~HIS BESTFRIEND~

CHAPTER-5💜💜💜

"Eng chungchang maw?" Ka lo ti hû a "A nu leh paten in nei turin Los Angeles ah an kal tir dawn..." A ti a.Ka mengphawk nasa kher mai.Jimin chuan "An lo let tawh dawn lo mi?" A lo ti vat a.Hoseok chuan "Sawtah an awm chuan sawtah an in neih nghal ka ring." A ti a."A nih leh a zirna lam te hi?" Jimin chuan a ti leh a."An in hual phawt nga,a zir zawh hunah an innei ang.Keipawn,tukin khan ka hre ve chiah a.Jungkook i bff a ni maw tia,engtin nge i hriatloh theih?" A lo ti zawm zat a.Chhan pawh ka chhang lo.Class chu kan kal a.Jimin chu Lunch Break a nih vangin cafeteria ah a kal a;keicu,class-ah ka awm a.Ka rilru chu a buai lutuk chhan chu tunah hian ka thian tha ber chu ka duh thlanna ngeiin ka kal bo tir dawn a nia...khami ni khan 'Nei suh.' Lo ti ila tha tur.Ka inchhir tak zet a ni.

Hoseok chu ka bulah a lo thu a "Jungkook,Taehyung te chu darkar chanve hnuah an chhuak dawn nih chu!Mangtha min lo tih sak rawh a ti bawk a..." An la kal lo maw?A nih chuan ka dang hman ang a "Khawlai Airport ah nge an awm?" Ka ti hluai a."Aw nia...Seoul Airport ah nia,heta tang chuan minute 15 kal vel a niang...-" A sawi zawh hma hma chuan school tang ka chhuak nghal a.Tumah pawh ka ngaihtuah theilo.Taxi ka la a, hmanhmawh turin ka ti chhen bawk.Aiport chu ka thleng a;mahse,e nge ka hmuh hi?Hmanni a hmeichhia ka hmuh nen khan hlim hmel em em in an lo awm chu ni in...Kal lo tura ka duhna te chu an tham ral tial tial a.

Taehyung a chu a lo hawi thut a.Ka lo biru hman a,min hmulo chuan ka hria.An kal tawh ni ngei ang.Ka bi rukna phen ban chu ka ngheng a.Ka thu hnawk a.Ka kut chuan ka pe pahnih chu ka kuah a,ka lu chu ka phum bawk a.Ka tah chhuak lutuk mahse ka tap theilo.

"Kookie..." Tih ri ah chuan ka tho chiang kher mai!Taehyung chu ka hmaah a lo ding reng chu ni in!A lo nui sen sen a,a hnung daihah chuan a hmeichhe hruai chuan nin hmel zetin a lo nghak bawk a "Min thlah dawn nih chuan tha deuhin min thlah la tiro?Hei kal a hun tep tawh sia..." A nui leh tawh.Ka haw takzet chelh turin ka kal tih pawh a hrethiam lo em ni?Nge a hre duh lo der zawk?Ka kun reng a..."Khami ni khan kal suh i tih chuan ka kal lo ang i ti tiro?" Kun reng chung chuan ka ti a. "Ahh...aw...aw...mahse..." A tia.Ka dak chhuak a.Ka tawng leh nghal a."Kal suh i tih chuan ka kal lo ang i tih kha!" Ka ti leh vak a.Taehyung chuan mak tih hmel deuhin min en reng a.A pawilo,ka thian hi ti mai mai hian chan ka duh lo.Kal lo tura ka tih ngei a ngai a ni "A nih chuan 'Kal suh'. Ka ti a "Mahse Kookie...-" A ti a."Kal suh i tih chuan ka kal lo ang i tih kha!I dawheh lutuk!I kal thei lo ang!" Ka ti vak a.Min chhang lo chuan kan ngawi deuh reng a.A kut chuan ka mit chu a lo hru a.E he!Ka tap maw?Min lo kuah chungin "Aw.Ka kal miah lo ang.Tha em?Khawngaihin,tap tawh suh aw...i tah chuan ka na ve thin nia..." A ti sap a.

Min kuahna chu phelhin hmeichhe bulah chuan a va kal a.An in hau deuh ni ngei ang chu nu chuan min melh rum kher mai mahse thlawhna lam pan chuan a kal ta a.Taehyung chu lo tlan phei in,a nui sen sen a "Kan kal dawn mi?" A ti a.Keichuan "Kha kha i nupui hual ni lo mi?Engtin nge in sawi fel a?" Kan ti leh a.Keimah vanga kal lo a ni reng sia "Lunngai suh!Pawisa chiah a duh lawm.Pawisa tlem a zawng ka pe a,a lungawi ve ta nih kha." A ti a."A nih i nu leh pa te?An phal mi?" Ka ti leh hram a..."Ohhh Kookie leh....nangman 'kal suh' i tia,ti hian i hlauthawng leh sia.Ka pate bulah chuan ka mawhpuh vek mai ang che." Nui vak vak chung chuan a ti a.Hepa tak hi chu aw..."I duh leh kal leh rawh." Ka ti deuh hmuk a.Kan chunga thlawhna thlawk vang vang chu kan en reng a "Oh!Ka kal hman tawh lo." A tia.A nui vak vak leh nghal."Ka kal dawn." Ka tia."Heyyy ka fiamthu nih kha...ka nu leh pa te chuan min ti lui lo ka thu vek lawm...Lo kal rawh Car ka lo keng lawm..." A tia min kai dawr dawr a.

Kan tlan char char a."Taehyung,khawnge kan kal dawn?Hei chu Hostel kalkawng a ni silo a?" Ka ti a.Min en lem lo chuan "Kan bazar ang." A ti a."Engvang in maw?" Ka ti leh a."A chhan maw bazar ka chak." A ti a."Nangmah te pawn i kal thei reng lawm." Ka ti leh a."Kalpui che ka duh lawm;chubakah,min ngaih tawh em kha..." Nui sun sun pah chuan a ti a.Hepa tak hi chu😤min run luih hi nuam a ti ve chiang lawm.Kal suh lo ti miah lo ila tha tur😒

Kan bazar zawh chuan,a tlai tawh kher mai...Kan room-ah chuan kan lut a.Kan in bual fai ve ve hnu chuan mut kan tum a.Chutih lai tak chuan ka phone chu a lo ri a 'Unknown Number' a lo ni a.Ka la chu "Jungkook?" A âw chu "Yoongi😱!!!" Ka ti vak a.Taehyung a pawh chuan min lo en kur mai mahse min ngaihsak loh hmel deuhin a hawi leh daih a "Nge kha ti vak a i âu a?" Yoongi chuan phone a tang chuan nui hawk hawk pah chuan a lo ti a."Nia...ihhh...min lo call a,a mak em lawm." Ka ti a."Ka bialpa ka call chu a mak vak mi?" A ti nih chu!Ka lai ringawt leh tawh.Yoongi hi ka duh ve tak tak em maw ni le?A nih lah hian ka bialpa emaw a in ti ringawt si.Taehyung-a chu ka va en zeuh a,a lo mu der tawh."Chutiang...." Ka ti hman chiah Yoongi chuan "Vawiin ka buai lutuk a,ka lo call har deuh che a tihpalh aw...hei tunah pawh ka practice leh tawh dawn a,tukah kan leng dawn nia..."