💜ONLY YOU💜 (Complete)

EIGHT

Tae p.o.v

Jungkook ka hmuh leh dawn vanga phur leh hlim em em in kan dorm ka lut a. Hyung ten min hmuh chuan an lawm ve khawp mai, ka chauh leh chauh loh te min zawt a. Tha deuh chuan ka chhang ve mai

Mahse khawnge ka hmuh duh ber hi a awm le. Ka zawng ru reng a, mahse ka hmu miah lo
Ka haw dawn tih chu a hriat ka ring tho bawk sia..

Room ah ka lut a, he room pawh hi ka ngai tawh takzet a ni... Jungkook ka hmuh loh vang chuan ka hnual deuh a mahse min surprise a tum niang tiin ka ngaihtuah a.

Ka inbual vat a, ka mu hahdam vang vang

Jimin a rawn lut a

"Hey Taehyung ka ngai rap che mawle" a rawn tia

"Keipawn ka ngai che lawm" ka ti ve a

"I hmang nuam viau tih ka hria nia aw, Jungkook pawh i rawn be hman lo a nia" a ti a

"Hyung te an fel a, nuam ve lutuk e. Mahse ka ngai lutuk tho che u, in tello chuan nuam mahse a nuam famkim zo lo"

"Tawngkam te hi thiam sia maw"

"Chuan Jungkook chu khawnge a kal a, ka lo haw dawn tih a hrelo a mi"

"Ka hrelo Tae, i chanchin min zawt ngai lo. Be rawh ka tih che khan biak ve mai tur che nia, amah ngai pawimawh lo angah a ngai che ka tih mawlh mawlh kha" a ti a

Nia Jungkook chu ka lakah a lungawi lo tih ka hria. Ka zin chhung khan vawikhat mah min rawn be lo reng bawk a. Keipawn ka be lo, ka biak chuan ka duh ai  hma in ka inpuang ang tih ka hlau a. Min be chuang lo tiin ka be lo ve tawp kha nia. Mahse ka tisual a nih hmel, a lo haw hun hun ah biak a ngai ni mai

Zan a ni tawh a, a lo la haw lo. Tuman a kalna kan hre silo, ka mangang tawh takzet a ni.

Zankhua in a rawn haw lo, nghah chhuah loh ka hlauh vangin ka meng lui ve char char a mahse ka chau ve deuh nge ni ka lo muhil daih chu ni in.

Ka thawh in ka zawng nghal a, mahse a lo la haw chuang lo. Call a chhang theilo kan vaiin kan buai tawh

Khawnge maw a awm le

Jimin chu dawr ah ka kal pui lawk a. Kan let leh chuan Jungkook chu ka hmu a, ka lawm takzet a ni. Min hnungchhawn zawngin thu mahse ka hai theilo hrim hrim

Jimin thusawi vang chuan a rawn hawi a, ka lo en ve kalh. Min hmu chu
a lawm hmel chuang miah lo, engtin mah pawh min be lo

Ka hnenah sawi tur a neih loh thu sawiin a kal sawn hmak a. Mak ka ti takzet a ni

Chuan kha tah tak khan ni, ka thuthluk na ka lo kalpui tak vanga ka inchhir na chu.

Ka laka a thinrim zia ka hmu vek, engtin nge ka tih tak ang pawh ka hrelo.

Room ah chuan ka  chho hnak hnak a. Jungkook pawh a lo awm ngei, ka luh pawh chuan a thil tih lai a thulh hauh lo a. Min hre awm ang pawn a awm lo. Hetiang hian ka Jungkook hi ka bulah a awm ngai lo sin, min ngaihtuah em em tu kha ni sia.

Khumah chuan ka thu thla a

"Umm Jungkook...." Ka ti ringawt, sawi tur ka hre miah lo nih chu

Min chhang lo in a thil tih lai a chhunzawm hmiah hmiah.

"Ka tihpalh"  ka ti ngawt pek a

"Jungkook khawngaih in hetiang hian min awmkhum suh. Ka tihpalh engmah ka hrilh loh vang che leh ka biak loh che vang khan. Diktak chuan thil hrilh tur che ka nei a, ka lo haw hun a hrilh che ka tum vang a nia....."

"A tawk engmah ka ngaithla peih lo. I duh duh danin awm rawh min ti buai suh" min tih khum hmak a, a chhuak nghal daih

Engtin nge kha tia min awm khum ten ka duh zia che hi ka hrilh tak ang che. Ka ngai che sin Kook, tinge ka mawl em em le. Ka tum pawh ni miah lo in ka Jungkook chu ka inhlat tir chu ni mai si a. Mimawl tak ka nih hi