💜ONLY YOU💜 (Complete)

SEVEN

Vawiin ah Giheung-gu lam chu kan pan tawh dawn a. Jimin kha nizan khan ka hrilh a, diktak chuan kal hun an rawn ti hma a. Nilo se chu naktuk zawkah nia ka kal theih ang ni.

Jungkook chu a la mu a, kei ka in siam mawlh mawlh. Kawr tlem a zawng ka keng ve nual a. Inneih lawmpui nana ka thil lei pawh ka khung tawh bawk. Ka phur tawh khawp mai

Ka in peih fel hnu chuan darthlalang ka in en vang vang a...

Dawtah Jungkook bulah chuan ka kal a, a la mutui suk suk ngei mai.

"Min lo nghak la, i thu hriat chak deuh hrilh tur che in ka rawn kir leh ang" ka tia, a hmai ah ka fawp zeuh a.

Ka nui ver ver. Ka hlim takzet tunah hian

Nizan khan ka hrechhuak Jungkook hi ka duh takzet tih. Hrilh nghal mai te pawh kha ka duh rum rum a mahse ka ti ta lo. Plan dang tha zawk ka nei tlat, ka haw hunah ka hrilh ngei ang.

"Lo in en enkawl tha rawh aw" ka tia, ka bag la in ka chhuah san a.

Jimin chiah in a hria a, min  thlah kher bawk.  Thiantha nih hi chu a tlin a nia aw

Airport ah chuan ka kal a, Hyung te pawh an lo awm tawh. Naupang ber ka ni bawk a, min ngaichang ve thei nia. Nuam ve thin

Mahse Jungkook ka ngai tawp. Ka over reuh ka in ti, ka duh tih ka pawm tak vang maiin hetiang hian ka awm vel a nia.

Kan kim hnu chuan kan thlawk chhuak ta a, thlawhna a kal kan ni bawk a, ka thleng hma ngawt ang. Kan chuan chhung zawng chuan Jungkook hlir ka ngaihtuah, a tho tawh ngem, min hmu dawn si lo a engtin nge a awm ang tih vel  hlir ka rilru ah awm
Ka nui leh suk suk zel a.

********

Jk p.o.v

Ka thinrim takzet engmah min hrilh lo in a kal a maw. Huh ka awih lo hial zawk, min ngaih pawimawh loh zia ka hre ta chiah e.

Min duh ve pawh ka ring lo leh rum rum. Mahse Eunhi kha chu thik chiang lawm, ka thiklo ti tak mahse a thik tih ka chiang. Nizan khan min duh thu min hrilh ka ring a sin mahse ka duh bawk lo che ti in min chhang kha nia. Tunah hei min zin san leh daih a, thinrim viau e ti lo chuan ka ngai viau thung lawi si...

Jimin pawh ka be tha peih lo. Ka pehhel hmak hmak a, vawiin pawn tukin zing tih lohah kha chuan ka be tawh lo hrim hrim.

"Jungkook hetiang hian min awm khum lo teh." Room a rawn lut pah chuan a ti a

"Kookie mim chhang ve la, sualthiam viau lo teh. Enge keite chi a thiantha ber ka nia min hrilh ni mai lawm"

"Chhuak teh ka be peih lo che" ka ti hmak

"Kookie sual suh, tihian awm tawh lo la. Min pui zawk teh immm"

"Kal mai teh"

"Min biak that hma chu ka tibuai char char dawn che, i room ah hian ka awm ve tlat dawn"
A ti leh bar bar a

"Ka kal chhuak mai ang" ka ti hmak a, ka tho chu ka hnung ah rawn pakai nalh a. A zang ve angreng sia maw.

"Chhuk rawh" ka ti hrawih a

"Kookie kookie... Ka chhuk dawn lo min biak that hun hun ah ka chhuk ang"

Nileng deuh thaw in Jimin in min tibuai a. A bulah hi chuan thinrim rei tak tak theih ni hek lo

"Chuan min tihbuai nachhan chu Suga Hyung in min thik vang maw ni a"
Jimin khumah chuan kan thu dun mai mai a

"Immm nimin atang khan kan la inbe miah lo"