أسيرة عشق الغول

البارت الثالث عشر

البارت طويل
لو الڤولت كمل 60 ليكو بارت بكرة

للكاتبة : بسمة حجازي

«صلوا على الحبيب المصطفى»

قراءه ممتعه
آدم. اضحكي على حد غيرى بالكلام دا انتى لو عاوزة ولادك هيكونو عندك مسافة السكة
ملك بقوة. و انا مش عاوزاهم بس أنا عاوزاهم و عاوزة حقهم
آدم بتنهيدة. هتعملي ايه
ملك. لما ننزل مصر هقولك
و بالفعل بعد عدة ساعات
تعلن شركة الطيران عن وصول الطيارة الخاصة رقم........ خرجت ملك و آدم من المطار و وقف آدم ينظر لها
آدم. ها ادينا و صلنا مصر هنعمل ايه فى نص الليل كدا
ملك. اول حاجة هروح اطمن على ولادي
آدم بفم مفتوح. ها
ملك. في ايه بقولك هروح اشوفهم و اطمن عليهم
آدم بعدم فهم. أيوة يعنى هتروحي تطمنى عليهم و تجبيهم
ملك بنفي. لأ هتطمتن عليهم بس
و تركته و ذهبت إلى اسطول السيارات التى تقف فى انتظارها و مازال آدم يقف مكانه يحدث نفسه
آدم. يعنى هى عيالها مخطوفين و كانت هتموت عليهم و نزلت من امريكا لمصر علشانهم تقوم بعد ما تبقى فى مصر تقولى هروح اطمن عليهم و هسيبهم مخطوفين ثم أكمل وهو يحك رأسه من الخلف. أيوة يعني هي بتحبهم ولا لأ صح انا عرفت هي بتحبهم نص نص يعنى تطمن عليهم بس برضو تسيبهم مخطوفين فعلا هو دا التحليل الوحيد اللى ينفع مع العيلة بنت الهبلة دي هستنى ايه من واحدة عيالها اتختطفوا مرتين علشان يأكلون بيتزا
ملك من خلفه. خلصت تحليل اتفضل بقى علشان الوقت
آدم. هوووف حاضر جاي
فى السيارة
آدم. هو انتى عارفه مكانهم
ملك. اه
آدم. طيب ليه مجيبتهمش امريكا بدل الشحتطة دى أو كنت. كلمتيهم فيديو كول بما انك عاوزة تطمنى عليهن بس
ملك. تعرف تسكت يا آدم
آدم. أيوة ما هو انا عايز افهم بدل ما انا عامل شبه الأعمى في الزفة
ملك باستغراب. اعمي ايه اللي في الزفة اسمها شبه الاطرش في الزفة
آدم. اعمى اطرش what ever
ملك . what ever الله يرحم ابوك كان مفكر أن الماية المعدنية كنز و كان يشيلها تحت السرير
آدم بغيظ. ماشى يا ملك
بعد أكثر من ساعة
ملك. بس هنا وصلنا
آدم. وصلنا فين دا طريق مقطوع مفهوش غير مخازن
ملك. يبقى ولادى فين يا اذكى اخواتك
آدم باستعباط. فين
ملك. عند اومك يا آدم أنجز يلا انزل و اجمعلى الرجالة
آدم بتأفف. حاضر هتنيل أهو
نزلت ملك و وقف أمامها حشد من الرجال
ملك. دلوقتى احنا هنفتش فى مجموعة المخازن دى على ولادى هتلاقوا حرس مش عايزة دم أنا عيزاهم متربطين قدامي تمام
الرجال. تمام يافندم
ملك. ابدؤو
انتشر الرجال يبحثون فى جميع المخازن بحزر و كلما قابلو فرد من الحراس دخلوا في اشتباك بالأيدي و يقيدوهم فأصبح الوضع هكذا
بعض الرجال يقيدون الحراس و يقفون بجانبهم
و البعض يبحثون
و البعض يقفون عند مدخل المكان و يحيطونه احطياتا لأي ظرف
😈....................................😈
قبل ما يقارب ساعة
فى داخل احدى المخازن عند مليكة و مروان😈
مليكة.مروان تعالى نهرب
مروان.ايه دا بجد تصدقى فكرة حلوة
مليكة بثقة. يا ابنى دا انا جامدة
مروان . طيب يا جامده هنعمل ايه فى الجحوش اللى برا
مليكة. مش عارفه
مروان. طيب هنطلعو من هنا ازاي
مليكة. مش عارفه
مروان. طيب بصى طلعنا و عدينا البقر دول هنروح فين أنا لما قومت فى العربية كان طريق غريب و مفيش اي حاجة حواليه خالص
