أسيرة عشق الغول

البارت الرابع و العشرون

و يا ليته لم يستدير فما هذا هل تجمعت الانوثه و البراءه في عينين غزال شارد ام ماذا
#شكرا
الياس وهو شارد في عينيها. دا انا اللى شكرا اوى شكرا جدا
#نعم حضرتك
إلياس. احم العفو يا انسه بس يا ريت تتفضلى علشان نعمله محضر
# لأ بلاش أصلا الناس ضربته كتير و بعدين هو اكيد مش معاه فلوس علشان كدة بيسرق
إلياس وفكه يكاد يصل للارض. نعم
# مكمله. هو لو كان أخد الفلوس بس كان مش هيكون عندى مشكله بس هو اخد الشنطه كلها وهي فيها ورق مهم
إلياس.يعنى إنتى معندكيش مشكله انك تتسرقي
# اكيد لأ طبعا مش موافقه على مبدأ إن الشخص ياخد اللى هو عاوزه بالغصب لأن فيه حلول تانيه زي أنه يطلبها أو يشتغل أكرم واحسن ليه وحلال
الياس. أمرك غريب صراحه بس
نور نور يا نور
قاطع كلامه هذه النداءات من امراه تهرول ناحيتهم بسرعه . انتى كويسة
نور. ان تمام يا فرحه ما تخافيش
فرحه. الحمد لله انك بخير
نور برقه وصوت منخفض له. شكرا مره تانيه
إلياس وهو شارد في عينيها و صوتها الرقيق .هو في جمال كدا يا جدعان
نور. بتقول حاجة
إلياس. لأ قصدى اه يعنى ياريت رقم فونك علشان لو فى أي إجراءات للمحضر
نور. بس انا قلت مش عايزه محضر عن اذنك
الياس. ايوه بس يعنى
فرحه مقاطعه. طيب شكرا على وقفتك معانا عن اذنك
ثم تركوه وذهبو إلى اللا مكان

نهاية F.B

عاد من زكرياته وهو يفكر فهو حتى لا يعرف رقمها ولا عنوانها ولا على الاقل إسمها كامل إذن كيف يصل لها
قلبه.كان مفروض تاخد رقمها
عقله. اه وتقول ليها ايه ان شاء اللة معلش عاوز رقمك أصلى مش عارف ابطل تفكير فيكى
قلبه.كنت قلت اي حاجه المهم أعرف أوصل ليها
عقله. طب ما انا عندى فكرة احلى لف نادى عليها فى الشارع
قلبه. ليه شايفني اتجننت ولا ايه
عقله. ليه وانت فاكر ان اللى بتعلمه دا مش جنون دا الجنان بعينه
نفض إلياس رأسه في محاوله يائسه لأخراجها من راسه لكن ........
عفوا عزيزي يجب إخراجها من قلبك أولا

——————————                     

ايه داخله بزعابيبك كدا ليه
نيره. الله يخليكي سيبينى في حالى يا ملك
ملك. ليه ايه يا عم نرفزه بس
نيره. ميت مره قلتلك متقوليش الاسم ده تاني
ملك بضحك على شكل نيره. ههههههههههه طيب اهدى كدا وخدى نفسك واقعدي احكيلي
نيره وهي تأخذ نفس وتخرجه برويه على فترات
ملك. خلاص هديتي
نيره. اه تمام
ملك. خلاص احكى
نيره بابتسامة مضطربه وعيون مرقرقه بالدموع. اصل أنا ضربته جامد اوى وكان بيتوجع
ملك بحاجب مرفوع و ابتسامه خبيثه. هو مين ده
نيره بصوت منخفض . ماجد
ملك بصوت كأنها تكلم طفل و تقلد صوته. يا قلبى وانتى سحلانه على ماكد يا اختى كميله ثم تابعت بغمزه بصوتها الطبيعي. هي الصناره غمزت ولا ايه
نيره بضيق . جرا ايه يا ملك صناره ايه اللي غمزت
ملك. على ملك يا بت
نيره بضيق. يوووووه يا ملك أنتي مالك النهارده
ملك بابتسامة لمعرفة أن صديقتها تحب. مالى إنى فهماكي
نيره. لأ انتى مش مضبوطة ولحد ما تتظبطي انا طالعه أرتاح
ملك طيب مش هتيجي معايا نصحى مريم و نروح لمحمود
نيرة وهي تصعد السلالم. لأ روحو أنتو

