قسوة شاجور

البارت 4

مساءو حبايبي❤️

☹️يعني اني اكتب واتعب وتكولولي
البارت قصير ليش مو داكتب 4000 كلمه
كل بارت ازيد مانقص والله حتى بالنشر ملتزمه وياكم
ارجع واكول النشر يومين بيوم استراحه وانشر بال 11 باليل
والي ماعده واتباد يكدر يضيفني على حساب الانستا (asee.ll0)

قراءة 📖 ممتعه❤️

#قسوة_شاجور
#للكاتبة_اسيل ✍🏻

~~~~~~~~~~~~~~~~~
حگك تعاين و تضحك
ذنّي بالريش الشفتهن
والله لو دليك بجروح الغميجه
چا بچيت بگد غمجهن
~~~~~~~~~~~~~~~~~~~

رحيق : كام عليه اني خفت زحفت ليوره ضربني برجله الضربه صارت على خشمي فرفحت من الوجع كمت ابجي بصوت عالي اجه جرني من شعري
شاجور :عيديها اذا انتي بت امج وابوج كتمي حسج اريد انام اذا سمعت صوت الج اشمرج بره يتونسون بيج
رحيق :دفرني وكام متت من الوجع خليت ايدي على حلكي
والدم ينزل من خشمي وكمت ركضت للحمام اتقيئت لان الدم نزل بحلكي وابجي وحاطه ايدي على حلكي جسمي كام يرجف من الالم ايدي وخشمي احس وجهي انشل من الوجع بس اريد يوكف الدم كلت اخاف انكسر بس كلشي مديبين خشمي ينزف وخدي مجلغ ضليت كاعده بالحمام الحد ما وكف نزيف خشمي ...طلعت جان نايم ماعرف شون يكدر يضرب مره ويدري بيها لا حول ولا قوه عبالك ديضرب رجال فرشت الفراش جان هو غطه وهو انام عليه الف نفسي بي لف وجع خشمي كام يضرب على راسي ماكدر انام فتحت حلكي اتنفس منه واتوسل بربي يخفف الالم الحد ما نمت مكعدت... الا على صوت وهو يبدل سمعته يحجي بالتليفون ويكول جاي جاي مابيكم خير اتسون شغله كوا..... بس نسوان وشرب سويت نفسي نايمه االحد ما طلع كمت لزمتني دوخه انتجيت على الحايط واتمشيت للحمام اتندمت لان انهزمت ايدي وجعها عذاب وخشمي بحثاً اخر ..... فتت للحمام وكفت كدام المرايه اباوع جوه عيوني زراك وخشمي نازف والدم يابس بي بلكوه غسلت وجهي طلعت ورجعت تمددت جان ماعندي حيل ودوخه وراسي يموتني من الم رجعت نمت....... ضليت نايمه احس جسمي نار بس ماكدر اتحرك ارجف واسناني تصك  من البرد بس مابيه اكوم .......حسيت على ايد صارت على كصتي بعدها انرفعت من الكاع وسمعت واحد يكول اي ضلي نايمه خلي اتلمس براحتي شايلني ويتلمس بجسمي النكس يمشي ايده على صدري وعلى فخاذي جنت ماكدر اوخره اسمع بس مابيه حيل ارد لساني ثكيل دموعي صارت تنزل وتحرك خدي احس نفسي عاجزه ......كرهت الساعه الي شفت بيها رزاق وهو ديبيع مخدرات سمعت واحد يصيح الولد: لك عبدو عوفها شدسوي
عبدو : لك دتعال باوع خلي نتونس لان مصاحيه مريضه مدتحس رحيق :سمعت صوت الثاني يكول لك يمعود تريد تبلينه ويه شاجور والله يخلص شاجور براسنه كال
عبدو: قابل بس شاجور يشبع بيها خلي احنه هم لو هو حلال واحنه حرام
الولد:  كال اي مو شاجور بحالها دكوم
