#عشيقتي -بالقمار 🎲 🎰

الحلقة {16}

#عشيقتي_بالقمار 🔥🔥🔥
#بقلم_نورااا🌹🌹🌹🌹

طلع فلطونوبيل نتاعه وعمل لرجاله اشارة بيده باش يتحركو ... حط يده على لفولون وجبد لفلاشة شاف فيها ورجع تنهد ودخلها في جيبه ... كان راح يطلع راسه وقت نتبه عليها واقفة لفوق تشوف جيهة خوها ... بقى يشوف فيها كيفاه شاردة  .. تذكر كلام صغير هذاك بلاما يحس لقى روحه يتبسم ... حرك طونوبيل نتاعه وخرج حتى هو من بلاصة هذيك ... كانت نقطة هذيك ولحظة هذيك آخر نقطة شافها فيها ... المفروض ماعاد يربطه بيها شي ولاعاد يشوف وجها مرة ثانية ... تحرك اسد في طريقة وبقات هي وراه ... فلحي هذاك .. وشط زقاق ضيق ... لي عاشت وكبرت فيه ... وسط مسؤولية كبيرة وحمل جديد على كتافها ... لحياة وقت تضرب ضربتها تخليك تخسر كل شي ... ووقت القدر يحطنا في مواقف هاك يخلينا مجبورين انو نرضو بشي هذا بلا حتى مانهربو منه ... 
تعدى اسبوع من الحادثة هذيك ... بيلسان كانت تحاول ترجع نفسها ... تحاول تنسى كل شي صرا وتكمل حياتها فلنقطة لي حبست فيها ... تنسى ليلة هذيك وتنسى اسد هذا لي دخل حياتها في لحظة ضعفها وعجزها ...
#نورااا
#بيلسان تحكي ...
نضت ليوم على غير لعادة نحس في روحي ناشطة ... عندي اسبوع وانا مسكرة باب لغرفة على روحي مظلمتها وقاعدة نحت لغطا... مرت بابا كل يوم تعيط وتشغنن وانت مطفيتها اصلا ماعينيش نحكي ... خلي المصيبة لي راني فيها من وراها هي وولدها ... مانعرف علاه حاسة روحي تسرعت وقت عملت هكاك .. اصلا كيفاه عملت هاكك دوك وين ستوعبت غلطتي ... اسبوع وانا في هذا صراع لي بين عقلي وقلبي .... ووقت مانلقاش حل نوض للحمام نحل لما ونبقى تحته نفرك في جسمي حابة نرجع بيلسان نتاع قبل ... اما على قد ماحاولت شي انا خسرت وهذي لحاجة لي متاكدة منها ... 
نهار ليوم لحال مشمس فيه ... وحاسة بطاقة ايجابية ... لخريف والوانه اكثر شي نحبهم كيفاه مانخرجش نمشي فيه ... ليوم قررت انو خلاص ننسى لي صرا ونكمل حياتي بلا ضغط ... دخلت غسلت وجهي وسنيا ... ومشيت لبست احسن شي عندي ناوية نرجع نخدم فلكافيتيريا نتاع قبل ... هذا اذا قبل صاحبها يرجعني ... عندي اسبوع وانا مبطلة نشالله ماتتسكرش في وجهي ... شفت مع شعري مشطته وخليته نزل على كتافي وغطى رقبتي ... حطيت ماسكارا و روج في شفافي ... وهزيت صاكي وخرجت ... مشيت حطيت كاس قهوة شربته وهي رايحة جاية قدامي راح ندوخ من كثرية لي دارت بزاف ... بقيت نشرب وننفخ باش تحبس شوي وهي تقول عاملة فيها بلعاني باش تغيضني ...
_بيلسان: اففف حبسي ..
_نورية : لا وتحكي ... علاه نحبس شغل دار شكون يديره ..
_بيلسان: نخرج وديريه...
_نورية: والله تعبت وانا سمانة كاملة ننفض في بلاصتك... ايا حركي روحك ...
قلبت عينيا منها وهزيت روحي خارجة ...
_بيلسان: ماشية نخدم دوك وشغل خليه اذا تقدري وقت نرجع نعمله ماعنديش لوقت ...
نزلت للتحت حاطة يديا في جيوبي ... كنت راح نكمل طريقي وقت حبستني ملفوق تحكي ... طلعت راسي فيها نلقاها مخرجة راسها من بلكون لكوزينة ...
_بيلسان: واش ثاني ...
_نورية: ارواحي بكري قبل 6 ...
_بيلسان: علاه ثاني ...
_نورية: ولد خالتك حليمة جاي عشية مع امه باش يخطبوك ...
#نوراااا🌹🌹🌹🌹