قسوة شاجور

البارت 25

ﮪۛــ̷̐ـــٰ۪۫لا؛ء⁞(🌝❤️)ֆ
شلونكم

~~~~~~~~~~~~~~

تِبچي ..
ومَحد يوصّيك بعيونَك
ولا واحد يگُلك ليّش ؟
و شمبيوّك مِن لونَك
ماكو بنادم بلونَك .!
تصفُن مِثل مرجوحة جزاها العيد
تسرح مدري ويّن ..
بعيّد .. حيّل بعيّد
وغفلة تفزّزك دمّعة
و تكسر خاطرك دمّعة
هذا انتَ التطيّح ومحد يشيلَك
هذا انتَ العَزيز وگاع منديلَك
تِستهضُم ..
تلِم روحَك مِثل ورگات محترگه
تضحَك للمرايه و تستغرب رسومك .!

~~~~~~~~~~~~~~~~~~~~~

آسر : من دخل الامن واخذوني مجنت خايف على روحي لان ادري مراح يلكون شي بس جنت خايف عليها وتخبلت من شفتها طلعت بدون حجاب ويباوعون عليها وهذا امير الكـ... راد يلزمها تخبلت كم ادفع بيهم واغلط عليهم ركبوني واني اباوعلها شلون منهاره متت عليها
طبينه حطوني بغرفه وبدو يحققون ويايه جنت ماجاوب على اسئلتهم كتلهم اريد محامي كالو مبين تعرف كلشي كتلهم هذا حقي ضلوا يسئلون ومااجاوبهم كالولي تدري شنو تهمتك مخدرات وخطف وتجاره اعضاء ضحكت كتله من يكون عدك دليل تعال واجهني تخبل هو هجم عليه كتله مو باتصال تلقون قبض وتتهم احد الضابط الي وياه ضل صافن ولا خفت منهم بالي يمها شلونها خاف صار بيها شي وهي متتحمل بس خلي اطلع اني الكم عبالكم توكعوني بس معرفتوا شاجور منو والخلقكم اذا ماامحيكم ماطلع شاااجور كالي الضابط آسر ضحكت كالي شبيك تضحك كتله محد يكلي آسر غير شخص واحد وهو الوحيد الي تعجبني من يكولها كتله اريد اتصل على المحامي طلع ضليت انتظر فركت راسي رحيق اووف شلون بيج ثاني يوم خلوني اتصل خابرت على اسحاق لازم اطلع دبرلي محامي زين اهنا اطي شكد يريد فتهمتتتتتت اطلع اريد وكول لقتيبه رحيق هو يفهم اخذو الموبايل مني الحقراء اجيت انتفه بوكس النكس
رجعني للغرفه كتله لتدفع طبيت جوه ضربت الميز حيل هذا امير شجااااااابه كل ماذكر عينه عليها اتخبل ظليت ٣ ايام بين مجابولي محامي لان شغلته مخدرات طولت وشالو قضيته الخطف سمعت جايبيها ومحققين وياها ومامطيه بيه بعد روحي الجلاب دخلو للمخافر
اني الهم وداعتج اذا ماابجيهم دم كالي سافرت هو كال هيج احسه طلع روحي كتله شنوو سافرت ذاك عمها العصبي عاااط كالي اييييي سافرت خو ماتريدهم يعوفها يم واحد مجرم مثلك اجيت اهجم عليه لزمونييي عفتهم ورحت خابرت قتيبه لعبة لعبي بي كتله هسه ادورلي وين رحيييق لا احركك مابقيت مكان مدورت بي عليها أتأكدت هي مو بالعراق احس الدنيا سودة بعيني الشي الي جنت خايف منه صار اخذوها وراحوا حرموني منها اووووف رحيق شلووون بيه شلون اتحمل اني كوليلي شلووووون شلوووووووون كمت اضرب على صدري قوي
شلون كدرتي تعوفيني وترحيييييين لججج شلون اكدر اعيش بدونج شلون اكدر اتنفس كطعتي الاوكسجين مني لزمت ملابسها وشميتهن حيل اخر شي جانت لابسته انهاريت بعد مكدرت نزلت
دمعتي اي شاجور مو شاجور من راحت رحيق
