#عشيقتي -بالقمار 🎲 🎰

الحلقة {58}

بلال يحكي ..
بقيت مركز مع طريق ونسمع في صوت شهقاتها لي قاعدة تكتم فيهم ... نتاع صح انا ومشي مصدق لواه رجع عنيف هكاك ...ولا علاه عاملها بلطريقة هذيك .. ولا مرة شفته عيط على مراة ولا وصل خمم يقتل مراه .. معاملته معاها وحدها .. وفوق هذا مش فاهم علاقتهم وين راح توصل .. كل مرة نلقى روحي في وسطهم ومجبور نحل مشاكلهم ... دورت عينيا بشوي نشوف ليها لقيتها مزال حاطه راسها على شباك وتخزر بعيد ... نحس في قلبي يوجع فياا .. كأنو حاجة حتى انا توجع فياا ... حبست طونوبيل على جنب .. لقيتها مزال على نفس لحالة ...
_بلال: بيلسان .. نعرف كلامي هذا ماراح يبدل والو وممكن مشي في وقتو ... اما نتي مراة عاقلة وراشدة ..واش لزك تعملي هكاك ليلة هذيك .. ممكن فضول ... اما وثت شفتك ليلتها ماحسيتش هذيك بلاصتك ..
زادت قوات في بكاها وبقات مدورة راسها ..
_بلال: بيلسان ..
_بيلسان: كنت مجبورة ... كنت محتاجة دراهم ... ولا خويا يموت ...وهو عارف .. تلفتت جيهتي تحكي ...
_هو لي عاوني رجعت خويا ... حتى .. حتى انو عارف بلي هو اول واحد ..وعلاه جيت لتم ..  وقالي ... بنت ليل ..
نطقت لكلمة هذيك وقوات في بكاها ... مانعرف كيفاه هزيت يدي حطيتها على خدها نمسح في دموعها ... نشوف فيها كيفاه قربت حضنتني تبكي ..
_بيلسان: تعبت ... تعبت وماعادش قادرة نتحمل كثر ...
_بلال: فترة وتتعدى ..
_بيلسان: حياتي ديما هاك .. نخرج من مشكل وندخل في أعظم منه ... مانعرفش واش هي راحة البال .. وختمتها بزواجي بيه لي كان اكبر غلطة ..
_بلال:  بيلسان صدقيني هو من خوفه عليك حكى هكاك .. اصلا مش عارف روحه واش يدير ... حتى وقت حكى على لموت وخمم يقتلك .. خاطر خايف يخسرك ..
حكيت لكلام هذا من فوق قلبي .. نشوف فيها جبدت ورا تحكي ..
_بيلسان: انا مش صغيرة تضحك عليا ... من شكون يخاف عليا  .. اصلا هو اكبر مخاوفي ..هو رعب لي في حياتي ... لا يحترمني لا عاملي حساب ... كيفاه حبيتني نعطيه اعذار ... واش عشت نتا باش تحس بواش نحس ... ليوم صح حسيت روحي وحيدة وماعندي حد ... لا بو لاسند لا ام تسمعلي ... لا اخت تواسيني ... لقيت روحي وحدي قاعدة تحت شجرة نخزر للفراغ داير بيا مقهورة وموجوعة ...
شكرت عينيها وزادو نزلو دموعها ... لقيت روحي بلاما نحس جبدتها من جديد لعندي وحضنتها نمسح على شعرها ...
_بلال: انا هنا ..وماراح نخلي حد يمس شعرة منك ... انا هنا ..

دخل بطونوبيل لزقاقهم لي عايشة فيه ... وحبس قدام العمارة نتاعهم ... دورت عينيها تشوف للحي ... سكرت عينيها تتذكر وقت جات هنا معاه ... خايفة اذا مرت بوها ضيعت لفلاشة وتروح فيها ... كبست على شفافها وحلت لباب نزلت ضربتها نسمة باردة للوجه ... حضنت روحها بين يديها وقدمت خطوات للداخل ...
