فصلية الشيخ فهد

البارت 12

هلو عمري وهذا بارت لعيونكم 💕✨

رونق / انصدمت شنو طلاگ شنو يعني فهد شنو تطلكني

فهد / مثل ماسمعتي كلامي ماارجع اعيده

رونق / بس .. بس ولله ماسويت شي بابه ولله ماسويت شي تهسترت كمت اصيح فهدددددد ليش شسويتلك اني ليش فهمني ليشش مو اني احبك وانت تحبني شبيك هسه شنو الغيرك عليه

فهد / عفتهه وطلعت

رونق / كمت ابجي الدموع ينزلن حارااااات بابا بابا بس كلي ليش يريد يطلكني ولله العظيم وداعتك ماسويت شي

ابو رونق / باباتي سلمي امرج ل الله هذا المكتوب

رونق / بابا شنو يعني هذا المكتوب فهد يحبني واني احبه سجاد ماكالك ليش يريد يطلگني

سجاد / لاا حبيبتي ماكالي اباوع ل اختي راح تموت من البجي وهذا الشي مو زين عليهه گبل صحت للدكتور علمود نطلع طلعنه صعدنه السياره وكبل لبغداد
***********************************
رونق / وصلنه لبغداد طبيت فتحت الباب كبل ل ماما حضنتهه شافتني تخبلت

ام رونق / رررررروونق لااا مااصدك يربيييي بنتي يممممه بنتي شلونج اخخخخ يمممه مشتاقه لعطرج مشتاقه لحسج بلبيت

رونق /  واني هم ماما مشتاقتلج مستاقه لكلشي بهل البيت

ام رونق / شلون اجيتي شلوننن خلوج

رونق / بابا انت سولفلها اني صاعده لغرفتي صعدت لغرفتي فتحت الباب طبيت كبل بجيت غرفتي يالله كلشي مامتغير بيهه نفسهه بعدهه بقيت افتر بيهه لمن تعبت ونمت ع جربايتي ع مخدتي الاحبهه كعدتني امي ع العشا تباوعلي وتضحك فرحانه لان رجعت رجعنه انجمعنه الفرحه ماتنوصف بس بكلبي نارررررر ومشتعله فهد راح يطكلني ليش شنو السبب اني ماسويت شي بس هوه من كعدت الصبح وكلت صباح الخير وهوه كالي هله منا هوه اتغير عليه وفهد يحبني ومدللني حسبالك طفلته مو مرته  شارده بلتفكير وجان يكطعني صوت كيان

كيان / رونق ررونققق

رونق / هاا كيان

كيان / اني اسف ع كلشي صار وياج لان لو مو اني ماجان صار هيج ولله اجيت اخذج وارجعج للبيت بس شفتي شصار

رونق / كيوني انسى الصار لان كله ماضي علينه بلحاظر هسه

سجاد / اي ولله علينه بلحاظر وباجر حنتي

رونق / اباوع لسجاد يكول حنتي ويهز رگبه اني هنا متتتت ضحك

ام رونق وابو رونق / هههه الله يخليكم لبعض ومايحرمنه هل جمعه الحلوه

الكل / امين يارب

رونق / كملت اكل الحمدلله رحت لغرفتي فتحت موبايلي راسلت صديقاتي عرفن بيه اجيت لبغداد عزمتهن ع حنة سجاد نمت وكعدت من الصبح هووووووسه وناس طالعه لان حنت سجاد وراح يجيبون البنيه عدنا نسوي الحنه بيتنا هيه المفروض بيت اهل البنيه بس مااعرف ليش سوها بيتنا وتعاي لازم انزل وشلون انزل اصلاا واني ماعندي شي البسه نزلت لكيت البنات كالبات الدنيا كلاب وجان تجي امي جايبتلي فستان يجننننننن لبسته والبنات مكيجني طلعتت حلوه واني هذا كله وتفكيري يم فهد ليش راح يطلكني وجان تجي جيرانه وتكلي

ام جعفر / الحلوه بيمن كاعد تفكر اكيددد بفهد

رونق / اجيت ابجي من كالت هيج عفتهن ماكو سالفه تنضم وكمت جان اسمع ثنين يحجن وحده تكول ليش عافهه اكو واحد يعوف هيج جمال الثانيه تكللهه اكيد مسويه مكسوره طبيت لغرفتي وسديت الباب حاولتتتت هوااايه ماينزلن دموعي قاومت بس نزلن بقيت نص ساعه كاعده اجت امي

ام رونق / ماماتي شبيج ليش تبجين

رونق / ماكو شي ماما

ام رونق / شنو ماكو شي لعد وهاي الدموع شنو احجيي شكو

رونق / سمعت ثنين نسوان يكولن ليش عافهه خاف مسويه مكسوره

ام رونق / بنيتي رفعي راسج هاي العيون الحلوه مايصير تبجي امشي عدلي مكياجج ونزلي كعدي يلاا كدامي

فستاني

فستان رسل

رونق / عدلت مكياجي ونزلت اجن صديقاتي ضحكنا  وتونسنا العروس كاعده تجنن صلوات اسمهه رسل شويه وصاحو اجه العريس تغطن النسوان كلهه تغطت حتى العروس شنو السالفه مااعرف صارت هوسه بلباب وجان يدخل

رونق / ...........