تغيرت حيل صار ماعدي واهس اسوي شي صرت غير انسان لحد هاي الحظه اني ادور عليها محد يكلي يادوله سافرت نقلت شغلي للبصره فتحت اهناك معرض واشتريت بيت بفلوس الي اطلعهن
من المعرض وضعي زين عفت كل سوالفي لا شرب ولا نسوان كلهن حرمتهن عليه اما العصابات بعدها تريدني جنت حذر كلش
بس اصيرلي جيات لبغداد علمود البيع مال سيارات حياتي عبارة عن شغل ذاب روحي بالشغل ابد مااكعد اخر شي قررت افتح سوبر ماركت جبير كلت اشغل بي شباب وهم اشغل فلوسي قتيبه جان ويايه ويايه ابد معافني ام محمود الـ... لكيته قبل ماابدي حياتي من جديد لعبت لعب بي مابقيت شي بي صاحي كتله ابقيك عايش
علمود امك مو علمودك وتفلت عليه لو بيدي اشرب من دمك يانذل واميرا رحتله للقسم مالته طبيت عليه هو شافني عيونه صارن بكصته ضربت على ميزه ويييييين رحيق هو ابتسم ... رحيق راحت بعد مترجع شعدها ويه واحد مرجم هاااا ... انت منو وتقرر هااا كلللللللييييي وينها
اشر للحراس يطلعون راحوا رحت لزمته من ياخته ولا خفت منهم ... تدري هذا يسمو اعتداء على ضابط.. طززز بيك وب الي اطاك هاي المرتبه فتهمتتتت اريد اعرف مرتي ويييين ... مراح تعرف وين وتطلكها غصب ماعلى راسك البنيه متريدك كوه هي ... ضحكت اي عود من اشوفها وتكلي ماريدك عود اطلكها ... آسر اسمك موو لو شاجور رحيق الي وراح اخذها منك شلون حرمتني منها كل هاي السنين راح احرمك منها هااا وصدوك لايكلها شعرها الكصير ... متحملت ضربته بوكس اجوي الحراس سحلوني طلعوني بره طلعت هايج مثل البركان اريد افرغ غضبي كمت اضرب بيدي حيل بالحايط اووووووووووووووووووووووووف رحيييييييييييييق وينجج وينججججججججج اجالي قتيبه لزمني كافي شاجور نلكاها وداعتك
كافي اذيت ايدك كعدت بالكاع منتهي بعد ماكدر ايدي ماحس بيها
اخذني قتيبه للمستشفى طلع كسر بيهن اثنينهن
سواهن الي وطلعت وداني قتيبه لبيته ضليت ٣ اشهر بالبيت اخر شي كتله ماريد ابقى اهنا خلي ننقل كلشي للبصرة هو هم كال اي احسن قبل ماروح للبصره كتله اخذني لسليمانيه اخذني وصلنه طبيت للبيت هو ضل منتظرني بره شفت الدجاجات ميتات اذكرتها من ينزل شعرها وتوخره وتطيهن أكل وتبتسملي واجي احضنها من وره بكل مكان موجوده انتيييي تدرين ٣ اشهر احسهن سجن بالنسبه الي تدرين شصار بيه من رحتييييي اخذتي روحي ورحتي رحيق حبيبت شاجور قلبه وروحه وعمره طبيت جوه افتر بالبيت رحت على فراشها حضنت مخدتها حيل دموعي بللت المخده احس روحي دتطلع
كارهتنييي كارهه آسر طلعتيني من قلبج بعد هاااا رحيق ارييييييدج حسي بيه اريييييدج راح اموت بدونج لج اني الي ماابجي شوفي حالي ابجي كل يوم عليج لو من اشم فستانج واذكر
