🍭🎡سارة في بلاد العجائب🎡🍭|مكتملة✨️ (باللهجة المغربية)

4

💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 13💜📖
بقا التنين غادي تيطير و سوورد صايگو من ودنيه اما واحد سارة مكمشة شادة فجلد التنين بيديها و برجليها..بقاو مدة هكا حتى لمح سوورد المكان لي فيه الباب و هو يجر ودنين التنين حتى بدا تيهبط جارو للتحت حتى تلاحو فالأرض و تكركبو...
سوورد:وصلنااا
سارة ناضت عضامها مهلوكين:اش هاد الصووگااان شوية كنت غنمووووت
سوورد:نتي لي باغية توصلي دغيا ايوا تحملي المسؤولية
سارة تتسوس فحوايجها:المهم موقعات لينا حتى حاجة
سوورد:زيدي هبطي
هبطات سارة بشوية عليها اما التنين غاب على الوعي بسبب الطيحة فراسو...
سوورد:زيدي نوصلك قبل مايفيق التنين
سارة:واخا هاني
بقاو تيتمشاو حتى بان الباب لي كان فالأزرق مفتوح و مرسومين فيه نجيمات و متوسطو هلال فالذهبي...
سارة:تيبان ليا جا وقت الوداع شكرا بزاف على مساعدتك
سوورد:ماشي مشكل تنتمنى تلقاي الطريق لعالمك
سارة بتاسمات:بسلامة
يالاه ضارت باش تحل الباب و هو يفيق التنين غير بانو ليه و هو ينوض تيجري على قوائمو جاااعر جيهتهووم سارة سمعات الخطوات لي بحال الهزة الأرضية غير شافتو جاي حال فمو جيهتهوم و هي تحل الباب بالزربة و جرات سوورد لي كان عاد جابد سلاحو باش يقتلو محس غير بالجرة د سارة حتى تلاحو بجوج فباب البلد المجاور....
كان الظلام و الدنيا منورها فقط ضوء القمر الكبير حلات سارة عينيها لقات سوورد واقف عليها...
سوورد:فاش كنتي تتفكري؟؟؟عاد كنت باغي نقتلو و نتي تجرينييي؟؟
سارة خايفة:كنت خااايفة واش عرفتيي اش شفت واا رااه كان جااي ياكلناااا
سوورد:كنت غنقتلو نتي لي تيسبقوك يديك شغندير انا دابا الباب اختفى و خصني نقلب عليه تاني!!
سارة ناضت عاد رضات لبال لراسها انها لابسة فستان فالرمادي خفيف قصير و معندوش الكمام فيه شبيكة و كانو فيه نجيمات تيلمعو بالفضي اما شعرها ولا قصير فالگري غامق...
سارة:علاه الباب متيبقاش فبلاصتو؟؟
سوورد:بان ليك شي باب هنا مزال؟؟
سارة شافت حولها مكاين والو:لا يعني متيبقاش فنفس البلاصة؟؟اففف سمح ليا اجي بعدا فين كاينين تيبان ليا كلشي مظلم كونما هاد ضوء القمر كاعما نقدر نشوف
سوورد:حنا ف بلدة القمر

💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 14💜📖
سارة:اااه قول ليا داكشي علاش الدنيا مظلمة و القمر لي منور
ميرور:بلدة القمر هكا دايرة فيها ديما الليل و ضوء القمر باش تيقدرو يشوفو سكانها
سوورد:عاد لاحظت بلي تبدلتي بالفعل كلامك كان صحيح!!
سارة:ااه راني قلتك ليك ليكاين المهم خصنا نتحركو هاد الظلام مديرونجيني بغيت غير امتى نخرجو من هنايا
سوورد:اوكي تفضلي
بقاو غاديين تيتمشاو تيحاولو يلقاو شي طريق ولا شي مدينة فهاد الظلام حتى بانت ليهوم البوابة المدخل ولكن كانو قدامها جوج ديال الحراس لابسين دروعهوم لي كانت منقوشة على شكل الهلال و القمر...قربو منهوم و تكلم سوورد...
سوورد:الى سمحتو بغينا ندخلو للمدينة
الحارس:ميمكنش حنا مانعين الزيارات دابا
سارة:و علاش ا سيدي؟؟
الحارس الثاني لمح شكلها:نتي شنو تديري فهاد الوقت هنا؟ لحقي دارك
سارة فهمات انه من الزي ديالها يتصحاب ليه من الشعب:ولكن بغيت حتى الصديق ديالي يدخل معايا
الحارس:ميمكنش يدخل واحد اجنبي فهاد الوقت من الليل للمدينة و الى تدارت شي ضجة!!
سوورد:مغندير حتى حااجة!!
سارة:عفااك خليه يدخل مغيدير والو هو الضيف ديالي و معندو فين يبات
الحارس:غادي يبات فالزنزانة!!!
الحراس بجوج تهجمو على سوورد لي بحكم القوة ديالو الجسدية ك ابن بلدة البراكين قدر يتفادا ضربتهوم و بسرعة جر سارة و دخلو تيجريو...
سارة:راك موعتنيييي
الحراس جايين تيجرييو:وقفوووووو
سوورد زاد من سرعتو:اجي نتخباو هنا
تبعاتو سارة فهضرتو و هوما يتخباو مورا واحد الدار حتى فقدو الحراس اثرهم..تنهدات سارة و طلات مبان ليها حتى واحد و هي تخرج...
سارة:يالاه نشوفو نسولو فشي بلاصة نباتو فيها
سوورد:و علاه عندك الفلوس؟؟
سارة تضور فعينيها:معندكش نتا؟؟
سوورد:العملة ديال بلدتي ماشي بحال عملة بلدة القمر
سارة:و شغنديرو؟؟
سوورد:غنلجأو للمقايضة
سارة:معندي باش نقايض هاد الساعة
سوورد:ديك المراية لي غير تطير غتجييب ليك ثمن مناسب
سارة:واش تسطيتي ياك قلت ليك هي لي جابتني لهنا!
سوورد:ااه نسيت نسييت المهم غنشوفووو
يالاه دارو و هوما يلقاو الحراس واقفين عليهوم تصدمات سارة و هوما يشدوهوم من قبهوم:زيدووو معاناااا....