رحيق: حسيته وخر مني وانسدت الباب دموعي صارت تنزل وردت اهلي اريد ماما وبابا اني وين اجابني هنا يم هذول النكسين يريدون ينتهكون عرضي ويحجون بشرفي اريد اخلص ماريد اضل اهنا ضليت ابجي على حالي وضعي وعلى اهلي......ضليت بالفراش مكمت لا اكل ولا مي كلشي ماكو بس كل ساع اطب للحمام اغسل واطلع احس نفسي وصخه وريحتي مطيبه كمت متحملت طلعت ملابس ......من عنده بلوز وبنطرون حتى جواريب بالخانه موجودات جدد جريت وحده فتحت شعري ونزعت ملابسي اتاكد انو باب الحمام مقفول لفيت ايدي بجيس مال اكل وخرت الاكل ذبيته واخذته وفتحت المي جان حار اكو سخان صغير بالحمام واكو شامبو مالته وعطورات غسلت بالشامبو بالكوه شعري غسلته وبصايون فركت جسمي اكو خاولي جديد طلعت اتنشفت بي ولبست البلوز صار ويه ركبي والبنطرون بالحزام مرتين لفيته على خصري و ملابسي غسلتهن وعلكتهن وره الباب بلكوه عصرت ملابسي جان اكو هيتو ابو شمعه وضليت كاعده كباله مشطت شعري بالكوه نزل لان صار اهوايه مسابحه وكومه وكع من الجر ....حسيت نفسي خفيفه كمت رجعت مددت ضليت كاعده ولفيت نفسي بالحاف ومتجيه راسي على الحايط متت من الوجع وايدي توجعني ماكو احد طب حتى هو ماكو مادري بي وين
شاجور: نزلت ال بغداد عندي شغل رحت للمعرض جان اكو محاوله بيع بدون علمي عبالهم اني مموجوده يلعبون وره ظهري عاقبتهم كسرته وكلت الهم يذبو على الزبل
شاجور: حظري نفسج جاي بالطريق
سديته ورحت للشقه فتحت الباب وكمزت عليه تبوس بجتفي وبوجهي اخذتها للغرفه كملت وخرت لبست ملابسي وذبيت فلوس وطلعت رجعت البيتي الي بغداد ريحت نفسي وطبيت سبحت خابرت عبدو
ها عبدو شنو الاخبار خلي بالك اذا صار شي هل مره محد يخلصكم مني طبها مرض انطوها اكل عود سديت خابرت اسحاق داشوف قضيه رزاق واسئل عن وضعه اسحاق ملابس فلوس اكل تاخذهن من احمد وصلهن ال رزاق اي لتقصرون بشي سديته ونمت
رحيق: ضليت نايمه على انفتحت الباب طب هذا النكس باوعت عليه بشمئزاز هو يباوع ويبتسم ذب علاكه على الميز وطلع تفلت عليه كمت فتحت العلاكه وكعدت اكل ميته جوع كملت غسلت وكعدت وره الباب اباوع من الزرف دنيا ليل كلشي ممبين كلت اخاف هذا العار يطب بليل يسويلي شي كمت جريت الميز وخليت الكراسي بلكوه شلتهن ثكال رجعت للجربايه ضليت افكر باهلي بازينب اشتاقيت الهم اهوايه وكمت ابجي ايدي كامت توجعني وخشمي مداكدر اتنفس منه الا افتح حلكي كمت تمشيت وبالغرافه الشباك جان ميبين منه شي مغطه بالزرع بس الضوء يفوت رجعت تمددت ونمت حسيت على الباب دتفلش كمت مفزوعه عثرت وكعت الدك جان بخبال كمت رجعت الميز دفع بجسمي وخرت الكراسي انفتحت الباب جان شاجور رجعت ليوره رحت كعدت على الكرسي انهبطت طب للغرفه كال ليش حاطه الميز كال ليش حاطه الميززززز
رحيق: لارد
شاجور: تقربت عليها
رحيق: وخر لتتقرب مني
شاجور: لزمتها من ايدها لويتها
رحيق: اااااه عوفني دأذيني
شاجور: تكولين لو شلون
رحيق: اي راح اكول عوف ايدي حجيتها بنتره شسوي هااا مخطوفه ومادري بيكم هيج نكسين واحد واكعلي دك ضرب واحد يستغل اغمائي ويتحرش بيه ولكم انتو ماعدكم خوات متخافون الله تردون تاخذون شرفي مني ليش تستغلون مرض الواحد وكمت ابجي حرام عليكم شلون لزمني لو قاتلني ولا مسوي هيج بس شكول غير حسبي الله ونعم الوكيل بيكم استاذ شاجور انيييي مو مثل البنات الي تعرفوهن اني مو كحـ... اني اشرف منكم كلكم محافظه على نفسي
راح طلع طبك الباب حيل وسمعت صوته صاااح منو من جنت ماكو طب للغرفه اباوع وجهوهم صارت تطي الوان
هو نضره صار على عبدو تقرب منه وهمس يم اذنه مدري شنو وراها كاللهم كلكم رجعوا لشغلكم يله وعاط بيهم كلهم رجعو لشغلهم اخذ عبدو على صفحه بعد ماكدر اشوف شسوه بي
