ﮪۛــ̷̐ـــٰ۪۫لا؛ء⁞(🌝❤️)ֆ شلونكم
اعتذار جداً على التأخير والله حقكم عليه 😢😭❤️
#قسوة_شاجور
#للكاتبة_اسيل✍🏻
~~~~~~~~~~~~~~
الايام انكضن ضحكات ومواعيد
وأحس وحيد
انشف بايد
واكتب بايد
وشطوط الحزن وي دمع عيني اتزيد
~~~~~~~~~~~~~~~~~
رحيق: طبيت جوه حتى بعد مطلعت اندكت الباب حسيت عليها بس مكمت مابيه حيل سمعت صوت همس كمت علكيفي اشوف شكوو فتحت الباب واشوف نور ذابه روحها على آسر وباسته بخده طبيت جوه للغرفه سديت الباب بعدني بصدمتي واني الغبيه اريد اصلح كلشي وابدي من جديد اكول البنيه تبسمر الي طلع هو وياها اي واني الثولة دست على كرامتي وعفت اهلي وتالي اجازه
بهيجي شي نزلت دمعتي مسحتها ماابجي على شنو ابجي شنو تتوقعين منه كلهم كالولي عليه ميفيدج هاي لازم تتحملين محد جبرج ترجعيييله رحت للحمام بعد ماكدر قفلته الباب وكعدت ابجي لا اني مو قويه والله ماكدر ياربي والله ماكدر ليش يصير هيجي كااافي
تعبت تعبت سمعت ايهم يبجي وآسر يصيح عليه غسلته وجهي اباوع عيوني حمر شلون شغله نزلت شعري على عيني يله رحيق طلعت
شفته واكف عفته جريت ايهم من ايده هو صفن كتله اطلع بره اريد ارضعه هو خله وطلع خابرت ماما محتاجه اسمع صوتها ادك عليها ماكو كلت جوز مشغوله وهي كالت راح يسافرون هل ايام تخبلت منين مااندال مقفوله بوجهي لو ادري ماخذ ايهم وشارده للسويد
امدايه اي والله كملت رضاعته رحت فتحت الجنطه طلعت حبايه مال مهدئ جان كاتبها الدكتور اخذتها ضليت اهز برجلي التفكير وشكلهم شلون جانت حاضنته ولازكه بي تلعب نفسي الكلـ.. عديمة التربيه سمعت سدته الباب عرفته طلع رحت سويتلي ريوك
بس اريد أكل اذب حركتي بالأكل وجبت ايهم يمي سويت وكعدت أكل رحت للاستقبال شفته الفراش مالته تخيلتهم اثنينهم استغفر الله وذاك اليوم نمت بي كشت روحي رحت رفعت المخده اكلب بيها على شعرايه شكره ماكو بيها ذبيتها هاي شداسوي اني يطبهم طووب اني ام ايهم وبس بعد شكو من رجعتي شنو جنتي متوقعه هاااا صارلج فترة عايفته خو ماتردين يضل يتانيج طول العمر رجفه بجسمي موتتني رحت اخذت حبايه ثانيه بس اريدها تروح متتت ارضع ب ايهم احس شويه احسن بس راسي موتني اووف ايهم شبيك ماما بس تبجي كاافي افتر بي اسكت بي لحد مغفه المغربيه اندكت الباب طلعت واشوف نور كاشخه ذيج الكشخه حتى حاطه فول مكياج جنها رايحه لعرس حطيت ايدي وره الباب حتى متفوت كتلها شتردين كالت اجيت اشوفج كتلها تصدكين البيت صايره هوسه مو مال اطبين جوه وايهم مدري شبي مالحك اسولف وياج كالتلي هاا على راحتج
كتلها اي عود من انضف اصيحج عوجته بحلكها وراحت تريدني اطببها لبيتي بعد الي سوته شكد صلفه ولا تستحي بس اني الج
طبيت جوه كلت اسوي كيكة وبحجت ارجع الماعون اشوف اهلها ومنو ذوله بدلته ل ايهم وكشخته اني هم وسويت كيكة ورحت دكيت بابهم هذا الحجي الساعه بال٩ باليل دكيت الباب طلعت نور ضلت صافنه كتلها شنو راح تخليني واكفه بالباب دفعته على الخفيف وفتت كتلها كملت البيت وكلت اجي ارجعلكم الماعون كالت تفضلي طبي من وره خشمها طلعت امها كالتلي ياا هلا بيج يمه تفضلي تفضلي طبيت جوه اول مره اشوفها بدون حجاب نور جانت بس شويه من كدام اطلع شعرها فاتحته طويل وكلساع تحرك بي عبالها بس هي عدها شعر ولابسه بجامه حصر على جسمها اله شويه اطك عليها مشايفه ضيفتني امها عصير كتلها والله خاله هستوني شاربه ضلت تسولف امها واجاوبها بعدين ترخصت وطلعت امها مره كلش حبابه بس هي لا وكحه داطلع من بيتهم ولمحني آسر خزرني خزره سويت نفسي ماهتميت دافوت اجه عتني من ايدي وطببني جوه ورزني شنو اطلعين اني مو كتلج اضلين بالبيت ناس تعرفيهم وجماله ماخذه ايهم ورايحتلهم شمدريج بيهم هاااا سكتت مجاوبته فتت جوه نزعت حجابي فات ورايه
YOU ARE READING
قسوة شاجور
Actionتتحدث القصة عن انتقام حاقد ستواجهه رحيق فهل ستتحمل هذا الانتقام وهل ستصبح أسيره له مدى الحياة
