رونق / فهد اذا اگلك احبك اجذب عليك واذا اگلك مااحبك هم اجذب عليك
فهد / هاي شلون فهميني ؟؟؟
رونق / اذا احبك بعد ماارجع ل اهلي
فهد / ومنو گال انتي بعد ترجعين ل اهلج
رونق / شلون يعني ماارجع بعد مو
فهد / اي ماترجعين لان انتي مرتي واحبج هاي اول شي وثاني شي مايصير ترجعين لان اخذتج بعد اذا ارجعج راح ترجع المشاكل بين العشيرتين وينقتل اخوج
رونق / بس اكدر اروح اشوفهم ع الاقل صح ؟
فهد / اي صح بس موهسه
رونق / لعد ليمته
فهد / كلتلج مو هسه كافي تلحين
رونق / نزلت راسي الدمعه بطرف عيوني اريد اشوف ماما وبابا
فهد / لاتبجين ليش تبجين تعاي گربي
رونق / رحت گعدت يمه وجهه مقابيل وجهي وگلبي يدگ الف نبضه بلدقيقه
فهد / اريد اكلج شي
رونق / ايي گول شنو
فهد / اني احبج واريدج تصيرين مرتي صدگ وانتي ترديني لو لاا ؟
رونق / صفنت شسوي هسه گلبي يگول احبك وعقلي يگول لاا مااحبك فقررت امشي وره گلبي
فهد / گليلي اي لو لا
رونق / اي احبك
فهد / من كالت احبك طرت من الفرح حضنتها حيلللل نسيت شكو وجع بجسمي
رونق / فهد من حضني حسيت ب الامان اني ماادري ليمته حبيته بس اريد امه هم تحبني اريد اجيبها بصفي شلون وهيه ماطايقتني المهم نمنه وكعدنه الصبح
فهد / كعدت الصبح فتحت عيوني لكيت ملاك نايم يمي حاضنتني ونايمه ماتدري بروحهه ضحكت عليهه همست رونق رونقتي كعدي يلاا فتحي عيونج الحلوات
رونق / حسيت واحد يكعدني فتحت عيوني لكيت روحي بحضن فهد طفرت طفره متت من الخجل هاي اني ليمته نمت بحضنه ليمته اجيت هنا
فهد / اباوعلهه خدودهه صارن حمر من الخجل ضحكت شبيج رونق شجرالج
رونق / مابيه شي
فهد / يلاا بويه كومي نتريك
رونق / رحنه للصاله لكيت البنات كلهه كاعده
فهد / صباح الخير
الكل / صباح النور هلاا شيخ
ام فهد / يله يمه اكعد تريك غذي روحك
فهد / هلا حبيبه تأمرين كعدت تريگت كاعد ناكل رونق كاعده بصفي اباوعلهه شلون تاكل جنهه عصفور
رقيه / اكول شيخ شنو جاي عبالك طبخه اطبخهه الك ع الغده
فهد / ولله ماجاي ع بالي اي شي شنو تطبخ امي اكل
رونق / من كالتله رقيه اطبخلك وكاللهه شنو تطبخ امي اني اكل حسيته بسمار اني بيه طبع اذا يصير هيج موقف كدامي اخرب ضحك كوه كتمت ضحكتي كمت اكل 3 لگم سويه عمود مااضحك خطيه هلبنيه يوميه متفشله
فهد / اباوع لرونق وجهه صار احمر من الضحك كوه كاتمه ضحكتهه ملعونه
***********************************
رونق / كلعاده تنضيف ومن هاي السوالف ورقيه تذب كلام عليه واني لابستهه وهيه خطيه احترگت لان اني ماارد عليه فهد كعد بلديوان شويه واجه
فهد / رونق تعاي وراي
رونق / من كال هيج تجمدت بمكاني خفت خاف اني مسويه شي وماادري صعدت لكيته واكف كلتله هاا
فهد / شبيج
رونق / مابيه شي
فهد / شلون مابيج شي وانتي تكولين جايه للاعدام مو لغرفتج
رونق / مابيه شي ولله
فهد / اي بويه تعاي گربي
رونق / من گال گربي كلبي كام يدك طبل
فهد / رونقتي تعاي نزعيني ولبسيني هذا التشيرت
رونق / يالله شلون انزعه ولله استحي رحت تقدمت كلما اتقدم خطوه ارجع 100 خطوه رحت نزعته التشيرت ولبسته واحد لخ وهوه عريان واني بين حضنه اذا تذبحوني قطرة دم ماتلكون بيه من الخجل
فهد / اباوع لرونق حيغمى عليهه من الخجل اني اتعمدت اسوي هيج احب الخجل مالتها من الصبح عرفت من تخجل تصير احلى ولا تگول هاي ام السان الطويل العنوديه صارت كتكوت بحضني من الخجل حبيتهه كلش وهواااايه هم اريدهه مرتي بعد مااتحمل وهيه كاعد تبدلي بستهه بخدها
رونق / واني كاعد ابدله جان يبوسني بخدي خله اديه ع خصري
فهد / احبج
رونق /
فهد / اعشقج
رونق / ااااا اكلك خننزل جوه خاف يحتاجون شي
فهد / عوفيهم مايحتاجون شي رونق اريدج
رونق / شنو
فهد / نتزوج من صدگ اليوم
رونق / ............
YOU ARE READING
فصلية الشيخ فهد
Romanceجاسم / الحك يشيخ كوم شوف منو اجه فهد / كمت طلعت وجان اشوف المامتوقع اشوفه رونق / واكفين بلصاله وصار صياح عالي رحت باوعت من الشباك وجان اشوف يتبع ...
