Isang malakas na putok ang pinakawalan ni Wart na tumama sa binti ni Alberto. Natakot bigla si Suez at tumakbo na palabas ngunit bigla itong nanigas nang paputukan siya ni Rini. Walang awang hinigit ni AIOE 25 ang mahabang buhok ni Suez kaya napatili ang dalaga.
“I’m sorry. I can’t feel your pain. I have no feelings.” Kasabay ng pagbigkas ni AIOE 25 sa mga kataga ay iniuntog niya ang ulo ni Suez sa hologram table.
Gulat na gulat sina Wart at Rini sa ginagawa ni AIOE 25 kaya mabilis na pinigilan ito ni Rini nang makitang duguan na ang mukha ni Suez.
“You made Felis suffer a lot. You deserve it.” Kahit na walang emosyong kasama sa boses ni AIOE 25 ay ramdam pa rin ni Rini ang galit nito.
Nang makabawi si Wart sa nangyari ay agad niyang pinakawalan si Elliot. Mabilis na lumakad si Elliot sa human capsule.
Inis niyang tiningnan si Alberto. “Nasaan si Felis?” Tumawa lang ito kaya mas lalong nainis si Elliot at kinuwelyuhan si Alberto. “Sagot!”
“Wala na kayong madadatnan sa kuwartong iyon. Huli na kayo,” pilit na saad ni Suez kaya agad na napalingon si Elliot sa kaniya. “That’s just a recording. They will tranfer him to Reborn Laboratory. Doon siya ipi-preserve.”
Dahil sa narinig ay mabilis na tumakbo si Elliot palabas at hindi ininda ang kumikirot niyang puso kaya napasunod ang tatlo sa kaniya. Hindi na nila pinansin ang malakas na sigaw ni Alberto. Ang nasa isip lang ni Elliot ay ang makita si Felis.
“Reborn Laboratory?” sambit ni AIOE 25.
Sumagot si Wart at ikinasa ang baril kahit na nahihirapan dahil sa mga daliri niya. “Isang laboratoryong nagpi-preserve ng kahit ano, mapatao man o hayop pero mas kilala sila bilang isang laboratoryong nagpi-preserve ng mga utak ng tao.”
Sabay-sabay silang napamura nang unti-unting sumara ang dadaanan nila. Wala na silang madadaanan kaya napamura si Elliot at galit na sinipa ang metal na nakaharang.
“Emore,” tawag ni AIOE 25 kaya kinunutan siya ng noo ni Elliot. “Bakit gusto mong makita si Felis?”
“Tinatanong pa ba ’yan?” giit ni Elliot habang pinapalo ang nakaharang.
Lumapit si AIOE 25 sa metal na nakaharang at hinawakan ito. “Wala ka nang karapatan sa kaniya.”
“Ano?”
Nakikinig lang ang dalawa sa pag-uusap nina Elliot at AIOE 25.
“Kapag nalaman ni Felis na ikaw ang dahilan ng lahat, mapapatawad ka ba niya?”
Nanigas si Elliot sa puwesto niya at hindi alam kung ano ang sasabihin.
“Marami siyang pinagdaanang hindi niya akalaing pagdadaanan niya. Gusto mo siyang protektahan pero kabaliktaran ang iginawad mo sa kaniya.”
Hindi nakapagsalita si Elliot at napayuko na lang. Alam naman niyang siya ang dahilan ng lahat ngunit hindi niya rin ginusto ang nangyayari.
“Ano ang ibig mong sabihin?”
Seryosong nakipagtitigan si AIOE 25. “Ipaubaya mo siya sa akin.”
Sarkastikong tumawa nang mahina si Elliot habang umuubo at namimilipit sa sakit ng puso niya. “Ayoko. Lahat ng galit ni Felis ay tatanggapin ko. Kahit patayin pa niya ako ay hinding-hindi ko siya bibitiwan, lalong-lalo na sa isang hamak na robot na kamukha ko lang.”
The robot smiled, then he crouched down. He pushed one tile and suddenly, the metal wall opened. “Ibang klase kang magmahal, Emore. Sana maabutan pa natin sila.”
Isang batok ang natanggap ni AIOE 25 mula kay Wart ngunit si Wart ang napangiwi sa sakit. “Pinaghintay mo pa kami, Second. Akala ko, hindi na tayo makakalabas.”
YOU ARE READING
Neutral Zone: AIOE 25✓
Science Fiction(SOON TO BE SELF-PUBLISHED UNDER IMMAC PPH!) (Pre-orders are now open!) WARNING! This story may contain VIOLENCE, MATURE CONTENTS, and GORE. If you're UNCOMFORTABLE about it, PLEASE don't read this. Felis Jhansen, the son of the biochemist couple, i...