شاجور: عبدووووو عبدوووو
شنو سويت
عبدو: هاا مو اني
شاجور: ضربته على جتفه اول شي اهنا الكل يخاف مني محد يجرئ يطب للغرفه غيرك وهيج مكتوب على كصتي غبي مااعرف انت ابو كحـ... كم مره نبهت هل بنيه محد يقتربلها هااااااااااااااااا
عبدو: عجبتني وهي مو الي دخلته رزاق للسجن مبيها شي اتونس وياها
شاجور: ضربته بوكس على وجهه وكع بالكاع رجعت رفعته من ياخته ساقطط انت شلك دخل هااااا اذا لمحت خيالك يمها ياعبدو اندمك بكد شعر راسك نذل اتقرب منها والله اندمك كوا..... هاي بس تخلص الشغله الي براسي ارجعها افتهمت لو لا هذا اخر تحذير الك مره ثانيه ماكو عبدو بعد افتهمت وانت تعرف الي اكوله اسوي ماخاف انه
رجعت للغرفه كاعده انتبهت عليها لابسه ملابسي طبيت للحمام داغسل انتبهت ملابسها معلكه غسلت وطلعت دزيتهم يجبون اكل كعدت فركت وجهي وصارت صوره رزاق ابالي اوف يارزاق اسويت بنفسك شكد حذرتك جابو الاكل طبيت داكل جوه اكل هاي على نفس كعدتها
جريت الكرسي وكعدت اكل كملت بقيت الها كمت غسلت كلت الها بقى اكل عود ازقنبي
رحيق: اخذ الولد على صفحه بعد مكمت اشوف شي رجعت المكاني كعدت رجع طب وكعد ياكل اباوع عليه شون ياكل بهدوه وعلى كيفيه رافع اكمام القميص ايده هلكد مانضيفه تلمع لمع ريحت الاكل دوختني بلكذب مكال تعاي اكلي او تفضلي كمل وكام يغسل كال اكلي بقى زقنبوت باوعت عليه كتله فضلاتك الك اني ممعتازه الفضلاتك عافني وطلع
شاجور : دك التليفون الو ها قتيبه شنو يا ساق.... هذا شوكت هذا الحجي السياره انباعت صار اكثر من شهر ويريد يرجعها هسه جاي انه جاي طبيت للغرفه كلت كومي بدلي
رحيق: كمت بدون اي كلمه بدلت ملابسي شويه يبسن همزين الهيتر رحمني بدلت شعري مفتوح لا قراصه ولا شي لبست حذائي وطلعنه ركبنه كال اسمعي اي حركه منج اهلج يروحون بيها افتهمتي هزيت راسي تجيت على الجامه جان يسوق سريع طريق خارجي نمت محسيت حسيت طبه انركع راسي بالجامه كملت عدلت كعدتي الحد ما وصلنه لافته بغداد ترحب بكم
مشى بشارع...... كل شقق اني شايفتهم طبك يم عماره نزل ونزلت اني هم كال كلمه وحده متحجين هزيت راسي مالي طاقه احجي صعدنه بالمصعد وكف المصعد بالطابق الثالث راح على شقه فتحها اني جنت بظهره واكفه سمعت صوت بنيه اجتي حظنته مديت راسي شفته وخرها هي ممنتبه عليه جانت بنيه ضخمه طويله بس مو بطوله كلش حلوه الشعر احمر دم والشفايف منفوخه والخشم مزرف والاظافر الصبغ اسود كصيته كص بنظراتي هي بعدين انتبهت عليه رفعت حاجبها كالت هاي منو كرار صفنت على اسمه شنو اسمه كرار
شاجور: مالج دخل تخليها عندج كلمه زايده لتحجين
رحيق: جرني من ايدي دخلني ليجوه كال الهم سوي اكل جوعان
هي صافنه عليه عاط بيها كال
شاجور: خير يله ولي سوي زقنبوت كالت من عيني راحت تركض الشقه تخبل الاثاث يخبل ونظيفه حيييل وبس ريحه المعطرات هو طب بوحده من الغرف طلع لابس برموده وتيشرت اجتي جايبه الاكل هو كاعد ياكل وهي واكفه يم راسه كل ساعه جايبه حاجه ومكعدت اكلت عبالك خدامه كمل اكل وراح للغرفه راحت تركض وره بعدين طلعو من الغرفه اني عبالي مرته طلع هو ويوصي يكلها الباب مينفتح الا اجه اني التفت عليه كال