مليكة. مش عارفه
مروان. خلاص اسكتى
مليكة. بتزمر. الله ما هو انا على طول بطلب و انتا تخطط و ننفز مع بعض
مروان. اه يعنى المطلوب دلوقتى انى سيادتك عاوزة تهربى و انا اخطط و نموت مع بعض مش كدا
مليكة بفرح. بالظبط كدا
مروان. طيب ما تخلينا نموت هنا بكرمتنا احسن
مليكة. ممكن برضو ثم تزكرت و قالت بسرعه مروان هما مش هيجيبوا الوجبة
مروان بحنان و هو يضمها.انتى جعانة يا قلبي
مليكة.لأ خالص
مروان باستغراب. اومال عاوزة الوجبة ليه و بعدين  وجبة أية صح هو انتى فى رحلة
مليكه بعد أن بعدت عن حضنة و اخذت تشرح له. يا بنى هو مش المفروض انهم يجيبو اكل في صحن معفن كدا و يرميه على الأرض و يقولى ليا كلي اقوم أنا قيلالو و انا بعيط بانهيار كدا مش عايزه مش عايزه أن عايزة أخرج يقول مفيش خروج و كلى و انتى ساكتة اقوم أقوله حرام عليك حرام عليك يقوم هو ضاربنى أقوم أنا بقى ايه اترجاه و اقولو ابوس ايدك سيبنى و يقوم يقولى بصوت غليظ كلى فأنا بقى ايه
مروان بسخرية.ايه
مليكة بغرور. اكل ذي المهزقة
مروان. ههههههههههه طيب ما كنتى كلتى من الاول بكرامتك
مليكة. لأ طبعا احنا شعب ميجيش غير بالتهزيق
مروان بانتباه. انتى قولتى لما يضربك هتعملى ايه
مليكة. اترجاه و اقولو ابوس ايدك سيبنى
مروان. مين دي اللى هتترجاه دا لو ضربك مش بعيد تموتيه
مليكة. وجه نظر برضو بقولك
مروان. ايه
مليكة.طيب  مش هيجيبو لينا تليفون و يقولو بنفس الصوت الغليظ خدو كلمو و تبقى ملك بقى وانا اعيط اعيط اعيط اعيط تقوم هي كمات تعيط تعيط تعيط تعيط تعيط
مروان بحنق. دا على أساس أن ملك هتعيط يعنى
مليكة بتافف. عندك حق و مين برضو اللى هتعيط أنا آخر مرة عيط كان أول ما نزلت من بطن أمك
مروان. هههههههههههه
مليكة. هههههههههه عارف مين اللي كان ينفع فى موضوع العياط دا
مروان . البت لي لي صح
مليكة.صح يلا مش مهم بقى المرة الجاية هنجيبها معانا
مروان.  كتب كتاب امك هو علشان تجيبيها المرة الجاية
مليكة ببساطة و هي ترفع يده علامة النفي. ليه هو انتا فاكر أن دي اخر مرة لأ طبعا
مروان. عندك حق ما هى برضو مش اول مرة
مليكة. أيوة فاكر اول مرة اتخطفنا كنا مرعوبين هههههههههه إنما دلوقتى خدنا مناعة و تناحة من الخطف خلاص هههههههههههه
مروان. اه فاكرة برضو كان علشان ناكل بيتزا ههههههههه من اليوم دا و ملك منعت البيتزا ههههههههههه و برضوا المرة دى اتخطفنا علشان البيتزا هههههههههههه
مليكة. هههههههههه اه والله هههههههه عارف اللى مزعلنى و دخل الحزن جوا قلبى ايه
مروان.ايه
مليكة بجدية و هي تنظر له.ان الراجل اللي كان بيخدرنى كان عمال يشد فيا و أنا اقاوم لحد ما ايديا اتخبطت فى الباب
مروان بلهفة و هو يتفحص ايديها. ايديكي بتوجعك و رينى كدا أنهى حتة و رينى
مليكة و هي تجذب ايديها و تكمل بجدية و تأثر. مش دا اللي مزعلنى
مروان باستغراب و هو يعقد حاجبيه.اومال ايه
مليكه مكملة بنفس الطريقة.ان لما ايديا اتخبطت فى الباب حتة البيتزا و قعت على الأرض و ملحقتش احطها فى بقِّى قبل ما اتخدر و اول ما وقعت أنا اتكيت صويت
مروان بهدوء. اه يعنى انتى كنتى بتصوتي علشان البيتزا مش علشان احنا بنتخطف و لا علشان ايديكى اتخبطتط صح
