نيران قلبي

part 4

نيران قلبي
بقلم هدى
البارت الرابع

---------

رنيم ..

طبينه محل اكسسوارت ، جنت واكفه اختار كلاده اجه واحد من وراي كال

- شديدور الحلو

التفتت شفته ابو المحل غلست ماجاوبته وبقيت اكلب بالكلايد بقه واكف يمي وكال

- حلوه ويحقلج الغرور

حط ورقه كبالي مبين بيهة رقمه هنا صعد الدم براسي التفتت شفت شمم ملتهيه تشتري بعيده عني وتمار بالباب واكف داير وجهة مامنتبه

گتله
- شكرك ع اخلاقك الحلوه ، اعتقد كل الي يجون لمحلك تعاملهم هيج..

ذبيت الورقه عليه ومشيت كلت لشمم بسرعه كملي وخلي نطلع..

دفعت الحساب واجت هي وليال..

رحنه لشكم محل بعد اشتريت كم شغله وشمم كل محل تطبله تاخذ نصه..

كملنه ورجعنه تمار للبيت
رجعنه هلكانين بدلت ونمت

صار الصبح كعدنه كلنه دنتريك كالت ماما

- بنات حضرن نفسجن يوم الاحد نروح لبغداد نساعد خالتجن مابقه شي على عرس ايلاف

اني وشمم وحده باوعت للثانيه تفاجأنه !

ماحجينه شي لمن كملنه ريوك وشغل كعدنه عالفون

- تعاي خلي نسوي مكالمه وي ايلاف الخاينه

- لا خل اسوي كروب احسن ،

- خوش

سويت كروب ودزينه

- خاينه ليش ماكلتي حددتو موعد العرس.

تاخرت الا جاوبت اني وشمم استلمناهة رزايل وهي جانت ماكو

- ها ولجن والله البارحه  بليل حددنا وامي رأسا خابرت خالتي وانتن كالت نايمات اني جنت مأجلته لمن تخلص شمم امتحانات

- هممم اقنعتيني رنيم شتكولين نسامحهة؟

- اي اي خطيه

- هههههههه كبر اكلجن لازم تجن قبل الحنه تبقن يمي

- اي هو هيج احنه عكب باجر جايينكم

- اي خوش ، شروق حتجي العصر تبقه وياي وبنات عماتي الباقيات ليوم الحنه

- تمام اويلي تحمست

- تعاي احنه مااشترينه فساتين ولا جهزنه شلون بله

- اي عادي انتو حتجون من وكت تطلعن وياي عندي نقص اشياء واشترن

- اي خوش فكره نروح للمولات

بعد مرور يومين

شمم ..

صعدنه بسيارة بابا ومشه بينه متجهين لبغداد كلش متحمسه لهالروحه..