في الأعلى
كانت تقطع الغرفه ذهابا و ايابا مريم. يا ترى يا يوسف مش بترد ليه
ملك وهي تدخل رأسها من فتحه الباب. ايه يا قمر ده كله نوم
مريم برقتها المعتاده. لأ أنا مش كنت نايمه
ملك. اممممم اومال منزلتيش ليه
مريم. أصل أنا كنت هنزل بس بس ولا حاجه

ملك. من حسى القلبى بيقول ان الموضوع فيه راجل
مريم. لا لا لا لا خالص
ملك. من الرفض القطعى ده انا لسه مصممه على موقفى بس نغير كلمه رجل و نحط حب
مريم. لأ على فكرة
ملك. الإنكار مش هيفيدك يلا انطقي و اعترفي
مريم. لأ ايوه بقى هو آه فيه راجل و حب كمان
ملك. ها وإيه كمان يا حنينه
مريم. لأ بصى انا اصلا محرجه لوحدي
ملك. لا يا حبيبتى ولا إحراج ولا حاجه احكى والنبى ما بينا إلا بعضينا يا نسوان
مريم. ههههههههههه بصى هو الأول على دفعته كل سنه إنسان جنتل في نفسه ملوش فى البنات والجو ده دايما بيقعد في المكتبه مدوخ بنات الكليه كلها وراه كنت على طول اقعد اراقبه من بعيد وهو ولا حتى بيبصلى أنا بقعد فى ركن وهو فى الركن إللى جنبى بس ايه و لا كأنه شايفنى لحد ما واحد كان بيرزل عليا لقيته جاي عليا و بيقولي فيه حاجة يا مريم طبعا بقى ما اقولكيش قلبى كان بيرفرف فى السما وهو بيقولي يا مريم
واتعرفنا على بعض و هو قالى أنه بيحبنى من زمان وكان دايما ببراقبنى في المرايه اللى فى وشى وبس يا سنة
ملك. وانت بقى قلقانه ليه
مريم. لانه قالى هيكلمنى لما يوصل وما اتصلش اتصلت انا مردش وبعدين اتقفل مش عارفه
ملك. طب قومى البسى يلا
مريم. هنروح فين
ملك. يلا بس

———————————                       

مليكه. وربنا يا يوسف لو ما خليته ينزلنا لهفضحك قدامهم نزلنى
يوسف. انتى بتهددينى يا مليكه طب أنا مبتهددش وورينى هتعملي ايه
مليكه بتوعد وهي مازالت معلقه على المسمار و بجوارها حور الضامه ليدها على صدرها بكل أريحية
مليكه. بقى كدا طيب. يا محم
يوسف وهو يضع يده على فمها. ايه ما بتصدقى اترزى هنا لحد ما اجيلك
نظر لهم بقيه الصغار المعاقبون أيضا فهم كل شخص منهم يقف على رجل واحده و يرفع يديه الاثنان لاعلى

نظرت لهم لي لي وهي تكتم ضحكتها
مليكه بغيظ. ايه بتضحكي على ايه أول مرة يعنى
حور. مش عارفه دا انا بصبح و أمسى عليه يوميا
مليكه. عارفه حمار جحا
حور. آه
مليكه. اخوه بقى اسمه مسمار مليكه أشهر من النار على العلم فى كل مكتب وكل بيت للاميره وقريبا في الأسواق هيبقى للغول كمان
حور. يا سيدي يا سيدي على الإنجازات
مازن. معلش بقى لو هنقاطع الحوار العظيم ده بس ممكن نشوف صرفه علشان نعرف نهرب من عقاب محمود لأن يوسف آخره يخليه ينزلكم
مروان. طب ننزل الغلابه دول الأول وبعدين نشوف نهرب ازاي
ذهب مروان لمليكه
مروان. هاتى ايدك يا لوكا
مليكه بثقه. لا متخفش عليا ارفعنى أنت بس شويه
رفعها مروان من قدمها ونطت هي نطتها اللولبيه وفجاه وشها لبس في الارض
مليكه وهي تنفض كتفها بعد أن قامت وتقول مروان بثقه. ايه رأيك في النطه
مروان. تحفه
مليكه. بتدرب عليها بقالة كتير علشان تطلع بالآداء ده