🍭🎡سارة في بلاد العجائب🎡🍭|مكتملة✨️ (باللهجة المغربية)

5

💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 21💜📖
ساني:علاه نتي فين عارفة ملكة القمر؟؟
سارة بتوتر:ا اانا انا تصدمت حيت بجوجكوم خواتات و متفارقين هاكا جلالتك
ساني بحزن:وقع بيناتنا خلاف فاش ماتو واليدينا و قررات هي تمشي تحكم بلدة ماما و انا بقيت فحيرة حتى قدرت نستوعب و بديت فحكم بلدة بابا
سارة:سمحي ليا نسولك يمكن مخاصنيش ندوي مع الملكة بهاكا ولكن واش نتي راضية على هاد الخلاف لي بيناتكوم؟؟
ساني:اكيد لا ولكن ختي مقصحة راسها بزاف
سارة بقات تتشوف فيها و فالحزن لي باين على وجهها حتى طلعات فيها راسها...
ساني:نتي اكيد ماشي من هنا ياك
سارة بتوتر:ا ا كي كيفاش؟؟
ساني لمعو عينيها الزرقين بالذهبي و شافت فسارة لي كانت مضوراها هالة ذهبية مخلطة معاها هالة فلبلومارين...
ساني:نتي كنتي فبلدة القمر!!
سارة تترجع خطوات للوراء بخوف:غ غير سمعينييي نشرح ليك
ساني ناضت عندها و سارة غطات وجهها بيديها حتى حسات بيدين ساني تحطو على كتافها حييدات يديها على وجهها و طلعات فيها راسها باستغراب تتسنا شي عقاب حتى تيبانو ليها عينيها دمعو...
ساني:واش شفتي ختي؟؟جيتي من عند ختي؟؟
سارة بلعات ريقها محركة راسها بأه...
ساني بفرحة:كيف دايرة دابا؟؟واش هي لي سيفطاتك عندي متنكرة؟؟هي مهتمة بيااا هي باقة تتشوفني ختهااا
سارة بتوتر تتأكد ليها هضرتها اما كلشي عكس لي قالتو...
ساني فرحانة:كنت عارفة هادشي كنت عاارفة انها غير تتصطانع القوة و فالخفاء مهتمة بيا و مسيفطة وحدة من شعبها باش تعطيها اخباري هههه
سارة ساكتة تتشوف فهاد البنت المسكينة لي يتصحاب ليها ديك المسمومة مدياها فيها هي باغية خبار الاستراتيجيات و اش تيوقع فقصرها...
ساني شدات يدين سارة:شنو قالت ليك عليا قبل ماتجي؟؟
سارة:ام اا قاالت ليا قاالت بلي نشوفك واش لباس و نطمأنها عليك
ساني:اووه كنت عارفة هادشي ههههه و هي واش لباس كيف ولات دايرة دابا؟؟؟
سارة:كبرات بحالك نيت هيهي
ساني:تقدري تعطيها الرد ديالي؟؟؟ اجي معايااا
جراتها و خرجو من تما دايزين من حدا صف د الحراس لي مستغربين من ملكتهوم لي غادة فرحانة و شادة فخدامة عادية هادشي خلاهوم يستغربو مايمكنش تحليتها المعتادة تزرع هاد الفرحة كاملها نفس الشيء مع الخدامات لي دايزين بشغلهوم حتى داتها لواحد الممر كببيييير مشمس شراجمو قدااااش ضاربة فيه الشمس و داخل فيه الضو ولكن حيت سارة ولات من ناس بلدة الشمس داك الضو مأثرش عليها..بقات غادية بيها حتى خرجو فقدام واحد الجناح كبير حارسينو حراس غير شافو ملكتهوم جاية حلو ليها الباب..دخلات ساني جارة سارة لجناحها لي كان كبير بزاف بحال ديال موون غير هو هدا مضوي و ألوانو صيفية ذهبية..مشات ساني جرات كرسي و جلسات فالمكتب ديالها جبدات ورقة و ريشة بحبرها و بدات تكتب اما سارة واقفة تتمنضر فالبيت و مستغربة من سكوت ميرور كان يتصحابليها تتسناها حتى تجي شي فرصة و تقول ليها شي تعليق على تقلبات الخطة ولكن وقع العكس...سالات ملكة الشمس كتابة رسالتها بفرحة و لواتها و هزات طابعها طبعاتو فيها..ضارت عند سارة و ناضت لعندها مادة ليها الرسالة الملوية...
ساني:انا غنآمر الخدم دابا يوجدو ليك عربة بغيت هاد الرسالة توصلها اليوم مزال
سارة بتوتر: ا ااه واخا
ساني:يمكن ليك تفضلي و وقتما رجعتي انا تنتسنا الرد بفارغ الصبر
سارة شدات الرسالة بين يديها و عينيها غير تيضورو عطات لساني ب ابتسامة صفرة و خرجات من جناحها تتفكر فهاد الحريرة وحدة باغية الحرب و هادي باغية السلام فا كيفاش غاتدير و هي محطوطة وسط منهوم؟؟؟....
💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 22💜📖
رجعات لغرفتها فالقصر و الرسالة بين يديها..حطاتها فوق بيرو تما صغير و خرجات ميرور من داخل فستانها...
سارة:علاش مادويتيش و ماقلتي حتى حاجة؟؟
ميرور:حيت ملكة الشمس اصلا ملكة قوية و عندها قدرة فعينيها تتمكنها انها تكشف هالة الأشخاص ملكة القمر غتكون معارفاش هاد المعلومة
سارة:و الى كنتي عارفة هادشي من لول علاش ماعلمتينيش؟
ميرور:حيت خصنا نديرو لي قالتو ملكة القمر الى عاودت ليك راه غنضطرو نساحبو
سارة جلسات فوق الناموسية:شغنديرو دابا؟؟(ناضت)خصني ضروري نعاود هادشي لسوورد!
ناضت سارة بغات تمشي لعندو و هي تسمع الدقان حلات الباب لقات وحدة من الخادمات...
الخادمة:العربة جاهزة
سارة:ت تقدري تصبري شوية؟؟
الخادمة:طلقي راسك مكاينش وقت
سارة مشات هزات الرسالة:واخا فين كاينة؟؟
الخادمة:تبعيني
جراتها الخادمة غاديين بالزربة و سارة تتسربي معاها معارفاش اصلا لاش هاد الزربة كلها يمكن من كترة لهفة و فرحة ملكة الشمس هدا هو السبب الوحيد لي جاها فدماغها بقات غادة معاها ناسية ميرور لي خلاتها فالغرفة حتى خرجو فواحد الباب كبير لبرا كان الباب الخلفي ديال القصر بانت ليها عربة بجوج احصنة مشات ليها...
الخدامة:حاولي ترجعي دغيا
سارة:غنحاول
طلعات سارة للعربة و سدات عليها خدات نفس عميق تتحاول تفكر فشي سيناريو تختارعو لملكة القمر على هاد التطورات المفاجئة فخطتهوم حتى بدات تتحس بالعربة تحركات و الخيول بداو تيتجاراو جارينها بسرعة....
بعد طريق طوييلة وصلات العربة قدام باب بلدة القمر..هبط سائق العربة حتى حل ليها الباب...
السائق:وصلنا قدام باب بلدة القمر
سارة:واخا شكرا
السائق:غنتسناك هنا حتى تسالي
هبطات و مشات حلات باب بلدة القمر و بتالعها فالداخل ديالو...
حلات سارة عينيها فالضلام و النجوم و القمر فقط لي منورين المكان هبطات عينيها فلباسها لقاتو نفسو لي كان فبلدة القمر بقات تتمشا غادية تتحاول تعقل فين كاين قصر الملكة حتى وصلات للبوابة كيفما وقع ليها اول مرة مع سوورد...
الحراس شافوها و خنزرو:نتي لي كنتي مع داك الأجنبي!
سارة:انا فمهمة من طرف ملكة القمر شخصيا و جبت ليها رسالة من بلدة الشمس
الحارس شاف فلاخور:راه سيفطاتهوم الملكة كجواسيس ليها تما
الحارس2:عندك الزهر اما متدخليش على داكشي لي درتو
سارة ممسوقاش لهاد الهضرة دابا:واخا يرافقني شي واحد منكوم للقصر راني ممخالطاش بزاف
الحارس:تبعيني نوريه ليك و سيري بوحدك
مشات معاه سارة دازو من فوق واحد الجسر باش يتجنبو الديور حتى بدا تيبان ليها من بعيد...
الحارس:هاهواك تماك سلكي هاد الطريق غيديك ليه نيشان
سارة:شكرا
دارت بكلامو و بقات غادية حتى وقفات قدام بوابة القصر دوات مع حراسها و خلاوها تدخل..بقات غادية بين الممرات حتال غرفة عرش ملكة القمر لي وصلو ليها الخدامات بالجرا خبر رجوع جاسوستها بهاد السرعة...سمحات لسارة تدخل و بملامحها الباردة طلعات حاجبها فيها...
موون:شنو سبب هاد الرجعة؟؟
💫سلسلة فيكتوريا الفانتازية الأسطورية💫
             ✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 23💜📖
سارة قربات منها و مدات ليها الرسالة موون شافت الطابع عرفاتو من ملكة الشمس حلاتو و بدات تتقرا فخاطرها... "الى اختي العزيزة موون متصوريش فرحتي قداش كبيرة فاش قالت ليا خادمتك المتنكرة انك تطمأني على اوضاعي و احوالي فالخفاء باش متبيينيش انك مهتمة بيا هه انا عارفة طبعك كيف داير و هدا ماشي موضوعي انا باغية نعرضك لقصري و نتجمعو بجوج بحال ايام صغرنا تنتمنى تلبي هاد الدعوة حيت غنكون فرحانة بزاف بزيارتك ليا  اختك ساني..."
