[COMPLETED] ဗီလိန်ဗျူဟာ || ဘာသာပြန်

[၁] ပြက်ရယ်ပြုချင်စရာပြဇာတ်ဆန်သောအဖွင့်။

အခန်း(၁) ပြက်ရယ်ပြုချင်စရာပြဇာတ်ဆန်သောအဖွင့်

"ဤကဲ့သို့အစ၏နောက်ကွယ်တွင် တစ်စုံတစ်ခုရှိကိုရှိလိမ့်မည်ပင်။"

.................................................................

ဓားသည်ကား သူ၏ရင်ဘတ်ထဲသို့ထိုးဖောက်ဝင်ရောက်လာခဲ့၏။ ကောင်းကင်ပေါ်၌ ထွန်းလင်းတောက်ပနေသော နေမင်းကြီးရှိပါသော်လည်း၊
သူ၏နှလုံးသားထဲသို့ထိုးသွင်းလာခဲ့သည့် ဓားသွားအစွန်း၏အထိအတွေ့ကား ရေခဲကဲ့သို့ပင်အေးစက်စက်ဖြစ်လျက်။

သူ့ရှေ့ရှိရင်းနှီးသောမျက်နှာအားကြည့်ရင်းဖြင့် ယခုလေးတင်ဖြစ်ပျက်သွားခဲ့သည့်ဖြစ်ရပ်အတွက် သူအလွန်ဝမ်းမြောက်ဝမ်းသာဖြစ်သင့်သည်ဟု ကျန်းရွှင်းယီခံစားမိသည်။ သို့သည့်တိုင် သူ့နှလုံးသားမှာမူသက်တောင့်သက်တာဖြစ်ခြင်းမရှိ။

သူသည်ကံမကောင်းစွာဖြင့် လွန်ခဲ့သောနှစ်ပေါင်းများစွာက စာအုပ်တစ်အုပ်ထဲကိုကူးပြောင်းလာခဲ့ကာ ရူးနှမ်းနှမ်းဗီလိန်အသေးစားလေးတစ်ယောက်ဖြစ်လာခဲ့သည်။ သူ၏နှလုံးသားမည်မျှပင်ခံစားနေရပါစေ၊ အပြင်ပန်းမှာတော့ သူဟာဗီလိန်တစ်ယောက်လုပ်ဆောင်ရမည့်တာဝန်ကို ဂရုတစိုက်နှင့်ပြီးမြောက်အောင်ဆောင်ရွက်နေခဲ့ရသည်။ သူ့အားဘာလုပ်ရမလဲဆိုတာကို ထိန်းချုပ်နေသည့်တစ်စုံတစ်ခုကလည်းရှိနေပေသည်။ ကန့်သတ်ချက်ရှိသောဘဝတစ်ခုအနေဖြင့် သူသည်မိနစ်တိုင်း၊ စက္ကန့်တိုင်းကိုဆုပ်ကိုင်လျက် သေခြင်းတရားရှာဖွေသည့်သူ၏"စွမ်းရည်ပါရမီ"ကို ပျော်ရွှင်စွာအသုံးချနေရသည်။ သူဟာ လောကကြီးကိုလွှမ်းမိုးချုပ်ကိုင်မည့်
အဓ်ိကဇာတ်ဆောင်၏လမ်းတစ်လျှောက်တွင် ခလုတ်ကန်သင်းများကိုဖယ်ရှားပေးခဲ့ရသည်။ နောက်ဆုံး၌မူ၊ သူဘဝ၏နောက်ဆုံးသောတာဝန်ကိုပြီးမြောက်ခဲ့ပေသည်-- အဓိကဇာတ်ဆောင်အားသူ့ကိုသတ်ခွင့်ပြုခြင်းပင်။

စနစ်၏ကတိစကားအရ သူဟာ နောက်ဆုံးတွင် "ဤချီးကျူးဖွယ်ကောင်းတဲ့ ဝန်ဆောင်မှုပြီးသည့်နောက်အနားယူမည်"၊ ပြီးလျှင် ပျော်ရွှင်စွာဖြင့်အိမ်ပြန်ရတော့မည်ပင်!