🍭🎡سارة في بلاد العجائب🎡🍭|مكتملة✨️ (باللهجة المغربية)

7 و الأخيرة

💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 38💜📖
ميرور:دابا جا الوقت تعرفي قصتي حتى قدرتي تلقايني و كيفاش حتى أميرة المرايا طاحت فعالم البشر
سارة:انا تنسمعك
ميرور:فواحد الليلة وقع بيني و بين ماما خصام كبير حيت وصلت للسن القانوني باش نقدر نمشي للبلدات لخرين ولكن مخلاتنيش بحجة انه انا أميرة و بلي ماشي بحال الشعب الخ...سالا النقاش بخروجي من هاد الغرفة نيت حتال غرفتي و تلاحيت فوق فراشي تنفكر فكيفاش نقنعها ولكن جربت جميع المحاولات و فشلت..فلخر هربت من القصر و دخلت لباب بلدة المرايا و فاش خرجت منو لبلدة الأبواب تحولت لشكل مرايا ولكن بقيت باقة محتفظة بالقوة ديالي فاش شفت بلدة الأبواب تصدمت و معرفتش اش ندير بقيت أيام غير تنحل فالأبواب و بلا حتاشي نتيجة حيت كانو عبارة على ابواب منازل سكانها حتى بالصدفة لقيت باب بلدة الثلج و من بلدة الثلج لبلدة الأرواح بقيت هكاك حتى وصلت لبلدة الغابة و فكل بلدة عشت فيها احداث و كتاسبت فيها خبرات فاش وصلت سالات رحلتي من بلدتي بلدة المرايا لبلدة الغابة لي هي اول بلدة من بلاد العجائب ولكن تما بان ليا باب اخور و هاد الباب فاش حليتو تلاحيت فعالم البشر
سارة بصدمة:كيفاش؟؟؟؟؟باب لعالم البشر؟؟؟؟
ميرور:اه فاش تلاحيت لعالم البشر طحت فبزاف د الأيادي شي لاحني شي متسوقش ليا حتى طحت فيد شي واحد و داني لواحد المتجر باعني فيه من بعد بدات رحلتي فالبيع حتى وصلت لداك المحل لي شريتيني فيه و تما فين بدات قصتي معاك
سارة:ولكن الى هكا علاش دخلتيني لبلاد العجائب؟؟؟
ميرور:الكتبة لي كانت على ضهر مرايتي كانت فالأصل الإسم ديالي الكامل ولكن باش نقدر نجرك لبلاد العجائب بدلتها بديك الجملة
سارة:ولكن علااش؟؟
ميرور:حيت الباب لي دخلت منو فالحقيقة هو نتي
سارة بصدمة:كيفاش؟؟؟؟؟؟
ميرور:نتي عارفة فاش تدخلب لشي بلدة من الباب مغتلقايهش تاني الى رجعتي خص تقلبي عليه فبلاصة خرى كيفما وقع لسوورد حتى دخل معاك لبلدة القمر و نتي تتعتابري باب عالم البشر مادام نتي الوحيدة لي قدرات تقرا لي كان محفور على ضهر مرايتي داكشي علاش فاش قريتيها تجرينا لبلاد العجائب
سوورد بصدمة:كيفاش دابا واش سارة كانت طول الوقت هي باب عالمها؟؟
الملكة ريفلا تدخلات:غير بتعبير مجازي ماشي الحرفي
سارة:كيفاش مجاازي ولاا حرفييي واش كنت طوول لوقت قااادرة نرجع و مقلتيهاااش ليا؟؟؟
ميرور:لااا نتي فهمتي غلط
سارة:و كيفااااش اذن؟؟؟؟
ريفلا:من الضروري تعكس الرحلة كيف دخلتي لبلدة الغابة و كيف خرجات منها ميرور هي خصها ترجع لبلدتها و نتي لعالمك نتوما طول هاد المدة كنتو متشاركين نفس القدر و دابا كلشي رجع لبلاصتو بقيتي دابا نتي ترجعي لعالمك
سارة:و كيفاش غنرجع راه فراسي غير خصني نزور جميع البلدات
ريفلا:قربي مني
سارة قربات منها و هي تحط الملكة يديها على صدر سارة حتى بدات تتبرق و هو يخرج باب من داخلها ختارق ضهرها بحال شي شبح و بقا واقف فالهوا...
سارة بصدمة:الباب خرج مني؟؟؟؟
ريفلا:فاش غادي تدخلي ليه غادي تلقاي راسك فعالمك و غادي يختافي للأبد بحيث لا ناس بلاد العجائب غيقدرو يمشيو لعالم البشر ولا ناس عالم البشر يقدرو يجيو لبلاد العجائب
سارة ممصدقاش لي تتسمعو:واش بصاح؟؟؟غنحلووو و غنرجع لدارنا؟؟؟مغنحلوش و تطلع شي بلدة خرى ياكي؟؟؟
ريفلا:لا هدا هو الباب لي من موراه تيتسناك عالمك
سارة ضارت شافت فميرور و سوورد و هنا بداو دموعها تيهبطو...
