Unicode
ကား၀န်းထဲထိ အမေနဲ့သီရိမကိုလိုက်ပို့ပေးရသည်။
အမေနဲ့တစ်ခါမှ မခွဲဖူးလို့လားမသိဘူး စိတ်ထဲ ၀မ်းနည်းသလိုကြီး။ဖြစ်နိုင်ရင် မသွားနဲ့တော့ဆိုပြီး
အထုပ်ဆွဲပြီး အိမ်သာပြန်ခေါ်လာချင်တယ်။သူတို့ညီအမချင်းလည်း
မတွေ့တာကြာပြီဆိုလို့သာ တကယ်မခွဲချင်ဘူး။
"ဟဲ့ဒီရေ နင့်မျက်ကြီးက ဘာဖြစ်လို့ ရှုံ့မဲ့နေတာလည်း"
နားရင်းသာပြေးအုပ်ချင်တယ် သီရိမကို ဒီမှာ ၀မ်းနည်းနေပါတယ်ဆိုမှ ရန်လာစပြန်ပြီ။
"နင့်အပူလား"
ငါ့အပူပေါ့ ငါ့မောင်လေးရယ် ။နင့်ဘ၀ကြီးတစ်ခုလုံးကို
အကိုသေးသေးလေးလက်ထဲကို ငါထည့်ခဲ့တာပဲဟာ။
ငါ့မောင်လေး လင်ကောင်းသားကောင်းရစေချင်တဲ့
ဒီအမရဲ့ စေတနာပါ။
"သား ဒီရေ အိမ်မှာပဲနေနော် ဘယ်မှလျှောက်မသွားနဲ့
အရက်ဝိုင်းကော ဖဲဝိုင်းကော ပြဿနာဖြစ်ရင် အမေလည်း ဒီမှာရှိတာမဟုတ်တော့ လိုက်ရှင်းပေးနိုင်မှာမဟုတ်ဘူး။လိမ်လိမ်မာမာနေ
စိတ်ပူရအောင် မလုပ်နဲ့ ကြားလား"
"ကြားပါတယ် အမေရယ် အမေမှာနေတာ ဘယ်နှစ်ခေါက်မှန်းတောင် မသိတော့ဘူး သား
နားတွေလည်းလျှံကျကုန်ပြီ"
"ဒေါ်လေး အကိုအာကာစကားကိုလည်း နားထောင်ဖို့
မှာခဲ့အုံးလေ ဟိုက အဖော်လာနေပေးမှာ ပြီးတော့
အကြီးလေ ဒီရေအကြောင်းက ဒေါ်လေးလည်း သိရဲ့နဲ့"
ဝိုင်းလှော်နေတဲ့ သီရိမကို အဝေးကြီးရောက်သွားအောင်သာ ကန်ထုတ်လိုက်ချင်ပြီ။ကားမြန်မြန်ထွက်ပါတော့။
"အာကာကိုလည်း ရိုရိုသေေသနဲ့ကောင်းကောင်းမွန်မွန်ဆက်ဆံနော်
ဟိုကလေးက ဘာမှ မဟုတ်တာလုပ်တာမရှိဘူး
နင်ပဲ ဖျက်လိုဖျက်ဆီးသွားသွားလုပ်နေတာ"
အမေရေ အမေမှားနေပြီ။အမေ့သားကို ဖျက်ဆီးသွားတာ အဲ့အကောင်အမေရဲ့။ဘုရားမှတ်လို့ရှိခိုး ကိုးကွယ်
ဖွတ်ထွက်မှ တောင်ပို့မှန်းသိဆိုသလို အဲ့အကောင်က
ဖွတ်မှ ဖွတ်။ဖွတ်တောင် ရိုးရိုးဖွတ်မဟုတ်ဘူး ဖွတ်မုဒိမ်းကြီး။
YOU ARE READING
မောင်အရိုင်း ပန်း(ေမာင္ အရိုင္းပန္း)
Romanceအရိုင်းတုံးလေးနှယ် ခက်ပါဘိ။ အရိုင္းတံုးေလးႏွယ္ ခက္ပါဘိ။
