~HIS BESTFRIEND~

CHAPTER 8💜💜💜

Jungkook pov😭

Kar 1 a liam ta der mai.Taehyung chuan min duh lo tak tak a ni ngei ang.Khami zan ka hmangaih thu ka hrilh tuk tang khan a pa company ah a awm char char.School a rawn kal ngailo.A chhan pawh hmun hrang hrang ah a zin kual a ngaih thin vang a ni.Hmanni an company a,ka kal khan,a buai lutuk a,a hmuh lohin ka haw leh daih.Yoongi pawh ka hriat lohin a lo kal bo daih a,a hnu ah Hoseok hnen tang ka hre leh chauh a ni.Mahse,mak deuh chu a kal bo chu ka na hauh lo,ka lawm zawk hian ka hria.Mahse e,Taehyung kal bo ve chu a nat in ka na ngawih ngawih😭a ni hi ka lo hmangaih hle a niang.Kar kal ta chhung zawng khan ka thil tih zawng zawng te chuan Taehyung hi ka hmangaih takzet a ni tih min hriattir zel a.Taehyung hian min lo hmangaih ve miah lo em ni?Nilo nilo nilo a thian tha ang tal chuan min en ve lawm;nge a engmah ka lo ni lo zawk?😭

Jimin chuan ka thian chiah nih a duh tawh thu a sawi a,ka lawmzia chu!Taehyung awm loh vang chuan ka roommate a ni a;kan in kawmngaih tawh hle bawk.Chuan chuan chuan ni dawn tak!Bialpa a nei bawk a,a chhelo phian leh nghal😊Mahse e,ka ngaihsak lem lo.Keichuan lungngaihna pakhat chauh ka nei,a tawng ka beng a ri reng 'Keichuan ka hmangaih ve lo che' tih mawlh kha a ni.

Mid-Term exam kan zo chiah a.School chawlh kan nei dawn bawk mahse ka phur hlol lo.Ka chawlh hmanpui ber tur Taehyung a awm miau hek lo.Jimin nen chuan kan room tang chuan kan chhuak a.A bialpa ten exam an la zawh ve loh vangin min len kual pui a tum nih hi!Hoseok chuan a car nen min lo lam a.Restaurant pakhat ah kan chawl ho a.

Ka ngawih deuh reng vang chuan Jimin chuan "Jungkook,eng emaw dik lo a awm em ni?" A rawn ti a.Ni e,kar kalta chhung zawng khan ka diklo mahse Jimin leh Hoseok hi engmah ka hrilh ngailo."Engmah nilo,min ngaihtuah duh suh..." Ka ti dam diai a.Hoseok chuan "Taehyung vang a mi?" A rawn ti sap a.Taehyung ka hmangaih thu ka hrilh leh Taehyung an min duh ve lo tih chu ka hrilh lo hrim hrim.An ni chuan kan in hau satliah emaw an ti ngei ngei ang.Engmah sawi lo chuan ka ngawi reng a.