سارة بتاسمات و دموعها غير متيزيدو:الرحلة تتسالي هنا
ميرور جرات حتى عنقاتها:صدقيني دوزت معاك افضل ايام حياتي شكرا بزاف
سارة معنقاها تتحبس فشهقاتها:ولفتك بزاااف
ميرور بعدات منها بشوية و شداتها فيديها:حتى انا
سارة تتشوف فيديهوم المشادين و طلقات منها:انا باقة من ناس بلدتك ياكي؟
ميرور:اييه
سارة ضمات صباعها بجوج لي بداو تيلمعو و يبرقو حتى خرجات منهوم مرايا و مداتها لميرور:بغيت هاد المرايا تبقا عندك و نشوفك فيها و تشوفيني حتى نتي
ميرور شداتها من عندها بابتسامة:اكييد غادي نراقب اخبارك فيها(تنهدات)نتي انسانة ذكية ا سارة و قدرتك على اكتشاف قدرات شعب بلاد العجائب مذهلة تمنيت كون كانت عندي صديقة بحالك ولكن حنا ماشي من نفس العوالم
سارة:حتى انا هه معنديش الصحابات ولكن معاك عرفت هاد الإحساس شكرا بزاف ولكن للأسف تيتسناني عالمي و أمي
ضارت دغيا عاطياهوم بالضهر غادية تتزرب حتى حطات يديها على البوانيي ديال الباب حتى سمعات سميتها...
سوورد:سااارة
سارة زييرات على الباب هي بغات ترجع لعالمها بلا متزيد تودع خصوصا سوورد لي بدات تتحس من جيهتو بشي حوايج لي مخصهومش يكونو...
سارة ضارت:نعام؟
سوورد:غتمشي بلا متودعيني؟؟
💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖تتمة الجزء 38💜📖
سارة حابسة البكية:منقدرش نودعك
سوورد مشا حتى وقف عليها: وعلاش؟؟
سارة عنقاتو تتبكي:حيت مابغيتش ندير هكاااا اهئ اهئ
سوورد متوقعش هاد العناق ولكن ضور عليها يديه حتى هو و ضمها...
سارة تتبكي:كاانت رحلة زويينة كاانت مغاامرررة عمرنيي حلمتت بيهاا شكراا ليك بزااف على وقووفك بجنبيي..حماايتيي..الاهتمااام بيااا على كلشي كلشييي
سوورد:فرحت حيت و اخيرا رغبتك غتحقق و ترجعي لبلدك ولكن فنفس الوقت انا مابغيتكش ترجعي
سارة طلعات فيه راسها:حتى نتا ولفتيني هه حتى انا
سوورد:سارة غنكون اناني الى قلت هادشي ولكن تمنيت كون..قدرتي تبقاي معايا و نرجعو لبلدة البراكين انا وياك
سارة:منقدرش نتا عارف انه عندي عائلة و مستقبل فعالمي سمح ليا منقدرش
طلقات منو سارة دغيا و حطات يديها على لبوانيي و قبل ماتضور وجهها شدها منو سوورد و باسها فشنايفها بوسة مطولة خلاتها تسد عينيها و يطيحو دموعها على خدودها...
سارة بحزن:(تمنيت كون نقدرو نوليو مع بعضياتنا...)
و فوسط من قبلتهوم الأولى يد سارة لي كانت محطوطة على لبوانيي حلات بيها الباب و باليد الثانية دفعات سوورد و رجعات بلور حتى طاحت فداخل لباب لي تسد فاش بتالعها و اختفى...
سوورد بصوت عالي:سااااااااااااارة
💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 39💜📖
حلات سارة عينيها فغرفتها لقات راسها متكية على الأرض ناضت دغيا لقات راسها باقة لابسة حوايجها ديال الدار و شعرها رجع كيفما هو ضورات راسها فالمكان كأنها دوزات سنين ماشافتوش و مشات تتجري شافت الصالون و الكوزينة و قلبات الطواليت مكاين حد يعني مها مزال مرجعات..مشات هزات تيليفونها فين خلاتو و تصدمات فاش لقات انه اليوم لي دخلات فيه لبلاد العجائب مع ميرور نفسو تاريخ اليوم و حتى الساعة يعني بحالا توقف الزمن ماشي استمر!!تنهدات براحة حيت على الأقل ماخلاتش مها تسنا فيها ولا تبقا مشطونة عليها..حطات تيليفونها فوق الطبلة و مشات تكات فوق ناموسييتها و تقابلات مع السقف و هنا بداو دموعها تيهبطو تاني...