_بلال: بيلسان ممكن نطلع معاك ... هزتله راسها وحطت رجليها داخل لعمارة .. طلعت مع دروج حبة حية وكل خطوة تعنلها تتذكر واش فات وواش صراا .. ومع كل مشهد تحس صدرها كبس عليها .. مش فاهمة علاه واجعها قلبها عليه ولا علاه همها كلامه لي تحس كأنو غرس خنجر في صدرها ... كأنو كان هو آخر واحد تستنى فيه يحكي هكاك اما حكاه هو اولهم ... بلعت ريقها وتركزت على لحيط ..وسكرت عينيها تتفكر وقت جات تطيح .. كانت طالعة مع دروج وخايفة توضل وتقوله فلاشتك مانعرف وين ...
_بلال: تحبي نعاونك ..
_بيلسان: نحب نرتاح ... تعبت والله تعبت ...
نزلت مع لحيط وقعدت على درجة هذيك ...
_بيلسان: انا مشي بنت ليل .. انا مشي سيئة .. انا نظيفة ... هو سباب كل شي ...
_بلال: انسي .. ارمي من راسك .. لحياة ماتتوقفش عند كلمة ..
_بيلسان: مانعرفش كيفاه ننسى ... انا صعيب ننسى ..وهو ماراحش يخطينس راح يبقى كل مرة يخرج في وجهي ويفكرني بكلامه ...
حطت يدها على كرشها تحكي ..
_بيلسان: مدام هذا هنا كيفاه حبيتني ننسى ... هذاا جى نتيجة غلطتي ... وبوه هو كيفاه راح ننسى ... كاين شغلات ماتنتساش ... كيف ناس تدخل حياتك وتخرج منها وتخلي شغلات ملاح ولا مشي ملاح  وفلحالتين تبقى مجبور تتذكرهم ...
هاك حالتي معاه ... حتى العمارة هذي رجعت تذكرني بيه ... واش ندير اعطيني حل .. اذا كاين مانقولش لا ... لكلام مرات مايفيدش .. مايجيبش نتيجة .. مهما تحكي ماراح يتبدل والو ...
هز روحه قعد جنبها يخزر لقدام ...
_بلال: صح .. وكل شي حكيتيه صح .. مادامك متصارحة مع روحك في كل شي حكيتيه ... راح تلقي الحل والنور في وسط هذا الحطام كامل ... ديما وسط الانهيار هذا كامل والعبء الكبير يشع نور صغير يكون هو الحل ... والنور نتاعك هو هذا ... هز يدها وحطها على كرشها ..
_بلال: ممكن امي مالقاتش لي يحكيلها شي هذا على هذاك حطتني فلميتم وسمحت فيا ... اما نتي تقدري ماتعمليش غلطتها ... في وسط هذا كامل ورغم كل شي صرا ولي مزال يزيد يصرا هذا هو الامل نتاعم فلحياة شدي فيه وعيشي  وقاومي على جاله ...
بقات تشوف ليه وتبسمت ...
_بيلسان: ياريت جاو ناس كامل كيفك ... حطت يدها ثانية على يده لي حاطها فوق يدها .. وكبست عليها على كرشها ..
_بيلسان: ماراحش نسمح فيه مهما صرا ..
تبسم وهزلها راسه ..
_بلال: لآخر دقيقة ...
_بيلسان: لآخر نفس ..

هزت روحها وقفت وتبسمتله ...
_بيلسان: تصبح بخير ..
_بلال: ونتي من اهلو ..
تبعها بعينيه حتى تأكد انو وصلت للباب .. نزل مع دروج للتحت ... حل باب طونوبيل وركب .. حط يده على لفولون وبقى يخزر للقدام يخمم في كل شي ضرا من شوي ... سكر عينيه يتذكر في ملمس يديها على يديه .. تنهد وحرك طونوببل يحكي ..
_بلال: طفلة كيف السحر .. مانستغربش منه اذا كبش فيها وتزوجها ...
حطت يدها على لباب ودقت مرتين ... فات نص ليل يكونو راقدين .. نزلت مع لحيط وتركزت عليه .. شافت مع درجات هذوك وتبسمت تتذكر فلفلاشة وقت كلاها ميدو ... حطت يدها على كرشها ورجعت كبست على شفافها تعبو عينيها بدموع وهي تتذكر كيفاه كانت خايفة تحمل منه ومتعاركة هي وياه فلبلاصة هذي ... تنهدت وعدت يدها على كرشها بشوي ...