Jimin chu a rawn thaw hak a "Taehyung hian a duh che." Tui in sap pah chuan a ti a.Mak tih hnel deuhin ka en reng a.Hoseok chuan a hre sa tih hriat zet hian a lo awm vel mai mai a."Eng a?" Ka ti ta vak a."Taehyung hian a duh che ka tih chu!A duh na che a rei tawh mahse engmah i hrethiam ngailo nih kha..." Jimin chuan a ti deuh bar a.Ka hrilh hai em vang chuan "Nge a?Awihawm loh loh keiman zawk in lawm duh!A ni chuan thian ang chauhin min en!" Ka ti vak a.Jimin chuan a tui in lai chu a chhak chhuak zawk a,a hak barh barh nghal bawk.Hoseok chuan a lo buai pui nghal mawp mawp a.Ka en reng lai chuan ka harh chhuak zawk!Ka sawi miah loh tur thil ka sawi,ka zak leh hnuhnawh a.Ka thu kun ngul reng a.Engmah sawi lo awm ang tak chuan ka awm vel a.Jimin chu la khuh kharh kharh pahin ka bulah a lo thu hnai a,a mit zawhna hlir a khat chuan min en kalh bawk a;ka hawi sawn theilo."Jungkook Taehyung chu i duh tak tak maw?A mah nilo in nangmah zawk hian maw lo duh a?" A ti ta nghal a.Huissszzz a hre hman chiang hle mai,engkim ka hrilh vek a ngai dawn nih hi!Engkim chu ka hrilh ta vek a.Jimin leh Hoseok chuan ka ang phuau hian ka thusawi lai chu min en reng a."Chuvang chuan nia tunah pawh min biak duh tawh miah loh." Kun reng chung chuan ka ti nguai deuh reih a.Jimin chuan a lu thing sap in "Mahse,Taehyung hian a duh hle che sia...ti nge i hnenah duh lo ang che a awm le..." Hriatthiam loh hmel deuh chuan a ti a."Nilo,min duh ve lo lawm...i hrelo nih kha!Ka mitah tak min en chungin min hmangaih loh thu a sawi sin...keichuan,min hmangaih theih loh chuan ka thian pawh a nih theih loh thu ka sawi a mahse ka in chhir tak zet!" Ka mittui chu a tla nghal zawih zawih a.Jimin chuan sawi belh a tum tawh lo min lo kuah a "Shhh...a tha leh vek mai ang..." A tih chuan ka tah a chhuak zual sawt.Tap pur chung chuan "A thian tha ber chauh kha lo ni ila tha tur..." Ti vak chung chuan ka tap char char a.Hoseok chuan rilru hah hmel deuh hian min en reng ringawt.Kan restaurant chawlhna chu VIP Restaurant a nih vangin room pakhat ah kan pathum chauhin kan awm a,a zah thlak vak lem loh.An ni hmaah chuan ka nihna ang angin ka lang ngam tlat a lawm.

Hoseok chuan Jimin nen chuan kan Hostel-ah chuan min thlah a.Ka tah vak vang niang ka thawveng huai thei.Hoseok kal hnu chuan kan in siam mawlh mawlh a.School chawlh a nih vangin kan khaw lamah haw ka duh a ka in pack vel mek a ni.Jimin chu thil tih tur a neih lawk vangin a chhuak lawk a.Taehyung hriat loha kal ringawt chu ka tih vang leh a thian chauh nih ka duh tih ka sawi ngai ni.A ni hi ka lo hmangaih lo pawh a ni thei Taehyung sawi ang khan.A thian tal nih leh ka duh.Phone chu la in Taehyung chu ka dial ringawt a.Min ngaihtuah lo hle mahse,a mah anga awm ve kher ka duh loh vanga call mai ka ni.A lak vak loh vang chuan ka nervous lutuk a,a ni hian min theihngilh tak tak tawh a nih ka ring hman hial.Phone chu a rawn la hlauh mai!"Aw Jungkook?" A rawn ti a.Ka lawmzia chu!Min la hre ve reng!Sawi tur mai ka hriat leh loh vang chuan "Tae..." Ka ti sap a.Taehyung chuan buai hmel deuh hian "Jungkook,min hmangaih emaw i la ti nih chuan min rawn be tawh suh ang che!Kar lehah Los Angeles ah ka kal dawn a,ka rawn hawh tawh kher lo ang.Ka tihpalh." A ti a.Phone a cut nghal.Engmah pawh ka sawi ve hman lo.E nge ka thu hriat hi?Keichuan a thian chauh ka nih dawn tawh vanga phone ka nia!Nilo!A ni hian thian atan pawn min duh lo zawk em ni?E nge thleng hi?Taehyung hi kumkhua tana ka hmu leh thei tawh dawn lo nih chuan dam hi ka duh tawh lo.💔🏴