بارت 18
قائد.. خربت حيلتمون😑 جنت ناوي اشيلج واشرد بيج اريد اطفي ناري😉
ودق.. هههه ولا تبطل من سوالفك دروح سلم عله اهلك تلحك عليه محطير
راح وسلم عليهم وجانو فرحانين بيه لان كام يمشي عله رجليه وشلون اتعالج انوب باوعلي كدامهم وكال
قائد.. صدوك ودق شكد خابرتج ردت ليش ماكو مو انطيتج موبايل ووصيت ايمن يعلمج
ودق.. دنكت وما حجيت شــّـّ❓ـّـّي 😔
حميد.. اني اخذت الموبايل من عدها شنو تالي عمرنا نسوانه بيدهن موبايل شنو كواويد احنه ونخلي ابيد نسوانه موبايلات 12
قائد.. حميد شدتحجي انته انـّ ℳέ ـّيٌ اللي انطيتها الها وبعدين عقليتك هاي طبقها عله عائلتك معليك بمرتي
حميد.. هاي مو مرتك هاي خدامه هنا فصليه ومدام كمت عله حيلك يعني متحتاجها بعد اليوم اجيب الشيخ واطلكها
قائد.. وانته شعليك بيه اريد اطلكها ابقيها هذا شي راجعلي ميهمك انته
حميد.. لا والله وابن الشيخ اسماعيل يتزوجله خدامه
قائد.. ودق مو خدامه ودق مرتي والزم حدودك لا وعلي اتصرف غير تصرف +
حميد.. وعلي التحلف بيه اذا مطلكها لا اني اخوك ولا اعرفك واتبره منك ليوم الدين
قائد.. والله تريد تتبره متتبره خويه براحتك اني مرتي اريدها وما اعوفها والبيدكم سووه اني العليه بلغت
جريت ايد ودق وصعدت فوك كعدت وكلت استغفر الله ربي ميخلصني من هلعشاير وهلتقاليد والعقليات الزفت الدنيا وين توصل واحنه بعدنه نفكر بالفصليه وانكول ليش الله ميرحمنا اذا احنه بشر وننهش ببعض شلون تنزل رحمته
باوعتلها وهيه خايفه وواكفه كتلها شبيج تعالي يمي ركضتلي مثل الطفل الدموع بعيونه ويستنجد بابوه حطت راسها بصدري وبقت تشهك وتكولي
ودق.. لتعوفني الله عليك لتعوفني والله ما الي غيرك بهلدنيا بعدك اضيع وتنهش بلحمي الكلاب
قائد.. شحده اللي يمس منج شعرايه والله لاحرك ديرته عليه لتخافين والله ما اعوفج يله تعالي نرتاح ابتعدت وكالت
ودق.. بس لحضه اجيب ملابسي ابدل لان هدومي كولهن ريحة طبخ
قائد.. عقدت حاجبي وكتلها ليش ملابسج وين وتجيبيهن
ودق.. بغرفة الحجيه
قائد.. وشيسون بغرفة الحجيه
ودق.. دنكت وما حجيت بس ادموعي اتحاجيه
قائد.. لا تبجين وحاجيني اهدومج شتسوي بغرفة امي
ودق.. مو من رحت قفلو هذي الغرفه وكالو انتي خدامته مو مرته علمود تنامين بغرفته ونزلوني يم امك انام يمها
قائد.. خليت ايديه عله راسي وكلت لا اله الا الله بعصبيه يعني شسويلهم ذوله مو طلعت روحي وكمت شايطه روحي دفرت الباب عله حميد هوه كمز لان جان كاعد هوه وعائلته واجاني مشتاط يصيح
حميد.. ولك شلون تتجرٲ تدفر باب غرفتي عليه
قائد.. مثل متجرٲت اطلع مرتي من غرفتها باي حق تسوي هيج ومنو سمحلك تتعامل ويه مرتي بهشكل
حميد.. ولك تتعارك وياي علمودها اتلاوه وياي وتعاركنا اني وياه وكال اليوم اتطلقها
قائد.. والله اتبره منك ومن هلزبل اللي تسموها عشاير وما اتبره منها
صعدت اخذت ودق ولميت غراضنه وطلعت اخذتها لبيت خالي الجبير خليت ودق يمهم وكتله خالي ﮨـbⓐṣـس يومين عله ما الكه بيت ونطلع اني وياها كال هلا ومرحبا بيكم خالي البيت بيتكم
ودق.. بعد ما اتعارك قائد وحميد اخذني قائد من البيت ركبنا السياره واني احسه مثل الاسد الهايج النار تطلع من عيونه خفت حته انطق بحرف
يتبع...