مليكة بتأثر و حزن. صح انتا فاهم يعنى ايه قطعه بيتزا تقع على الأرض قدام عنيا كدا أكملت و هي تنكس رأسها و تضع يدها على جبينها آهههه احساس صعب اوي اوي يا مروان صعب اوى
مروان . بجد صعب
مليكة و هي ما زالت على وضعها و تمثل البكاء. اوى يا مروان اوى
مروان بدعاء. يا رب انتا العالم بحالى يارب ثم نظر لها وتحدث بصوت عالي ادعى عليكى بٱيه و انتى فيكي كل العبر هتموتيني مجلوط يا مليكة اعمل فيكى ايه حرام عليكى
مليكة بجدية. انا مش فاهمه انتا زعلان ليه انتا مستقل بحتة البيتزا دى لو ناسي سيادتك افكرك البيتزا دى احنا اتخطفنا علشان نأكلها مرتين و مستعدة اتخطف الف علشان اكلها
مروان. انتى عندك حق ابقا عيل لو مشيت وراكى تانى
مليكة. هو حضرتك ناسي انك اصلا عيل انتا عندك ست سنين على فكرة
مروان. غوري يا بت من قدامي
قاطع كلامه صوت الباب و هو يفتح  و دخول ملك منه ثم أشارت لهم بمعنى اصمتو و تحركت بخزر بجانب الحائط حتى و صلت إلى كاميرا صغيرة ووضعت عليها جهاز صغير ثم ركضت لهم
ملك و هي تأخذهم فى حضنها. انتوا كويسين فيكو حاجة حد عملكم حاجة
مليكة و هي تخرج من أحضانها. ايوة يا ملك عملولى
ملك بخضة. عملولك أية و ربى
مليكة ببكاء. خبطو ايديا فى الباب جامد و الحيوان اللى جابنا ضرب مروان و زقو جامد و عورو فى وشو
ملك و هي تتفحص وجه مروان بأيديها و تمررها على جرح فى وجهه بحنان.بتوجعك
مروان و هو يقبل يدها التى تمررها . متقلقيش عليا أنا كويس و مش بيوجعنى
مليكة بدموع فهي رغم مزاحها و تجاهلها لجرح مروان إلا أنها كانت تتجنبه حتى لا تنهار فهي رغم كل شئ هي طفله في السادسة من عمرها و تخاف على مروان بجنون. لأ يا ماما دا كان بينزف بس وقف
مروان و هو يضم مليكة إليه فهو أكثر ما يكره فى حياته هي دموع مليكة. خلاص يا قلبي انا و الله كويس و الجرح مش بيوجع و بعدين دا جرح سطحى عادي يعنى
كانت ملك تنظر له و هو يواسي مليكة فهو رغم أنه توؤمها لكنه كان دائما يعملها على أنه ابيها و ليس توؤمها و فى أكثر الأوقات صعوبة كان يتماسك فقط من أجلها لأنه ببساطة يعتبرها مسؤولة منه
مليكة. ملك ياله علشان نمشى من هنا و نودي مروان للدكتور
ملك. مش هينفع تمشو دلوقتي أنا هعقم جرح مروان و اخيطو و الصبح هخرجكم علشان مش هينفع دلوقتى
مروان. اشمعنا
ملك و هي تأخذ علبة الأسعفات من آدم بعد أن طلبتها منه . ممكن نتكلم بعد ما اشوف جرحك
بعد قليل كانت انتهت ملك من تعقيم جرح مروان
و تجلس فى منتصفهم و تضم كل منهم في جهة
مروان و هو يضع رأسه على صدرها. ها ممكن نفهم بقا
ملك. بصوا أنا جاتلى مكالمة من أحمد العمري بيقولى انى لو عاوزاكم اجيب و رق مناقصة هو داخلها مع الغول و طبعا كان عارف انكم ولادو من حارس من بتوعى
مليكة. أيوة انا فهمت دلوقتى هو خاطفنا ليه و عايز ايه علشان يرجعنا بس مفهمتش احنا مش هنروح معاكي دلوقتي ليه
ملك.علشان أنا عايزاه يتسجن و بكرة هبلغ أنو خاطف ولادى و بيستغل دا
مروان. طيب ما تبلغى دلوقتى
ملك. انا عايزاه يبقى متلبس و بعدين خطف و استغلال و محاولة قتل و توصية منى على توصية من الغول مش هياخد أقل من مؤبد
مروان بتوجس. ودا هيحاول يقتل مين
ملك ببسمة. انتا

عارفة انى غيبت فى الفلاش باك بس لازم تكون كل حاجة واضحة