سارة بتاسمات بانكسار: و هنا تيسالي الحلم
تسمعو السوارت فالباب و من موراهوم خطوات داخلين...
رقية:سااااارة فينك
سارة سمعات مها جات مشات بالجرا لعندها تتعنق و تبوس:مامااااا
رقية باستغراب:هاويلي مالكي؟؟؟
سارة:والوو غير توحشتك و صاافي
رقية:و مالك على لبكا؟؟
سارة:غير تفرجت فواحد الفيلم على رضاة الواليدين و تفكرتك و تأثرت
رقية حطات صاكها و جلسات:الله ياربي ضهري تقسم جيبي ليا كاس دالما عافا بنيتي
مشات سارة للكوزينة تتمسح دموعها حتى جابت لمها الما...
سارة:شنو بغيتي نطييبو اليوم للعشا؟؟
رقية:مغنطييبو والو جبت العشا من الخدمة
سارة:ياك نتي لي طييبتيه بعدا هاد المرة ماشي داك الشاف د لويل
رقية:ههه اه انا سيري حطيه فالثلاجة هاهواك فصاكي
مشات سارة حلات الصاك جبدات منو بواطة د البلاستيك و حطاتها فالثلاجة...
من بعدما تعشات سارة مع مها مشات تخشات ففراشها و ضورات عليها غطاها سدات عينيها تتحاول تنعس ولكن حلف لا جاها ذكرياتها مع سوورد و ميرور فبلاد العجائب و كلشي مابغاش يتمحا من بالها تفكرات البوسة لي عطاها سوورد و هي تبتاسم عمرها تخييلات بلي غتخاد بوستها الأولى من واحد الشخص ماشي حتى من عالمها...
سارة سدات عينيها:غنحاول نعس و الايام غتنسيني فيهوم...
🌞فالغد ليه🌞
فاقت سارة مقلوبة ماعاقلاش امتى داتها عينها و نعسات..ناضت حتى غسلات وجهها و سنانها مشطات شعرها دارت مكياجها و لبسات حوايجها..لقات مها موجدة الفطور...
رقية:صباح الخير ا بنتي هاني وجدت ليك متاكلي فالخدمة
سارة:ربي يخليك ليا ماماتي
فطرو مجموعين و كل وحدة مشات لخدمتها..فالطريق بقات غادية سارة لخدمتها و فطريقها دازت من حدا داك المحل د بيع الأشياء المستعملة تنهدات و كملات طريقها فاش تفكرات انه بداية حكايتها كانت من هنا حتى وصلات قدام واحد البناية حدا بابها كاينة لافتة ذهبية مكتوبة فيها عيادة سعد للأسنان...دخلات و طلعات مع الدروج حتال الطابق لي فيه العيادة حلات الباب بسوارتها و مشات حلات الشراجم فاش شافت بلي كلشي هو هاداك مشات جلسات فلبيرو ديالها لي كان صغير فمكان الإستقبال و قدامو كاينين شي فوتويات و كراسا ديال الناس لي غيتسناو و حداه قاعة الإنتظار لي كانت عبارة على سدادر و طبلة فيها المجلات و حيط معلقة فيه تلفزة...
جبدات سارة دفتر المواعيد ديالها طلات عليه و رجعاتو لبلاصتو..جبدات تيليفونها تطل على مواقع التواصل الإجتماعي لي مشافت ايام هادي فبلاد العجائب حتى سمعات شي خطوات طالعين فالدروج بالزربة...طلعات سارة راسها يتصحاب ليها شي كليانة حتى تتصدم فاش شافت راجل لابسة قاميجة مخططة فالبيض و البلومارين و سروال دجين معاه بنت شهبة لابسة فستان غوز بارد و المشكلة انهم تيشبهوووو بزاااااف ل....
سارة غوتات بصدمة:سووووووووردددددد ميروووووووورررررررررررر
الراجل ضحك و حتى البنت فاش شافوها كيفاش مصدومة و مخلوعة...
الراجل:كنت متشوق نعرفك كيف دايرة فعالمك طلعتي أجمل
البنت:هههه زعمة فاش عقلتي علينا رغم مضهرنا لي ولا تيشبه لديالك راه بزاف
سارة:ن ن نتوووما هووماا ياك بعداااا نتوووومااا؟؟؟؟
البنت:ااه ولكن مابقيناش ميرور و سوورد غتبقاي تعييطي لينا دابا ب مارية و سعد
سارة بصدمة:كيفااااش؟؟؟؟ولكن كيفاش هادشي عاودو ليا انا خليتكوم تما و الباب اختفى كيفاش...(شدات راسها)
مارية:سمعي مزيان لشنو غنقولو ليك...