مساءووو حبايبي❤️
ملاحظة : ارجع واكرر اكو غلط الي ميعجبه ليقراها 😪🤚🏻
وغلسوا على السحك 😂
#قسوة_شاجور
#للكاتبة_اسيل✍🏻
___________________
نبجي وناسنه يضحكون
محد يفهم شبينه ابو
گلب السمح لو طاح
تكثر سجاجينه
__________________
رحيق : نعست ونمت بعد ماحسيت بروحي غير على فتحت باب واحد اجه وخر الوصله من حلكي وهو يهمس لتخافين وراها وخر العصابه عن عيني واباوع جانت الباب شويه مفتوحه اباوع نفسه الرجال الجبير وصل ديفتح رجلي دفعته وفتحت الباب داشرد وانطخيت بشي رفعت راسي جانت الشمس بعيني باوعت جانت الملامح قاسيه ويباوع بغضب اريد اشرد لزمني حيل من زندي احس ايدي راح تنخلع اخذني للكرفان
شاجور : اسمعي لج جريتها من شعرها الا اندمكم انتي وابوج الكو.... متعرفون ويه منو اندكيتو انتو الا اخلي لا ليلكم ليل ولا نهاركم نهار اله اخلي تاج الدين يمشي ويتلفت سحلتها وشمرتها بالغرفه وطلعت سديت الباب عليها
رحيق : جانت ملامحه شيطان بهيئه انسان ماكو رحمه بملامحه جان يحجي ويصك على اسنانه ولو بيده يشرب من دمي شمرني بالغرفه وطلع قرفصت نفسي وضليت ابجي شون راح يطلع منه اهلي شلون شون انكلبت حياتي بين ليل ويوم اشتاقيت ال اهلى ال بيتنه اول مره اعوفهم اذكرت قبل شكم يوم شون ماما كاعده اساعدها دسوي دولمه اغسل السنك بس تكولي الله يعين الي يزوجج كلشي ماكو انتي كلت الها عيني الي يحبني يتحملني يجيب اكل من بره ماركب ويجب خادمه مانظف اني وضلينه نضحك كمت رحت للباب اباوع من قفل الباب شفت واكف شكم واحد والبقيه ماكو باوعت من الجهه الثانيه جان مثل المعمل بين الزرع جبير يعني ممبين مغطي الزرع من كل النواحي وجان يدكون بالاوراق مال نبات وهو جان واكف يراقبهم جعت حيل صار يومين ماماكله حتى ماي مشاربه رحت للمغسله اشرب منها
ومكدرت اجرع المي مطيب عبالك وصخ رجعت كعدت بالزاوية
وانفتحت الباب وطب نفس الرجال الي لزمني مباوعلي ابداً
رجعت ليوره فتح الكنتور طلع ملابس وراح للحمام اني خفت شو
هذا ماخذ راحته عزه بس لا يسوي شي بيه اي ليش لا رحت علكيف
افتح بالباب ماكو مقفولة حسيته راح يطلع طفرت بسرعه للزاوية
طلع نشف شعره ودنك لبس البسطال وفتح الباب وطلع شكد حقير يلعب على اعصابي ياربي دخيلك خلصني منهم
زيونه ...
ابو رحيق: كل من ورايه شلون اتاخرت عليها بتي راحت من ايدي
هاي تخاف متتحمل
ام رحيق: حضنته وابجي بتنه الوحيده راحت تاج الدين شلون بيه
اشتاقيت لريحتها اريد بتي تاج الدين ماكدر بدونها
ابو رحيق : كافي موزين عليج خبرت الشرطه وبعد نشوف بلكت
يخابرون شكد ميردون ادفعلهم بس يعوفوها
ام رحيق: كلبي يأذيني عليها هاي كلشي متعرف شلون بيها
دتشرب دتاكل كلشي ماعرف خاف يضربوها وهي متتحمل سوده عليه يمه بتييييي رحيييق
ضياء : لتخافون ان شاء الله نلكاها كل المعارف كتلهم واصدقائي
ضباط
ابو رحيق : هاي رحيق راح اضيع بسبب شباب طايشه
ضياء: اني هسه اروح ولتخوفوني عليكم رحيق ترجعلكم
زينب: الوو خاله شلونج
ام رحيق: شلوني يمه
زينب: ليش خاله شكو عفيه ادك على رحيق من البارحة ماكو
ضل بالي يمها
ام رحيق: سولفتلها الصار
زينب: خاله وهسه شلون عفيه وكمت ابجي
ام رحيق: دندور عليها والله كريم ادعيلها يمه
زينب: سديته من خاله واجتي مرة سجاد
ام مرتضى : شبيج زنوب
زينب: كمت اشهك رحيق خطفوها
ام مرتضى : الله واكبر عليهم شيردون منها الانذال
زينب: اجه امير وسولفتله كام متأذي
امير : رحت لبيتهم دكيت الباب طلع ابوها سئلته شلونه
ابو رحيق : هاي حالنه مثل متشوف
امير : لتخاف عمي اني ارجعها الك راح استلم قضيتها
ابو رحيق: والله ابني ماريد اتعبك
امير : هذا واجبي
ابو رحيق : الله يحفظك ابني
أنت تقرأ
قسوة شاجور
Actionتتحدث القصة عن انتقام حاقد ستواجهه رحيق فهل ستتحمل هذا الانتقام وهل ستصبح أسيره له مدى الحياة