كلشي شلون جنتي طالعه بي آسر مات محد يكدر يرجع روحه غيرج راح اضل منتظرج واذا رجعتي وغصيت اذا رجعتي اوعدج تلكين آسر مو شاجور راح تلكين آسر الي ردتي مراح يقصر بحبه وياج ابداً من ترجعين راح اسولفلج شسويتي بيه من رحتي راح اشوف عينج بيهن كره لو حب اذا كره راح ابعد راح اشوف من عفتيني انتي سعيدة بحياتج مراح ادخل بيها واسببلج حزن رحيييق عساج بسعادة متفاركج ياروح آسر عساج بخيررر ياروحي سديته الباب وطلعت
رجعت للبصرة ثاني يوم غسلت وزينت شعري صفر ولحيتي عدلتها لبست الكاسكيته وطلعت شغلته السيارة شفته ام تحسين هاي الصبح
تغسل الشارع يم بيتها ودائماً ادزلي أكل كلش حبابه ومرات اصيحني اسويلها دكمه عاطله لو الماطور واروح اسويلها جانت عدها بنيه بس بتها دومها عينها عليه واني ولا مهتم بيها متدري كلبي ساكنته وحده مستحيل يدخل احد غيره رحت للسوبر ماركت جانو بعدهم ديعدلون عليه شفتهم ونبهتهم على كم شغله بعد اسبوع على الافتتاحيه يله شباب اشتغلوا بسرعه شنو هاااي اجالي قتيبه ... يابه علكيفك مو ديشتغلون بشر ام تحسين شطتك هل مره فطاير لو لفات ... ضربته على راسه امشييي لك اني بيا حال وانت تفكر بطنك امشي جيبلي جاي راسي راح يطك ... شنو شارب ... انجب لك شنو شارب امشي روح للمعرض شعدك جاي ومتيهى ... اجيت اخذلي كم شغله من المحل طكني الجوع... لا هاهي راح نعزل بعدنه مافاتحي وبديت تاخذ ادفع فلوس واخذذذذذ عينيي رجعت للمعرض اني وقتيبه جيكن على السيارات وضبطنه الامور لليل ورجعت للبيت لاكتني ام تحسين كالتلي خاله هذا عشه الك اشكرت منها وطبيت حطيته على الميز جانت مسويه تبسي اكلت اول لكمه وصارت رحيق كبال عيني من جانت تسوي دفعت الاكل وكمت رحت ذبيت روحي على الجربايه شوكت الكاج بست ملابسها ونمت كعدت غسلته وطلعت قبل كالتلي ام تحسين اشغل ابنها وكتلها من اكمل دزي واشوف بتها موتتني ولا تكعد راحه اجتي بحجته تاخذ ماعين كتلها انتظري اهنا هسه اجيبهن الج طبيت اباوع طابه ورايه كتلها شعدج طابه خزرتها كالت بس اكولك شي كتلها لا اكولج ولا تكوليلي امشي طلعي من يشوفج هسه احد طابه على رجال وحده شيكولون عليج هااااا مخفتي على اهلج كالتلي ... آسر اني احبك .. سلحتها وطلعتها بره كتلها اذا اشوفج يم هذا البيت اكول ل اهلج عليج هي كامت تبجي وراحت غبيه ركبت السيارة ورحت قتيبه .... هاي شبيك ... يمعود هاي المخبله خلتني اصير عصبي .. اي استاذ آسر معجباتك اهواي شسوي ياريت عدي معجبات مثلك .. امشييي لك ابو البنات يله كوم شوف شغلك وشيل هذا الاكل من الميز وصخت المكان و وصيلي قهوة هاا كمل وتعال رايدك بشغله
انتظرت كمل واجه اكو ولد راح يجي اسمه تحسين شوفله شغله اييي عفيه هذا الابيضاني ... لك هذا غير يخبل شكول يشتغل ويانه .. راح
ادفنك اهنا قتيبه .. مدبرلي اخته يابه ..قتيببببه صار موعد افتتاح السوبر ماركت وشغلته بي ولد هم صار جبير كلش طابقين كمت يا اروح للمعرض يا للسوبر اجيك على الوضع ارجع للبيت ﺎسُـٰبحَ وانام حياتي بدونها كلش صعبه تعودت عليها بالبيت من تفتر هسه هدوء البيت اطفي الاضويه واضل كاعد ادخن اغمض عيني