_بيلسان: انا هنا ... امك هنا ماراحش تخلي حاجة تضرك واذا لزم نعطيك حياتي المهم تعيش نتا .. اذا مشيت نمشي معاك ..وبعد كل شي صرا مامصبرني فلدنيا هذي غير نتا
سكرت عينيها ورجعت راسها ورا ...
ليلة هذيك تعدت طويلة عليهم كامل ... كأنو ليلة هذيك كانت تمهيد للي جاي ... حتى حاجة ماكانت في بلاصتها القلق والخوف كل شي حضر ليلة هذيك ...
حبست طونوبيل قدام لفيلا .. قرب واحد من رجال نتاع كريم فتحله لباب نزل ولغش عامي عينيه حالف يقلب لفيلا على راسه اذا عنده يد فلموضوع ... فتحوله لباب دخل ... حتى وصل للباب لي يدخل للفيلا .. جبد لمفتاح دوره ودخل ...
_كريم: ايااااد ... ايااااااد ..
حلت عينيها على صوت .. وحل ولدها عينيه ..
_اسد: ماما ..
_سيرين: واش كاين ..
_اسد: سمعت صوت ...
قرب باسته من راسك تحكي ..
_سيرين: مكان حد ارقد ..
كريم: ايااااد .. نزل ..
_اسد: سمعتي .. صوت من تحت ..
_سيرين: ايه سمعت .. خليك هنا ماتخرجش ننزل نشوف شكون ونرجع صحاا ..
_هزلها راسه ..رجعت باسته من راسها ورجعتله راسه على لمخدة غطاته وحطت حاجة فوق كتافها وخرجت ...
_مشات جيهة غرفة اياد بقات متردة اذا تدخل ولا ... ووقت رجعت سمعت صوت جاي من تحت .. حطت يدها على لباب حلاته ودخلت .. غرفته مظلمة وهو رامي بدنه على سرير ...
_سيرين: اياد .. اياد تسمع فيا ..
ماجاوبهاش .. قربت لعنده .. بلعت ريقها ورجعت تحك في شعرها بتوتر ...
_سيرين: ايااد نوض ...
نفخت وحطت يدها على كتفه تهز فيه ..وهو تقول حس عليها اول ماحطت يدها عليه حل عينيه وتلفت مفزوع ...ووقت شاف وجها قريب تبسم ورجع راشه على لمخدة يخزرلها ..
_اياد: قاعد نحلم ..راكي في غرفتي وقرببة مني ..
_سيرين: اياد كاين شكون تحت ..
_اياد: نتاع صح هذي نتي ولا نحلم ...
_رجع كريم يعيط تحت .. خلاه يضيق عينيه ويصكرهم ويرجع يحلهم ..
وقتها شافها مزالها واقفة ..
_اياد: واش كاين شكون تحت ..
_سيرين: مش عارفة ... حد تحت يعيط على اسمك ...
_خطف تريكوه لبسه وبلقي يشوف فيها ..
_اياد: خليك لفوق ماتنزليش .. امشي لغرفة ولدك وصكري لباب على رواحكم ..
هزتله راسها ومشات ... خرج هو وراها نازل للتحت ...
فلدقيقة هذيك طونوبيل نتاع اسد كانت حبست قدام لفيلا نفسها ...وقت مشى عند كريم لداره ومالقاهش تعقب تليفونه ولحقه ... واشارة تليفون وصلاته لهنا ...
نزل وقرب من رجال مضيق عينيه ... دور راسه شاف طونوبيل كريم تأكد انو راه داخل ...
_اسد: حلو لباب ..
بقاو رجال واقفين يشوفو ليه ..
_اسد: مش نحكي حلو لباب ...
كريم كان واقف متقابل مع اياد وقت صونا تليفونه هزه يشوف واش كاين ...
_كريم: واش كاين ...
_مسيو اسد براا وحاب يدخل يشوفك ...
نزل كريم تليفون من وذنه مفزوع ...
_اياد: واش صرا ..
_كريم: اسد .. اسد براا لباب ..