شاجور: اي حركه تعرفين منو يروح بيها
رحيق :هزيت راسي وطلع اجتي شالت الصينه مالته وجابتلي اكل كالت تعاي اكلي كلت بس اريد اغسل دلتني على الحمام طبيت للحمام يلمع من النظافه باوعت على وجهي خشمي احمر وجوه عيوني بعده ازرك رجعت للمطبخ وكعدت اكل والله الطبخ جان طيب والله كومه اكلت بس هي كل ساع ارفع عيني اشوفها تباوع عليه من فوك ليجوه كملت اخذت الصينه كلت شكراً كالت روحي كعدي هناك رحت كعدت على الطخم حت عليها كلت عفيه بدون زحمه عندج حبوب مال راس انطتني الشريط اخذت حبايتين راسي يموتني شربتهن وكعدت نعست حيل هي نهائياً مسئلتني على شي كملت وراحت تمددت على التخم اني ماعرف شون نمت
شاجور : اخذتها للشقه مردت اخذها البيتي لان فارغ ومحد بي واخاف تسوي شي وبعد مالكيها اخذتها للشقه وصيت ساره كلمه وحده متحجي وياها و تسئلها بدلت وطلعت وصلت للمعرض وشفت الجام مكسر نزلت واجاني قتيبه كال شاجور هذا اجه كسر الجام لان مقبل نرجع السياره كلته الكامرات مسجله كال اي كلشي تمام وكلشي مصور
شاجور : الو السلام عليكم مقدم حسين اريد تجي بدوريه للمعرض لان اتعرضو للمعرض الي بمنطقه.... اي كلشي مصور تعال وافهمك سديته صحت على قتيبه يصلحون الجام طبيت للمكتب طلعت التسجيل وضليت اتفرج اجه المقدم اصافحت ويا وكتله يابه هذا مشتري سياره قبل شهر ودافع فلوس وكلشي تمام السياره وسوه حادث بالسياره واجه جاب السياره يريد يرجعها وياخذ فلوسه انه مجنت موجود خارج بغداد ومتهجم على المعرض مكسر الجام لان مقابيلن نرجع السياره هاك شوف التسجيل وهذا عقد البيع كال هاي هي هسه نسوي القاء قبض لان كلشي موثق وماكو احتيال بالموضوع كتله بقت يمك اني مو دائما موجود بابغداد اخاف يحرك المعرض اسويها كربلاء وماعترف بقانون خليتهم يمك حتى تصرف انت كال هاي هي اعتبر كلشي تم وناخذ تعهد عدم التعرض بعد للمعرض
وصلت للباب وطلعت رجعت للشقه فتحت الباب لكيت رحيق نايمه على التخم وشعرها نازل بالكاع صحت ساره اجتي ساره ولابسه سيت ومكيجه ساره كلش حلوه والصفه الحلو بيها مطيعه شنو اكول الها تكول صار متعترض ومتسئل بعد
كلت ال ساره كعديها خلي تنام جوه  اريد اشرب كالت صار
رحيق: حسيت على واحد يدغني بجتفي فتحت عيني جانت ساره كالت كومي نامي جوه هزيت راسي وكمت فركت عيوني شفت شاجور كاعد وديدخن ويباوع عليه كمت خليت شعري وره اذني ورحت وراها طببتني بغرفه لكيتها فارشه بالكاع بسرعه رحت نمت حسيت ماعرف ساعه بيش ميته عطش طلعت بره وياريت مطلعت لكيت منظر مقزز طبله عليها مشروب وهذا شاجور نايم على ساره يبوس بيها بسرعه رجعت ليوره وطبيت للغرفه احس صخنت وجهي يطلع حراره منه ماعرف اذا شافوني او لا بس كرهت روحي اني هذا وين جايبني كمت ابجي اني اول مره اشوف هيج حتى بالتلفزيون من البطل يبوس البطله اغمض عيوني هذا خلاني اشوف كل شي حقيقي من الخطف والضرب والمخدرات والشرب وختمها بهذا المشهد نفسي كامت تكلب وحسيت بتقزز وقشعر بدني بسرعه طلعت اركض طبيت للحمام واتقيئت كل شي احس حتى معدتي طلعت كعدت على التواليت الغربي سديته وكعدت كمت غسلت وطلعت مجان اكو احد بالصاله بس البطاله مال مشروب بعدها شربت مي ورجعت للغرفه........