واذكر تفاصيلها كلهن ريحتها ملامحها شعرها ضحكتها عصبيتها كلهن نستني تكرهني مرت ال
٧ اشهر كانها ٧ سنين عليه اكولك قتيبه متروح لبغداد اجيب بضاعه للمحل ماموجوده كالي اي اني هم اريد انزل اشوف اختي كتله اي يله روح كالي والشغل كتله معليك عوفه عليه دزيت اسبوعين هو بغداد كاعد صافن دك عليه جان مبين عليه متوتر كتله شبييييك صايرلك شي كالي .. هااا اكولك آسر اني شفت شسمه.. كتله منوووو شبيك ... شفت رحيق هو كال هيجي احس واحد ضربني على راسي
مخليته يكمل ركبت السيارة لا اتاخر يالله اوصل لبغداد رحت حجزت على الطيارة وصلت بسرعه لبغداد دكيت عليه كتله وينهاااااااا كالي .. هدي آسر لازم نتشاوف اكو شي مهم .. كتله شكوووو
كالي تعال ونحجي اني رحت اله جان وجه ميتفسر احجييييي قتيبه ... آسر اني جنت بمحل مال ملابس اختي جانت تشتري لجهالها و .. لزمته من ياخته قتيييييبه احجي لتخبلنييييي
.. وشفتها اهناك... شفتها قتيببه كعدت على الصبه بعد ماكدر احس رجلي انشلت ايي شلونها .. زينه بس جانت حامل .. كمت على حيلي شنوووو .. اي والله آسر شفتها بطنها شكبرها وجانت تشتري اوفر شافتني خلت وطلعت اني لحكتها بدون متدري كاعدين بيت عمتها ... هو كال حامل بعد كمت مااستوعب شنووو حامل من منو ازوجت لا لا متسويهاااااا فكره تاخذني وفكره اجيبني كتله يعني جانت عايشه اهنا ... لا سئلته الجيران عمهم قتلوا وهم راجعين علمود الفاتحه بس آسر خاف مزوجه عوفها .. لزمته من ياخته لككككك شنو مزوجه وهي بعدها على ذمتتتتتتي لازم اشوفها .. لا آسر خطر مو مال تروح تشوفها اهدي خلي نفكر لك قتيبه اجتييي اهنا حلم حلم جنت احلم اشوفها لو بس يوووم لا ليلي ليل ولا نهاري نهار بدونهااااااا تكلي اجتي وتريدني مااشوفها شلوون كلي شلون قررت اروح باليل اوكف مسافه عن بيتهم بلكي المحه راضي يابه راااااضي كمت اراقب بيتهم اريدها بس تطلع ماكو روحي تلوب عليها  صار اسبوع وشفت ابوها وامها اهناك ولمحتها تقدمته اريد اروحلها جرني قتيبه خزرته
كالي لتروح اباوع عليها هي نفسها نفسها اباوع
على ابتسامتها شلون تودعهم وبطنها جبيره ضليت اباوع من شفتها بس هي واهلها انداريت على قتيبه كتله شفتتتتتت شكتلك مامزوجه
غبييييييي ... يعني شتقصد حامل منك ... اييي
.. لا آسر شمدريك انت راح اصير ٨ اشهر من عايفتك ... انجبببب قتيبه لتلغي لغوه زايده شغل السيارة لحكناهم للمطار لبست الكاسكيته
وهي جانت كاعده على كرسي الانتظار اني كعدت وراها صرت بظهرها هي متدري جانت تاخذ شهيق وزفير وتهدي بروحها تحجي ويه نفسها تكول رحيق اهدي اهدي اسفه ماما راح اتعبك
