بارت 27
اني سمعت هيج صرخت وركضتله وواضرب بيه حميد شدتحجي قائد مابي شي حميد فدوه احجي ..احاجيه واني اجر بيه من اهدومه وهوه يصرخ لك حميد حاجيني قائد شبيه والله ممات لا مستحييييييييل امه تصرخ وهوه يصرخ التمو الدنيا علينه انـّ ℳέ ـّيٌ متحملت بسرعه وكعت
اخذوني للمستشفي جان مخليلي مغذي فتحت عيوني بس ما اكدر اتحرك منطيني مهدء بقت بس دموعي تنزل من عيوني واني نايمه بالسرير واعاتب بربي رَبّـ❤ـيٌ ليش استكثرت عليه فرحتي بيه متريدني ارتاح كل العشته وياه شهر اشفت منه
ليش هيج ممكتوبلي اعيش بفرح ليش رَبّـ❤ـيٌ رجعت يتمتني شسويت شنو ذنبي تحرمني من حبيبي شنو ذنب اللي ابطني ينولد يتيم ليش دا ابجي واعاتب بربي شفت ابويه اجه كال يله صيري قويه الصار صار والله يرحمه شهيد واللي ابطنج ابن شهيد
كومني واخذني للفاتحه ابيت حميد دخلت كاعده النسوان كلها تصرخ رحت الغرفته القديمه نمت عله الفراش كرفصت حالي وجريت الشرشف واشتم بيه لك وين رحت مو كتلي ما اعوفج قائد ليش هيج تسوي بيه كتلك مالي احد غيرك كتلك لتروووووح لتروووح عاندت اله تروح وين انطي وجهي وييييييييين ومنو يتحملني اني وابنك مافكرت شلون نعيش بعدك ما كلت هذا ابني خطيه شنو ذنبه ايتمه وهوه ابطن امه
اوووووف يمه يا نار كلبي شيطفيها اووووف وجعك شلون انساه فركاك شلون اتحمله شلوووووووووون اعيش بدنيه وانته ما بيها بقيت ابجي واصرخ بالغرفه
دخلت فوزيه كالت ميصير تسوين هيج بنفسج راح شهيد اجره يم الله شكبره اترحميله اجو نسوان اخذوني وكالو لازم تكعدين ويانه ابنص العزا انتي مرت الشهيد ولازم تحضرين العزاء هذا ابن الشيخ اسماعيل وانتي مرته ارفعي راسج وافتخري رجلج ضحه بدمه للوطن
رحت كعدت وياهن كولشي ما افتهم بس يصرخن ويعيطن ويجن يصرخن كدامي واني ابقه بس ابجي ما اعرف حته شلون الطم وياهن اخر شي كرفصت نفسي وبقيت ابجي
اسمع النسوان يحجن يكولن ياعيني طفله وترملت لا وانوب حامل بيتيم اوووووف يمه ابني بعده ما اجه وصاحوه يتيم بقيت ابجي بحركه خلص العزاء حميد كال
حميد.. بعد مترحين لبيتج تبقين هنا ودق
ودق.. لا ما اتحمل حميد فدوه خليني ارجع لبيتي
الحجيه.. لا يمه حميد لازم تلزم عده ميصير تشوفها انته وولدك حرام تروح لبيتها استرلها واني اكعد وياها
حميد.. براحتكم بس يمه شنو تحتاجون خابروني الله عليكم واني امرلكم كل يوم اشوفكم شتردون وديري بالج عليها خطيه يمه حامل والبطنها ابن اخوي خلي يجي وتتكحل عيوني بلكت اشوف بيه وجه ابوه
ودق.. رحت للبيت بس ياريت ما رحت وين ما اباوع اشوفه واكف كبالي بالمطبخ بالصاله بالغرفه علمغسله بالحمام وين ما اروح هوه كبالي واتذكر كل لحضه اني وياه عشناها بحب
واصرخ رَبّـ❤ـيٌ موتني ولا تخليني بهلوضع والله الموت اهون عليه من فراكه كل ساعه كل ليله تمر مثل النار عله كلبي صوته بالبيت يرن بضحكته وبصوته الخشن
كمت طلعت صور عرسنا واباوعله شلون فرحان ودموعي بللن الصوره ليش هيج قائد مو وعدتني ما تتركني مو كتلي ما اعوفج موكتلي شحده اللي ينزل دمعج ودموعي كلها منك ارجعلي مو والله موتني غيابك
مرت 5 شهور عله وفاة قائد وخلصت العده ووصلت لنهاية شهري بالحمل كعدت الصبح بديت اتوجع صبرت صبرت لحد ما كلت للحجيه يمه بعد ما اتحمل الوجع كتلني
كالت يله هسه اخابر حميد يجي ياخذنا خابرناه واجه هوه وفوزيه اخذوني للمستشفى فحصتني الدكتوره كالتلي عندج ولاده اتوجهي لصالة الولاده…
رحت لصاله الولاده والدموع بعيني اتمنيت لو هوه ويايه بهذا اليوم المن جايبه الطفل لهدنيا للضيم لحته ينظلم مثل ما انضلمت اني
بعد ما عانيت ومتت من الم الولاده صار الطفل شفت ودموعي تارسات عيوني سميته جهاد مثل مراده قائد اخذوه حميد وامه بقو يبجون عليه رجعت لبيتي وحميد متكفل كل مصاريف الطفل 7
كلما اباوع بوجه جهاد اتذكر وجه قائد وابجي خلصت الاربعين مال الطفل دخلت جهاد للحمام سبحته وعطرته ونومته جانت دنيا الليل وكعدت كبال سريره وابجي واحجيله عله ابوه
ما احس الا ايد لزمتني من وره درت وجهي انصدمت وخليت ايدي عله حلكي وصرخت
لحضه نرجع الزمن ليوره لحته نعرف لما اتشاهد قائد شصار 🎥💿
قائد.. بعد ما اتشاهدت وخله السلاح براسي فجٲه الاسلكي وجه نداء بٲن يجيبون كل اللي اخذوهم رهائن اني استغليت اللحضه اللي يحجي بيها بحركه سريعه دخلت جوه رجليه انطيته رجل وكعت بالكاع جريت سلاحه وضربته
بما انو اني مدرب كراتيه فجسمي متمرن علملاوات اعرف شلون اتلاوه ويه خصمي واكسره
يتبع...
