نيران قلبي

part 9

نيران قلبي
بقلم هدى
البارت التاسع

---------

شمم ..

مرت فتره واجه وقت الدوام ، كعدت الصبح نشيطه ومتحمسه

طلعت ملابسي الي البارحه طول الليل اجهز بيهن..
ذكرت اليوم الي رحنه بي للمولات اني ورنيم وبيان
امي وصت اسير ياخذنه بيومهة ماخلينه محل يعتب علينه وهو ورانه يأفأف...

ابتسمت وفزيت من صفتني انتبهت للساعه حتصير 7 بدلت بسرعه وعدلت نفسي وطلعت..
تريكنه عالسريع وطلعنه للخط

دخلنه للجامعه واني كلي حماس سألنه على الاقسام وافترقنه...

دخلت للقاعه لكيت ستيج فارغ بالمقدمه كعدت عليه..بقيت كاعده مااعرف شسوي ذكرت صديقاتي هسة شيصير لو هن يمي...

ماعندي تواصل وياهن من زمان ، حتى واهسي خرب...

مر وقت قليل ودخلت الدكتوره ، حجت ويانه وعرفتنه عليهة وبدت تتعرف على اسمائنه وتكتبهة...

وصلت الي كلتلهة اسمي صفنت بوجهي شويه وهزت راسهة...

خلصت الاسماء وكالت اليوم مانشرح...
خلص وقت المحاضره واخذنه استراحه...
اتصلت على بيان كالت اوكفي يم الكافتيريا جايتج...

طلعت يم الكافتيريا شفت بيان ووياهة 3 بنات رحت يمهن

- هلو

- ها شمم ، خلي اعرفجن ع بعض

بنات هاي شمم بت عمي
شمم هذني صفا و ود وياي من الاعداديه ، واريام بت خال ود صارت ويانه نفس القسم

- تشرفت عمري

- بيج

تمشينه للكافتيريا اخذنه عصير وكعدنه ، شويه وراحن لقسمهن واني رجعت للقاعة...

اخذنه المحاضره الثانيه والثالثه ورجعت للبيت وي رنيم وبيان

مشت الايام واحنه نداوم ماكو شي جديد

رنيم..

بعدني ممكمله حجايتي وانصدمت!!! عزيز جان كاعد يم العميد

- تفضلي الدكتور عزيز رايدج اني طالع اخذو راحتكم..

طلع وبقينه اني وعزيز ، كام من مكانه وتقدم لجهتي وهو مبتسم

- شلونج

- اااء انتَ شلون اجيت

- لا والله هيج تستقبليني