🍭🎡سارة في بلاد العجائب🎡🍭|مكتملة✨️ (باللهجة المغربية)

2

💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 5💜📖

كانت سارة سادة عينيها و هي داخلة بسبب قوة الضوء غير حلاتهوم وسعاتهوم على قدهووم تتبان ليها الدنيااا غوووز و كلهااا حلويااات انهاار من الشوكولاتة و اشجار من المثلجات و صخور عبارة على سكاكر و كلشي كريميي و مبنيي بالحلويااات بقات شحاال تتحك عينيها عاد لاحظات انه مبقاتش لابسة الفستان الأخضر يعني هيئتها تبدلات على حسب البلد..قربات من شلال الحليب و هو يبان ليها انعكاسها فيه كانت لابسة فستان فالغوز مصنوع من غزل البنات بالقبعة الغيمية ديالو طولو حد الركبة و شعرها رجع لطولو الأصلي و تلون بالغوز و الكحل...

سارة:لبسة زوينة ههه عجباتنييي

ميرور:هدا بلد الحلويات نتي دابا فالمدخل ديالو

سارة: وااو نااري واش واخا ندوق؟؟؟

ميرور:وي هاد البلد مصنوع من الحلويات

مشات سارة هزات واحد الحجرة صغيرة كلاتها كانت بمذاق الفرولة عجبها الحال و هي تبدا تاكل ف احجار و ازهار خرين كانو نكهات مختلفة و الوان متنوعة...حتى وقفات عليها واحد البنت عينيها زرقين و شعرها مزيج بين الغوز و الموف هازة مونيكة فيديها و باليد الثانية هازة صمامة...

البنت:شنو تديري هناا واش باقة راكيي هناا

سارة قفزات فمها عامر و مرون:ش شكوون نتي؟؟

البنت جراتها:زيدي زيدي راه مهرجان الحلوى بداا تعطلناا كلشي كاين تما

سارة تتمسح فمها بيديها:اشمن مهرجان؟؟

البنت:ديال الحلوى راه جاوبتك خص كلشي يحضر

سارة:عرفيني على راسك بعدا

البنت:انا سميتي لوليبوبس

سارة:سمييتك صعيبة غنعييط عليك غير ب لولي

لوليبوبس بتاسمات:تيعجبني الدلع و نتي شنو سميتك؟

سارة:سميتي سارة

لولي:اسم غريب اول مرة نسمع بيه

سارة:ا ااه

بقاو غاديين و المرايا تابعاهوم حتى بدا تيتسمع الغنا بشكل بعيد و هوما غاديين تيقربو ليه و صوت التصفيق و التطبيل حتى حلات سارة فمها فواحد الحشد كبيييير ديال الناس على شكل جوج صفوفا بحال كيف الطروتوار و الوسط الشانطي تيدوزو منو بنات لابسات ملابس الحلوى تيرقصو مشادات مع بعض تابعاهوم عربة كبيرة مصنوعة من الحلوى و فوق منها تتغني وحدة دايراها منصة و من موراهوم وحدين خرين شي تيغني شي تيشطح و كلشي ناشط...