بارت 19
اخذني ودخلني لبيت خاله جان وحده بالبيت مرته وعياله مموجودين كال تفضلو البيت بيتكم فرغلنا غرفه دخلنا نمنا اني وياها من التعب محسينا عله شي ونمنا حته بدون كلام بس حضني و ما نطق ولا حرف
كعدت من النوم لكيت خاله واكف بالمطبخ حاير شلون يكصص الطماطه كتله عنك عمو اني اسويها كال الله يرضه عليج بنيتي وكفت دا اكصص الطماطه واسوي مخلمة لحم عشا اله ولقائد
فجٲه شفت اللي كل عمري ممتخيله اشوف هلشي بحياتي شفت امي االي عافتني كل هلسنين ومسٲلت عليه امي اللي ما فد يوم حن كلبها عليه 7
باوعتلي وسلمت عليه ومتعرفت عليه ابد ولا حسها كلبها اني بنتها من لحمهم ودمها اني اللي فد يوم جنت جنين بداخلها
اباوعلها ودموعي بعيني معقوله بعد كل هلسنين ما انسه وجها شلون دفعتني وطلعت بكل انانيه ولا حته فكرت بيه
الافكار كامت تتراطم بمخي الى ان دخت ووكعت وما حسيت عله شــّـّ❓ـّـّي صحيت بحضن قائد وهوه يبلل بوجهي ويضرب عله خدي
قائد.. اجت مرت خالي سلمت عليها ودخلت بنت خالي عبير اللي جنت حاجي عليها اريد اخطبها قبل الحادث ﮨـbⓐṣـس نسيت الفكره تماما لما صار الحادث وخالي هم كيف علسالفه عباله تعوقت وبند كولشي
من كلت لمرت خالي ولعبير هذي مرتي تخبلن وكامن يباوعلها من فوك ليجوه وودق هم تباوع عله مرت خالي جنها تعرفه بس وجها ميفسر خير هاي شبيها ما احسها الا وكعت تخبلت وركضتلها كبل خليتها بحضني واصحي بيها
هناء.. ما اعرف شصار بيه من وكعت مرت قائد احس وجها مو غريب عليه بس ما اعرفها اوووي شعرفني بيها اني جنت راح اخلص من عبير وازوجها لقائد طلعتلي هلفكر بوجهي بلله هذا شوكت تزوجها والله الا اكلب الدنيا عليهم واخليه يرجع لعبير ياخذها ويخلصني
عبير.. لا وتسوي افلام بعد هاي اللي باعني علمودها بسيطه قائد خل اشوفك شلون تتهني وياها
ودق.. صحيت بحضن قائد ضميت راسي بصدره وبقيت ابجين شالني ووداني للغرفه بقيت اشهك بجي وهوه بس يهدي بيه
قائد.. يروحي انتي يعمري والله يخسي اللي يمس شعرايه منج ابيع الدنيا كلها ولا اشوف دمعة عيونج بس كوليلي شبيج خايفه
ودق.. شنو ذنبي السويته الي اب وام عايشين واني وعايشه مثل اليتيمه بالدنيا ليش هيج حظي تعبت قائد والله تعبت
قائد.. حبيبي تهتمين الاهل واني موجود لج اني ابوج اني امج اني اختج اني اخوج شتريدين اني اصيرلج بس ما اسمحلج بيوم تضعفين لان انتي مو وحدج انتي مرتي وحبيبتي وكل دنياتي
ودق.. هديت من حجه هيج ويايه وهوه كامشني بين اديه بحضنه مثل الطفل خدرت ونمت عله صدره
قائد.. هدت شوي وكمت امسدلها بشعرها مثل الطفل عله صدري لحته تنام حسيتها ثكلت نومتها عل المخده بوستها بجبينها وشميت شعرها وكمت من يمها حيل يقهرني ضعفها
طلعت من الغرفه لكيتهم مسوين عشا كعدت اكلت انوب طلعت رحت لصاحبي دلال مال بيوت وصيته عله بيت صغير عله كدنا انـّ ℳέ ـّيٌ وياها كال انشالله باجر مرلي ويصير خير
رحت اتمشيت بسيارتي صارلي كومه مماشي ببغداد من اتعوقت لليوم انوب اتذكرت ودق كلت لا خل ارجعلها خطيه
🌺🌺🌺
ودق.. اوخ اوخ اوخ يمه انجعصت 😣 دوخر شثكلك
قائد.. عابت دصيري مثل المسلسلات التركيه واصفني بعيوني انوب نتباوس شبيج
ودق.. خب دكوووووم اكله انجعصت يكلي رومانسيه دفعته حيل وردت اكو وزحلكني للكاع وقيدني بثنين اديه
قائد.. ما اعوفج الا تنطيني بوسة الصبح 😗
ودق.. قائد اااخ والله جعصتنيييييييي عوفنيييي😠
قائد.. تؤ تؤ ماكو اشو اشو اشو واجر بوجها وهيه تبعد وجها وادفع بيه وبستها بقوه وغصب حييييل من شفافها وهيه تضحك الفطيره فتحت اديه وكتلها يله كومي جعت 😜
ودق.. ما ما ما ما اكوم انته تسويلي ريوك
قائد.. خب دكومي لا ادفرج اشو ادللتي زايد كومي😠
ودق.. ما اكووووم ووادفع خشمه باصبعي 😌
يتبع......