كلت ياريت مشفت شي كمت فتريت بالغرفه فارغه بس الفراش
بالكاع جان بيها شبابيك فتحت الشباك جانت دتمطر بس خفيف والله اجتي ابالي انتحر واخلص بس خفت من ربي واهلي يموتون ورايه ضليت اباوع والهوى حلو بدايه الشهر الشهر الثالث عيني ماخذت نوم بعد ضليت كاعده جعت بس مطلعت كلت اخاف هم اشوف شي محلو ضليت كاعده وساكته ......طلع الصبح واني كاعده اتفرج من الشباك والسيارات تروح وتجي حسيت على باب انفتحت ورجعت انسدت مكمت من مكاني انفتحت الباب مال الغرفه درت وجهي شفتها ساره شافتني وطلعت كمت لميت الفراش ساعه تقريباً واجتي ساره ساره :تعاي تريكي
رحيق: كمت وياها طبيت للحمام غسلت وطلعت الصاله نضيفه وشاجور ماكو حطتلي ريوك كعدت اكل وكملت داشيل المواعين كامت هي كالت اكعدي عيني اني اشيلهن بس جانت تحجي وتعوج بحلكها عفتها وكمت كعدت بالصاله وهي اطب من وتطلع منه كلمه وحده متحجي كلت عفيه خلي اخابر اهلي جاوبتني وهي اطك بعلجها سارة: عيني تريدين تبليني ويه كرار روحي كعدي وصيري حبابه رحيق : دفعتني من جتفي رجعت كعدت مرت شكم ساعه وانفتحت الباب طلعت من الغرفه تركض وتخرخش بالحجل مالتها والذهب تركض عليه طب هو بسرعه دنجت الموقف مال البارحه ضل براسي واستحي اباوع عليه طب هو حظنته دفعها هو وفات باوعلي
شاجور: يله امشي
رحيق: طلعنه وهي تكول بالباب حبيبي موتتأخر هو سد الباب وطلعنه فات رجال من يمنه باوعتله بنظره حزن هو بسرعه انتبهى عليه جرني وصرت كباله وهمس
شاجور: حركاتج بطليها
رحيق: طول الطريق ساكته بودي اخذ المسدس وافرغه براسه واخلص منه الطريق جان طويل وراها فزيت على دغته
شاجور: يله نززززلي
رحيق: نزلت رجعني للكرفان حيل ضجت اباوع عبدو يباوعلي من وره خشمه طبيت للكرفان هم رجعت لسجني دخيلك ربي شوكت تخلصني منه مو لعبت روحيي جنت بغداد قربه على اهلي
مشفتهم راح يصير اسبوع معقوله مديدورون عليه شنو الي صار شنو وضعهم اووف لو ادري شارده بس ادري بي يأذيكم طب اخذ ملابسه وبدل وطلع جانت هوسه بره والدنيا صارت مغرب هيج وكت يبدون يجهزون البضاعه
اجه واحد وزع عليهم لفات واخذو استراحه يسولفون ويضحكون اذكرت سوالفي ويه زينب بله هي هم مشتاقتلي
وكليتي ضاعته عليه
شاجور: حظرو الغراض حتى نغير مكانه هذا حسن ناوي على شر وماريد اخسر البضاعه
الولد: اي هسه نبدي ننقلهن لغير مكان
شاجور: جانت هوسه واجتي بيكمات حتى ينقلون البضاعه انتبه يمعود شبيك مطييييي وانت الثاني خف ايدك انعل ابـ... بلال٦ الفجر اريد هذا المكان يصوصي فتهمتوا
الكل: ايي
شاجور: هاي النوعيه دربالكم من تنقلوها
حطوها بصناديق الخضره جواهن وانت حطهن بالكراتين مال شكر والتمن يله تحركوا كعدت ادخن واباوع شلون يلمون البضاعه و يودوها اني من اشتغل مااشرب حتى اركز خابرت محمود
محمود: هاا شاجور
شاجور: شصار على البضاعه وصلتوها
محمود: اي وصلناها و وزعت على الشباب هم يرجعون على الجامعات بس اكو مشكلة
شاجور: شنوووووو
محمود: هذا فارس من ديوزع بالمدارس لاكفه معلم ورايح مبلغ عليه وهسه محبوس وانت تدري هذا بس يضربو يكت الاول والتالي
شاجور: اريد فديوم تكملون شغلكم عدل ماااااكو روح طيح الله حظكم دكيت على جاسم
