوع عمري هم ادفعه

سجاد / اليوم طلع كيان من السجن رحت جبته واجينه للبيت دكيت باب البيت

ام رونق / منوو

سجاد / اني يمه

ام رونق / هله يمه ادخل

سجاد / طبيت امي رادت تسد الباب وكفتهه اوكفي يمه اكو شخص ويايه تعال اتفضل

كيان / طبيت شفت امي بجيت كبل حضنتهه

ام رونق / اريد اعرف شنو الصار منو اجه معقوله هذا كيان اريد احجي من الصدمه مااكدر كمت كوه اتنفس

كيان / يمه اشتاقيتلج يمه ونزلت لرجليهه اريد ابوسهن ماخلتني حضنتني حيلل وبوستني وثنينه نبجي طبينه لجوه فتحت باب الصاله شفت ابويه يباوع اخبار

ابو رونق / كاعد بلصاله وجان تنفتح الباب ويطب كيان معقوله لاا يربي معقوله كمت وكفت

كيان / بااابه يـ نور عيوني شلونكك

ابو رونق / كيانن كيااننن ابني الف الحمدلله ع السلامه شلونك ابني

كيان / زين اني بابه زين انت شلونك مشتاقلك بابه حضنته وبجينه من بعد ماخلصنه كلشي طبيت سبحت وامي سوتلي بانيه لان اكلتي المفضله تغدينه وكملنه افتريت بلبيت مشتاق لكلشي طبيت لغرفة رونق اختنكت كلش شفت صورتهه كمت اباوعلهه اسف حبيبتي اني سبب روحتج لهناك بس وعد اجيبج واخليج ترجعين لبيتج طلعت رحت لغرفتي خابرت ل اصدقائي اتحمدولي بلسلامه واتفقنا نطلع بليل للمول
***********************************
رونق / مرت ايام واجت ايام حياتنه عاديه من غير المشاكل طبعا فهد حباب ويايه وكل يوم يخليني احبه اكثر

فهد / اجاني خبر اخو رونق طلع من السجن قررت مااسوي اي شي مااريد اسوي شي يضر رونق لان رونق صارت عباره عن الهوى الاتنفسا احبهه هواي كللش هواي واذا سويت شي راح تروح من ايدي كلما اريد اخذهه ماتخليني واني منتضرهه مااريد اضغط عليهه تغدينه وكملنه رحت كعدت بلمضيف اجاني ابن عمي

جاسم / الحك يشيخ كوم شوف منو اجه

فهد / كمت طلعت وجان اشوف المامتوقع اشوفه

رونق / واكفين بلصاله وصار صياح عالي رحت باوعت من الشباك وجان اشوف

يتبع …