FLAMES OF ROZE | Season 1 | TRS#1 [COMPLETED]

CAPITULUM 27

27 | Fall

XIAFEZIN ROZE'S POINT OF VIEW

Dumiretso na ako sa daan papunta sa kagubatan. Mabilis ang pagpapatakbo ko sa motor sa ilalim ng isang malamig at tahimik na gabi. Hindi ko alam kung bakit hindi ako natatakot kahit pa ako lang mag-isa at napakadilim ng gubat.

Tanging ang ilaw sa motor ko lang ang nagpapaliwanag sa tinatahak kong kalsada kaya naman nanalangin ako ng taimtim na sana ay makarating na ako ng mabilis.

Mabuti na lang at kinabisado ko ang daan noong pumunta kami sa Betelgeuse Society base noon. Alam ko pa kung saan banda sa kagubatan na ito ang daan patungo sa hanging bridge kaya naman kampante akong hindi ako maliligaw.

Inihinto ko na ang motor nang matanaw ko na ang hanging bridge. Hindi ko madadala ang motor doon kaya naman iiwan ko na lang muna rito. Sinuot ko na ang black cloak at hinawakang mabuti ang basket na dala ko.

Kumuha ako ng isang malaking kahoy na nakita ko lamang sa gilid ng isang napakalaking puno kung saan ko tinabi ang motor. Sinindihan ko ang dulo ng kahoy na iyon ng apoy gamit ang mahika para magsilbing liwanag ko sa daan.

Napabuntonghininga ako. Kaya ko ba talaga, ito? Wala pa man, nahihirapan na ako sa paglalakad.

Pinakatitigan ko ang dulo ng hanging bridge na iyon at nakita kong napakadilim doon kahit pa napakaliwanag naman ng buwan. Bahagya akong kinabahan pero dahil narito na ako ay hindi na ako aatras pa.

Umihip ang malamig na hangin ng gabi at bahagya akong gininaw sa lamig. Hinahangin ang hood ko na suot at ang buhok ko, kaya naman mabilis na inayos kong muli iyon at hinanda na ang sarili.

Mabilis na akong kumilos at sa nanginginig na tuhod ay humakbang na ako sa hanging bridge. Nakakarinig ako ng lagaslas ng tubig kaya naman kahit ayoko ay napatingin ako sa baba at nakitang ilog pala ang naroon. At kahit ilog ang ilalim ng hanging bridge ay kinakabahan pa rin ako!

"Hays!"

Ganito talaga Roze! Hahamakin mo ang lahat, 'di ba?! Ginusto mo ito, 'di ba?

Nakasukbit ang basket sa kanan kong braso habang hawak ko roon ang nagsisilbing ilaw ko. Ang kaliwang kamay naman ang ginamit ko pang hawak sa suporta at doon ay kumapit ako ng mabuti dahil pakiramdam ko'y isang maling galaw lang ay mahuhulog ako.

Dahan-dahan akong naglakad sa bridge at nang mapagtanto kong mukhang kakayanin naman ng bridge ang bigat ko ay tinakbo ko na ang napakahabang hanging bridge na iyon hanggang sa wakas ay marating ko na ang dulo.

Wala sa sarili akong napangiti nang marating ko na nga iyon. Luminga ako sa kanan at kaliwa. Sa kanan ang daan patungong Betelgeuse Society base. Sa kaliwa ay hindi ko alam kung anong mayroon doon. Pero may kung ano sa'kin na parang nagtutulak na magtungo roon kahit hindi pa naman ako sigurado kung saan ako dadalhin ng daan na iyon.

Mabilis akong naglakad doon at pinagmasdan ko ang paligid kung makakakita ba ako ng kahit na anong tanda kung nasaang lugar na ako.

Natigilan lang ako sa paglalakad nang makarinig ako ng kaluskos sa paligid. Luminga-linga ako ngunit wala naman akong makita.

I continued to walk again only to stop again when I heard another rustling sound. What was that? Nakiramdam na ako sa paligid. Tama pa ba itong ginagawa ko? Wala nang kaluskos ngunit may nararamdaman akong kakaiba. Napalunok ako.

"Hello?! Is there anyone here?" kabado kong tanong.

Nang may maramdaman akong presensya sa likuran ko, hindi na ako nag-aksaya ng panahon. Marahas akong lumingon at itinutok doon ang nagniningas kong apoy!