جاسم : هاا شاجور
شاجور : هذا فارس انسجن حل موضوعه
اريد تنهي عليه قبل ميحققون وياه فتهمت
جاسم : الشغله صعبه بس ادبرها
شاجور: مخابرت حتى تكلي الشغله صعبه
منه لفد شويه اسمع خبره يله امشي ولي
جاسم : حاظر مثل متريد فد شوية احسب موضوعه منتهي
شاجور: دخلت جوه اجيب باكيت جكاير خلص ذاك شفتها كاعده وصافنه تقربت منها ودنكت كتلها مره الثانيه اذا اطلبين من احد تلفووون
رحيق: هاا شمدريك
شاجور: كفختها على راسها احجييي عدل
رحيق: عسى ايدك بالكسر ان شاء الله بكلبي كلتها
شاجور : كل حركه تسويها اني ادري بيها
والخلقج اخليج اشوفين ابوج مدد بالمستشفى اذا تلعبين بذيلج
رحيق: بعد ماعيدها حجيتها ودنكت محطيت عيني بعينه اخاف من عيونه
شاجور: رحت لاكنتور طلعت ملابس وشمرتها عليها كتلها كووومي بدلي
رحيق: هااا ليش ماريد ابدل وليش تشمر ملابسي بالزبال خليتني اطلعهن والبسهن هااا حطيت ايدي على حلكي بسرعه وكلت اسفه اسفه
شاجور : شمرت الكلاص عليها
رحيق: كاافي حتى لو حيوان متعامله هيج
شاجور: شكلتيييي
رحيق: بسرعه شردت للحمام جان مطيني ملابس كلهن اعراض طلعت مدري شلونهن عليه وراها اجه لبسني كاسكيته وكالي
شاجور : حسج صوتج يطلع فتهمتييييييي طلعنه بالسياره والمكان فارغ مابي احد سمعته خابر واحد كال
شاجور: لتمشون سوه كل واحد يطب من شارع لا كلكم سوه افتهمتو رحيق: وسده جان يسوق سريع وكل ساع يخابر واحد الحد ما طبينه محافظه ...... تفاجئت كتله هاي وين جايبني هزيته من ايده ضربني على حلكي
شاجور: انلصمي لتحجين حجي زايد
رحيق: كتله الله يخليك رجعني ال اهلي والله بعد منحجي معلينه بيكم حتى لو انشوفكم تكتلون واحد كدامنه معلينه والله ضحك باستهزاز
شاجور: طببتو رزاق للسجن واخليكم براحتكم حلم  ابليس بالجنه
رحيق:  كتله هو انت ابليس لعنه الله عليك ضحك وصلنه هم البستان وجان اكبر من ذاك كلش جبير طبب السياره بين الزرع جانت اكو حفر كل ساع السياره تطمس الحد ما وصلنه البيت بنص البستان جان ممبين من كثره الزرع نزلت من السياره اجه جرني من ايدي وفتح الباب وطببني بي وطلع هو سمعته يخابر
شاجور: ها وين وصلتو يله عفيه بالشباب بسرعه للمعمل مال قواطي المعجون اطببون البضاعه حتى كلشي ليبين
رحيق : جان البيت من طين بس كلشي بي مثل ذاك حتى ثلاجه بي ضليت كاعده بمكاني متحركت
شاجور : وصلو الشباب بسرعه للمعمل رحنه ضمينه البضاعه جوه الصناديك مال معجون لان هذا البستان بس فلاحين ماريد شي يبين لان شغلنه راح يصير بليل والصبح للفالحين تم كلشي رجعت للبيت طبيت شفتها كاعده وحاطه ايدها على خدها طبيت سبحت وطلعت تمددت رحيق: طب للبيت اني كاعده اتفرج عليه طلع ملابس وراح غسل وطلع بسرعه بس حط راسه ونام ضليت كاعده صار يومين منايمه نام حتى مكال هاي شون راح تنام وين تنام والله اعجز اكول على هذا الانسان حقير ولا عبالك شايفني والله كمت رحت للكنتور واكو مثل البرده نزلتها وفرشتها وجبت بلوز سويته مثل المخده والقمصله مالته تغطيت بيها ونمت والله بروده الكاع ادك بعضمي بس جنت كلش نعسانه ونمت كعدت على صوت نسوان كمت اتفاجئت رفعت راسي شفته ماكو هو كمت بسرعه جان اكو شباك بس عالي شوي جبت الكرسي وصعدت عليه شفت نسوان شون مثل الي ديزرعن مادري يحرثن ضليت اتفرج عليهن انفتحت الباب شفته اجه نزلت جان جايب اكل كال تعاي اكلي وجايب ترمز ويه بي چاي صب چاي وكعد يشرب واني كعدت اكل كملت اندكت الباب فتحها جانت مره لافه العبايه على خصرها كالت
