نيران قلبي

part 10

نيران قلبي
بقلم هدى
البارت العاشر

---------

رنيم ..

دفعت عزيز وركضت لجوه جانت ايلاف واكفه بالباب تخزر بيه مريت من يمهة وفتت للمطبخ
كعدت عالكرسي واهز برجلي متوتره

اجت ايلاف للمطبخ..

- ايلاف والله..

- اشش سدي الموضوع ، بس الله ستر رضا جان يخابر

- اسفه

- مو ذنبج ، كومي خلي نسوي كيكه

- اي يلا

حضرنه المواد وكعدنه نسوي ليال اجت يمنه مستحيه من ايلاف مااباوع بوجهة

كملنه الكيك ودزت ايلاف الهم كيك وعصير
كعدنه بالهول واخذتنه السوالف ونسينه الي صار

- اكلج اني شاكه بنفسي حامل

- يا صدك
 
- ما ادري ممتأكده

- اي وشنو يعني جيبي اختبار منزلي

- اي هو هيج باجر اوصي رضا

- اي عفيه

- لج شروق الحقيره اتوسللهة تجيني ماتقبل تكول استحي ،عبالك احنه عشيره بالبيت وتستحي

- اي ذكرتيني ، خلي اراسلهة بلكت تجي

راسلتهة وهم ماقبلت لحد ما حاجيناهة اني وايلاف كالت اشوف ابوي اذا قبل باجر اجي

بقينه نحجي لـ11 راحت شروق احنه انتقلنه للغرفه وليال نامت رأسا واحنه بقينه

دا احجي وي ايلاف واجتني رساله من عزيز

- كاعده

- احم ايلاف عزيز راسلني اجاوب؟

- جاوبي بس لا تلطشين ثكلي

- اي شكالولج عني ، جاوبته "اي

- شلونج

- ما ادري

- افاا ليش

- عاجبك الموقف الي حطيتني بي

- مايصير تغلسين عاد بت خالتج ماقصرت

باوعت على ايلاف وكتبت

- ياشسوت!

- رزلتني بنزاكه

صحت بأيلاف
- ايا حقيره ليش ماكلتيلي

- اني؟ شأكلج

- محاجيه عزيز

- اي

- شكلتيله ولج

- معليج لتدخلين

- كبر ، رجعت لعزيز داز "وينج

- ها رحت اشرب مي

- تجين اشوفج؟

- لا لا انوب يشوفونه الجيران مو ايلاف..

دزيتله هيج واسمع ضحكته من الاستقبال ، عزا نصي صوتك