كمشات ملكة القمر الرسالة بغضب و ناضت نوضة وحدة هازة صبعها:اش هاااد التخربيييق جايبة ليااا نتييي ب ااااشمن وجه جااية و تتورينييي هاااد التبرهيييش؟؟؟
سارة قفزات بخوف:سمعيني هي عندها قدرة فعينيها قدرات تمييز انه كنت فبلدة القمر
موون:اشمن قدرة غتكوون عند اختي الضعيفة؟؟؟؟نتي تضحكي عليا!! فين الخطة لي تافقنا عليها؟؟؟
سارة تترجع خطوات للوراء:غير سمعييييني علاش مابغيتيش تصالحي معاهاا هي مسكيينة فرحاانة و يتصحاب ليها مهتمة لأمرها ولكن نتي العكس!
موون بغضب:كيفاااش تجرأتي انك دوي معايا بهاد الطريقة الرخيصة السوقية!!!
سارة:قلت ليك غير الحقيقة مكاين لاش تعاندي معاها نتي بوحدك لي عندها فهاد الدنيا تفهمي هادشي كون كانت عندي ختي كون شديت فيها بيدي و بسنااني نتي مغتحسيش بهادشي حييت عندك و اناا معندييش خوووت
موون غوتاات حتى تزعزعو الشراجم و الزاج بدا تيتششقق(قدرة شعب بلدة القمر):حراااااااااااس
سارة دفعات باب غرفة العرش بالجهد و فلتات للحراس لي دخلو لعند الملكة يشوفو مالها...
موون:يااا الأغبياااااء راااهااا دازتكوووم شدوووووهاااا
بلا ميفكرو ديريكت تبعو سارة لي تتجري فالممرات بأقصى سرعة عندهاا ناجية بحياتها منهوم...
فنفس الوقت فبلدة الشمس فاق سوورد من النعاس و ناض يشوف سارة فغرفتها دق جوج مرات و مكاينش جواب حتى سمع صوت قال "دخل" ..دخل للغرفة لي كانت خاوية مافيهاش سارة استغرب فين غتكون مشات هادي حتى تهزات مرايتها من فوق الطبلة و تقابلات مع سوورد و بان انعكاس ميرور فيها...
ميرور:سارة مكايناش مشات تدي رسالة لملكة القمر
سوورد:وايلي؟ و ماقالت ليا والو!
ميرور:راه جاو داوها دغيا كانت بغات تمشي تدوي معاك على هاد الموضوع
سوورد:و علاش مشات و اشمن رسالة؟؟
ميرور عاودات ليه كلشي...
سوورد:ولكن ملكة القمر عدوانية و ميمكنش تقبل هاد الرسالة!!
ميرور:عندك الحق ولكن سارة مكان عندها حتاشي حل اخور فرحة و حماس الملكة ساني خلاتها تدير هادشي
سوورد:واااش هاديك حمقة اكيييد غتكوون تحطااات فالخطر داباااا!!!
ميرور:خصنا نمشيو نتبعوها عندي احساس خايب من جيهتها
سوورد خرج من الغرفة بالزربة و ميرور تابعاه تطفو فوق الهواء حتى خرجو من القصر...
سوورد:فين كاين اسطبل الأحصنة؟؟
ميرور:من هاد الجهة تبعني
مشا تيجري تابعها و بلا مقدمات جر واحد الحصان و ركب عليه و دفعو غادي بأقصى سرعة و بالو غير مع ديك الموصيبة حيت ملكة القمر شخص صعيب التعامل معاه زائد تصرفاتها هي صافي كملات الباهية..بقا غاديي فوق الحصان و ميرور مواكبة سرعتو فنفس الوقت كانت سارة تتجري فالظلام كلها عرقانة و صوت احصنة الحراس قريب منها تابعينها يشدوها ضارت موراها تتلتاقط انفاسها بزز و روحها تطلع و تنزل بانو ليها قراب و بدات تاني تتجري ماشي وقت التوقف دابا خصها تبعد خصها تلقا باب بلدة الشمس قبل ماتصدق مييتة فهاد البلدة..بقات تتجري حتى دخلات مع واحد المنطقة خرى خالية من الديور كان فيها نهر دايز بالما و فوقو واحد الجسر تيربط الضفات بجوج مشات تتجري تسلك داك الجسر و غير حطات فيه رجليها بدات الدنيا كلها تتبرق و تلمع قدام عينيها.....