ام محمد: ها يمه كرار شلونك بوسته هو باسها من راسها طلعت اني شافتني كالت هاي الشكره منهو باوع عليه جرني من جتفي كال
شاجور: هاي مرتي ام محمد كالت
ام محمد: ولك مزوج ومعزمتني
رحيق: ضحك هو كال صارت بسرعه بسرعه ملحكت اعزم احد كالت ام محمد: هاي شبيها ايدها وليش وجه ازرك
شاجور:  ضربتها سياره
رحيق: اني احس الدم صعد براسي وهو عاصر جتفي حيل همس
شاجور: ابتسمي
رحيق: خاله اذا عدج ملابس تطيني تدرين جيتنه صارت بسرعه وملحكت اجيب ملابس ويايه اذا مصير عليج زحمه هو زاد من عصرت جتفي باوعتله وابتسمت
ام محمد: اي يمه جا هي شنهي انتي اطلبي وانه اجيبلج جنج على ملابس
رحيق: طلعت المره هو خزرني كتله شنوو
شاجور: رحت تمددت
رحيق: كعدت على صفحه وره شوية اندكت الباب كام فتحها وشمر الغراض عليه جانت دشداشه لونه ازرك وعليها ورده اصفر ضحكت هو انتبه عليه ودار وجه باوعت شيله مال عجايز استغفر الله طبيت للحمام جان يخوف داريد اسبح وجان اباوع ابو بريص شكبره بالحمام كمت اعيططط واكمز هو اجه بسرعه طب ضل صافن واني جنت لافه الخاولي عليه
شاجور: شبيج جنج صوت الكحـ.......
رحيق: عفيه هاي تمساح اهنا وخره طلعت من الحمام وجانت الباب مال غرفه شوية مفتوحه منتبهت عليها هو جرني طببني للحمام وخزرني
شاجور: رحت سديته الباب وجريتها من الحمام كتله اوكفي اهنا طبيت شفته ابو بريص كتلته وذبيته بالزبالة اشرتلها اطب
رحيق: ماااا مااطبب
شاجور: خره بيج يطبج طوب
رحيق: ضليت واكفه ومستحيه لازم اطب شسوي طبيت واني اباوع منه ومنه بسرعه لبست الدشداشه وطلعت جانت اكو مرايه بالغرفه وكفت كبالها وكمت انشف شعري اني شعري طويل وسرح
مشطت شعري هو كاعد يلعب بلتيفون وظفرته وربطت الشال بالظفيره وشديتها من جوه بس الدشداشه جانت تخرب ضحك عريضه وطويله وجانت جايبه وياها مثل الروب بس ريحتهن طيبه شميتهن يله لبستهن اني كلش ادقق من اكل او اشرب او البس شي لازم اشمه يله ماكدر وشكد ماما كلتي بطلي من هاي العاده بس ماكدر كعدت هو كام طلع جبت الكرسي وصعدت باوعت شفت كومه نسوان بس ماكو ولا شاب حتى شاجور ماكو كلت ذولي وين راحو نزلت رجعت كعدت بمكاني ماعرف شسوي كاعده وساكته اندكت الباب كلت منو
ام محمد: انه يمه ام محمد فجي الباب
رحيق: رديت خاله المفتاح يم ش اقصد كرار وهو طالع ردت
ام محمد: چا ليش حابسج انه جبتلكم مواجيل
رحيق:  كلت شنو كالت اكل يمه اكل دحجي كالت اجه زلمتج
شاجور: ها يمه
ام محمد: جا يمه ليش قافل الباب على مريتك
شاجور: مو هي تخاف
ام محمد: هذا اكلكم يمه اذا تحتاج شي صيح فطومه
شاجور: بستها من راسها وفتحت الباب
رحيق: انفتحت الباب وطب شاجور ويه صينيه الاكل شافتني المره كالت ياا هاي الدشداشه جبيره عليج باجر اخلي بتي تخيطلج على كدج
رحيق: كلت شكراً خاله ماكو داعي كالت
ام محمد: ولك كرير مين جبت هاي المايعه
رحيق : هو ضحك وهي خلت وراحت
