~HIS BESTFRIEND~

CHAPTER-4💜💜💜

(Jungkook a kawngpui a tluk a,a tah vak vak lai chuan😭)

Ka lam pan a tlan ri hlawp hlawp ri chu ka hria a,a bul a lo thlen chuan a ding ta reng a.Ka va en chu Jimin a ni reng mai!Lungngaih hmel deuh chuan min lo en reng a.Tiang a ka awm lai hi a hmuh ka duh lo.Ka mittui chu hruk hul ka tum a;mahse,ruah tla nge ka mittui zawk chu a lo tla belh zel a...thawh ka tum a mahse ka ke chu a zawi lutuk vang chuan ka tlu leh thin a.Jimin-a chu ka hmaah lo thu in min en reng chungin "Haw phawt ang aw...i damlo palh ang." A ti a.A hnung chu a rawn dawh a "Lo kal rawh ka lo pua ang che."A ti a."Ka duh lo." Ka ti a.Thawh leh mai ka tum a,ka tlu leh a.Jimin-a chuan min lo kai tho âwt in a hnung ah chuan min pua a "Ngati nge,i bula ka awm loh piang hian i tah thin le?" A ti a.Min puak chu ka duh lo mahse ka taksa hian engmah a ti theilo.

A roomah chuan min hruai lut a...a khumah chuan min mut a.Ka kawr chu lo phelh a tuma "E nge i tih dawn a?Min khawih suh!" Ka ti deuh tuau a."I kawr hi i hak reng chuan i damlo dawn sin!" A tih pah chuan ka kawr chu min phelh sak leh a tum a "Ka duh lo ka tih chu!" Ka ti vak a.Thinrim deuh chuan "Engtin mah ka ti dawnlo che!Nangmah duh tu che nilo in,i thian ang zawkin ka ti nih hi!" A ti a.Ka ngawi reng a.Ka kawr chu min thlak zo a,damdawi min lo pe a."Ka ei duh lo." Ka ti hmuk a."Jungkook,i van han hahthlak tak em!I pang sa hluah hluah chung pawn engmah i ei duh lo nia...ka ngaihtuah i duh lo nih chuan ei rawh aw..." A ti a.Min rawn pe leh a,a ngaihtuah nih chu ka duh lo.Ka ei a."Tah khan mu mai rawh aw...thuthlengah ka lo mu ang." A ti a.Ka hahdam deuh hnu chuan,Jimin mu chu ka en reng a.Ka hnawl hnu pawn ka tan a la tha em em a,nge maw ka hriat le?Taehyung laka ka thinrimna chu a chungah ka thlak thla ringawt a...Ka mawl takzet a ni.Kan muhil ve ve ta a.

Zan laiah chuan ka harh hlol a,ka lu chu a hei ngei mai...engmah pawh ka hre tha theilo.Ka tho hluai a,ka tlu thlup a...tu emaw chuan min lo pawm tho a,khumah chuan min mut a.A vawt ka ti lutuk a,ka muhil tha hlei thei lo.Tu emaw bawk chuan min lo kuah lum thar thar a,a nuam ngei mai...tu nge a nih engmah ka hre chiang theilo.Min kuah lum vang chuan ka muhil ve leh thei ta a...

Zing a ni ta...🤗

Ka mit ka meng chu ka harh chiang kawk tawh e.Ka lu na te pawh an dam vek tawh.Thawh ka tum a mahse tu emaw chuan ka hnung lam tang chuan min lo kuah reng chu ni in!Ka va en chu "Jimin!" Ka ti vak a."Nang hi!" Ka tia khum tang chuan ka tawlh thla thuai a "I van chak dawn lo tak!" Ka tia khum tang chuan ka chhuk thla ve nghal a "Nizanah i damlo a vawt i ti lutuk a,ka kuah lum theih nan che,i bulah ka mu mai nih kha!" A tih chuan ka harh zawk a!Ni dawn tak!Nizan khan a vawt tih lutuk vangin ka thi tep a nia...Jimin-a hi ni maw...min kuah tu kha...a hmaah chuan in thiamloh hmel deuh chuan ka va thu tha a "Ka tihpalh aw...nang hi awm lo lang chuan ka la damlo reng ang...min ngaidam thei ngem?" Tiin ka kun deuh reih a "Awle!Ngaihdam i ni;mahse,ka dam loh hunah min enkawl ve ang che aw..." A ti a."Awle!" Ka ti a.Jimin-a chuan "Tah chaw ei ve nghal mai rawh aw?" A ti a."Ihh...ih a ngailo.Ka ti buai ang che." Ka ti a."Ti buai suh e...ka eibrawngbawlte pawh  i ei ve phah dawn sin..." Nui sung chuan a ti a.

Chaw kan ei lai mek chuan ka thil ngaihtuah chu ka sawi chhuak lo thei ta lo."Ihhh...Jimin zawh chi che pawh a niin ka hrelo a;mahse,hriat ka chak bawk si." Ka ti a."Aw,e nge sawi laaa..." A ti a."Ihhh...ka duh lo che tih ka hrilh hnu che pawn,engtin nge ka tan i la that em em theih a?" Kan ti ringawt a.Jimin chu nui deuh vur vur pahin "Min zawh kha ka ring reng a..." a ti a.E nge a?Ka zawt dawn tih a hriat chuan min hrilh ve nghal mai tur nia."E nge i chhanna chu?Ka laka beisei i la neih vang mi?" Ka ti deuh hmuk a."Zep loh chuan,ni e;thil mak deuh thlengin min duh ve thut ka ring a...mahse,chu ai mah chuan,i nat leh i tah hian en liam mai che hi a har ka ti takzet a ni.I tan bialpa angin hnem theilo che mah ila,thian ang tal che a hnem che ka duh thin...Hmangaihna dik tak niin ka hria.Hmangaih i neih ve hunah i hrethiam mai ang..." A ti a.Keichuan engmah ka sawi theilo,ka en hû ringawt.Class kan kal a kan pahnih chuan...Hoseok-a chu kan lamah lo tlan phei  in thaw hluam hluam pahin "Jungkook,Jimin Taehyung chungchang kha in hre tawh em?" A rawn ti hluai a...