#عشيقتي -بالقمار 🎲 🎰

الحلقة {43}

​#عشيقتي_بالقمار🔥🔥🔥
#بقلم_نورااا🌹🌹🌹
جبد روحه منها وخرج خلاها واقفة مزال تأثير الصدمة والاحساس لي قاعدة تحس بيه ... جسمها لكل يرعش ... سكرت عينيها تعاود تتخيل في كل شي صرا بينهم ... تلفتت تشوف في روحها مع لمرايا .. خدودها حمر راح يطرشقو .. شفافها يرعشو ..هي بكلها ترعش ... سكرت عينيها ورجعت حلتهم تشوف مع عقد الالماس لي حطه على رقبتها ... تعاود في جملته تالية ... كيفاه يعني   غدوة وقت تمضي وتشوف العقد هذا تتذكره واش يخطط ... بلعت ريقها ونحت روب نزلتها ... وهزت سروالها لبساته وباقي تخمم في كلامه ... ماتعرف علاه تحس في قلبها مزير ... جبدت تريكوها لبساته بلزرة وحطت لجيلي فوقها ... رجعت شافت مع لمرايا من جديد وطلعت شعرها لفوق ... ومسحت على رقبتها باقي مركزة مع عقد الالماس ... خممت تنحيه وتذكرت انو قالها هذا ببقى هنا ... حلت لباب تلقى الموظفة هذيك عند لبلب شدت عليها لباس وخرجت ... دورت عينيهت مالقاتهش ...
_بيلسان: راجل لي كان هنا شفتيه وين ...
_هيه نزل وقالي نقولك تهبطي تحت ...
هزتلها راسها ونزلت لعنده تلقاه واقف عند وين يخلصو ... قربت منه شافته هز كارت مدهالها .. لي لتم شافت فيه تبسمت ورجعت دورت عينيها في بيلسان لي وقفت قريب منه ... خزرة لرقبتها وبيلسان لاحظت شي هذا قحرتلها وطلعت لجيلي نتاعها تبلع فيها خايفة يضيع منها ويرجع يقلب دنيا عليها ...
كمل خلص وشدها من يدها خرج معاها ... حل لباب ستناها ركبت ومشى ركب حتى هو ... حرك طونوبيل ومشى ... طريق كاملة وهي ساكته تخزر لقدام وكل شوي تهبط لجيلي شوي تتفرج مع العقد وترجع تعوج فمها ... ماتعرف علاه خايفة ودوك مشي عارفة وين هازها ... شوي وحساته تقلق ورجع زاد فلفيتاس ...
دورت راسها تشوف فيه مرعوبه ... وهو يسوق ومركز مع لمرايا نتاع طونوبيل ...
_بيلسان: اسد ... واش كاين علاه تجري هاك راح نعملو حادث ... بشوي عليك ...
_اسد: هبطي راسك وسكتي ... كاين شكون يلحق فينا ...
_بيلسان: شكون راح يلحقنا ... واذا لحقنا خلي نشوفو شكون علاه تهرب ...
تلفت شاف فيها وعطاها قحرة سكتت ضربة وحدة ...
هز تليفونه وباقي يسوق بليد ثانية ...
_اسد: وين راك ... رمي كل شي من يدك وارواح للطريق رئيسي هز بيلسان كاين شكون يلحق فينا ...
_بلال: قتلك ماراحش يصرا خير
_اسد: مش وقتو لكلام هذا ... هيا ازرب ...
حط تليفون وكمل يسوق ويشوف مع طونوبيل لي ورااااه ...
بقات مهبطه راسها وتخزر للمرايا تحاول تعرف واش صاري هنا ...
_بيلسان: كنت عارفتها ... كنت عارفة ...
تحكي ومهبطه راسها ... تلفت شاف فيها يحكي ..
_اسد: واش كنتي عارفة ...
_بيلسان: كنت عارفة عقد الالماس مسروق على هذاك يلحقو فينا ...
الوضع مكانش نتاع ضحك بصح صح ضحك ولمرة هذي من قلبه ... حتى خلاها تهز راسها تشوف فيه مخلوعة ... مركزة معاه ومشي مصدقة انو صح قاعد يضحك ...
_اسد: دوك نتاع صح هذا واش جى في راسك ...