شاجور: عفت الصينيه بالكاع وكتله اكلي
رحيق: طبعاً اكل خو ماتريد انتظر تبقي فضلاتك الي كلتها بكلبي كعدت اكلت وراها حطيت الصينيه على صفحه هو باوعلي
شاجور: شو خليتيها على صفحه ترى ذاك سنك غسليهن
رحيق: هااا اني اغسلهن
شاجور: لا ابويه
رحيق: بلعت ريك وكتله ايدي ماكدر جذب هو اني ماعرف اغسلهن اذا لزمت ماعون اكسره جانت امي متخليني تكلي الماعين كسرتيهن
شاجور: واذا ايدج مكسوره اكو ايد سليمه امشي غسليهن
رحيق: اغسلهن انت
شاجور: كمت من مكاني واتجهت عليها رفعتها من دشداشتها كتله من اكول تغسليهن تغسليهن فتهمتيييييي
رحيق: كمت ابجي وخرته علكيف كتله ماعرف والله شلون اغسلهن وجنت اشهك خاف اكسرهن وعين من المره
هو ضحك ورجع لمكانه اني رحت للحمام غسلت وضليت كاعده بي اووف تفشلت امدايه ليش ماعرف اسوي شي
مره اسبوع على كعدتنه اهنا طب شاجور كالي لبسي وتعاي طلعت خزرني
شاجور: حطي الشال على راسج
رحيق: ماعرف شلون البسه
تقرب بغضب لفه الي شلون مجان وجرني وراه جان اكو رجال جبير سلم عليه وكاله
شاجور: هاي ايدها افتحها الها وشوفها صارت زينه بده يفتحها ويفحصها وكالي اي بعد متحتاج تجبيره وطلعت ايدها بيضه قطن خزرتها كتله نزلي ردنج
رحيق: ايدي شويه بيها وجع بس ارتاحيت من فتحتها رجعت طبيت للبيت ذبيت الشيله اختنكت منها بديت احرك ايدي اثنينهن كمت ابتسم الحمدلله رجعت ايدي زينه واكدر اتحرك على راحتي صارت الدنيا مغربيه اسمع اصوات بره شكد تمنيت اطلع ضجت من الغرفه كلت خلي اطلع فاكهه واكل طلعت تفاحه واكلتها نصها وراها كلت هذا يتأخر يله يجي اروح انام على الجربايه والله كمت نمت عليها فد ارتاحيت ولفيت روحي بالغطه ونمت وراها كعدت على واحد يدغني وخرت ايده اني ومغمضه ودرت راسي كلت وخري ماما اريد انام بعدني نعسانه
وراها دغني حيل كمزت كلت اااااه
باوعت هذا شاجور والله ليذبحني لا ونايمه على جربايته كمت من الجربايه جانت ملامح الغضب عليه انتبهت نص رجلي طالعه يبوو عليه كمت بسرعه رحت رجعت لمكاني سويت نفسي مامسويه شي
شاجور: طبيت شفتها نايمه على الجربايه
تخبلت رحت اكعدها ماكو جنها مطي ونايم وراها باوعت رجلها نصها طالعه وبيض دغيتها حيل كمزت بس جانت ملامحه مال خوف وراها كعدت بمكانها اشرتلها بمعنى تعاي
رحيق: اشرلي تعاي كتله انييي
شاجور: لا الحايط الوراج تعاي بدلي الفراش مال جربايه والمخده يله
رحيق: ترى نظيفه اني مو وصخه
شاجور: كتلج بدليها ماكتلج الغي
رحيق: كمت بدلت الجرجف وتمدد اني هم رجعت كملت نومتي وراها حسيت شي يمشي عليه كمزت من الفراش وجانت ظلمه وعطتت صووت يمكن الكل كعد حسيت طخيت بشي انداريت لكيته شاجور وعويونه حمر
كمزت على الجربايه مالته كتله عفيه مدري شنو يمشي بالكاع وكمت ابجي وحطيت ايدي على وجهي
شاجور: جنت نايمه وهاي القنـ... كعدتني رحت شفتها كمزت وانطخت بيه وراها كمزت على الجربايه رحت علكت ال لاله
اباوع ماكو شي اجيت عليها جريتها من الجربايه شو هاي ....
~~~~~~~~~~~~~~~~~~~~~~~~~~~~~~~~~~~~~~~~~~~~~
🤪🙄وره متكملون قراءة البارت تعالو على الانستا
وكتبو توقعاتكم للبارت الجاي وراح
انزل باجر تغشيشه😉

اتمنى عجبكم
#Aseel✍🏻