اوعدك هاي اخر طلعه بعد منطلع بس انت اتحمل فدووه اندارت اشرت ل ابوها اجه جايبلها عصير كالتله ... بابا حبيبي ماريد كاللها لا بابا شربي زين عليج كعدت تشرب قبلها مو راحو اهلها يودون الجنط احسها مو طبيعيه مثل التتلوه وضلت تكول ياربي فدوه مو وكتها وتدعي وتقرا ايات اريد اكوم الزمها ماكدر اجوي اهلها لزموها وراحوا عرفته مسافره للسويد رحت احجز كالت ماكو حجز هسه لازم على باجر كتلها ادفع فلوس مقبلته كالت اعتذر تخبلت وراها نص ساعه واشوف رحيق مدده على السديه واهلها لازمين ايدها تخبلت وهي تبجي رحت بسرعه ركبت السيارة ورحت للمستشفى لهنا وكااافي بعد ماكدر اطيت فلوس للممرض يجيبلي معلومات عليها شويه واجه كالي الطفل نازل وراح يسولها عمليه كتله ياشهر كالي ٨ صفنت يعني لو مزوجه جان هسه هي مو بال٨ واحنه صارلنه ٨ اشهر يعني هذا طفلنه ضليت الوب عليها خايف عليها طبيت على دكتورتها بعد ماكدر كتلها شكد تردين اطيج بس تهتمين بيها اريد ميصير شي عليها وكتلها اريد اطب للعملية هي رفضت زيدت الفلوس وقنعتها يله قبلته طبيت لصالة العملية قبلها وكفت على صفحه حتى متشوفني حطولها مخدر بده يمشي مفعوله رحت وكفت يم راسها ماهتميت لا بدكتوره ولا بمضمد لزمت ايدها شميتها وبستها بكصتها وشميتها حيل اريد ادخل بروحي التهيت بيها وراها سمعت صوت قشعر جسمي من سمعته انداريت اباوع طفل شلون طلعته وكعدت تنظفه اشرتلي اجي رحت يمها صافن عليه كالتلي مبروك يتربى بعزك مبين ابنك وكح راح يشلع كلبكم كالتلي تريد تلزمه كتلها خاف اوكعه كالت لا لتخاف حطت بيدي اجذب عليكم اذا اكللكم مابجيت لحظه متنسي اباوع عليه واباوع على رحيق لزمت ايده من ترافتها خفت عليه شميته ماخذ بياض امه الدكتورة كالتلي يشبهك باوعته عليه بسته وشميته واطيتهيا سئلتها على صحتهم كالت رحيق زينه بس الطفل نسوي فحوصات اله لان تدري اجه نهايته الثامن كتلها من تكملين كوليلي طلعت واشم ايدي بيها ريحتهم كعدت على صفحه بعد ماكدر اثنينهم يمييييي شنو مسوي بحياتي زين حتى تجيلي هاي النعمه طلعوها غرفه وحد جنت موصيهم عليها يهتمون بيها اهلها راحوا يشوفون الطفل استغليت طلعتهم وطبيت عليها اباوع شعرها كاصته انقهرت حيل لزمت خدودها الدافيات اووووف رحيق شسويتي بيه اخذتي روحي من رحتي هسه شلون اخليج ترحين انتي و ابنه هاا اني تغيرت علمودج عفت كلشي علمودج اباوع سمنانه صاير تخبل ليش حرموني منج
كل هاي الفتره المفروض اني يمج ادير بالي علييييج حتى هاي حرموني منها شفته رحيق من حطو بيدي ناعم كلش خفت اوكعه حتى من بسته خفت عليه شلون ترف اترف منج ريحته لحد هسه بخشمي مادري شنو كلولج عليه بس اني ابدا منسيتج بس انتي بكلبي وبس
محد سكن قلبي غيرج ملزمته مره من بعدج كل الي كالو الج جذب ليش اصدكيهم رحيق ليشششش طلعت لان الولد كال اهلها راح يجون
شميتها حيل وطلعت رحت للخدج اشوفه ضليت اباوعله مال هسه اخذك واطلع اخليها تجيلنه شتكول لا خطية اخاف عليها متتحمل اشرت للممرضه كتلها اريد اشوفه صاحتني رحت اطتنياه كالت بس بسرعه فدوه اخذته منها حضنته بين ايدي اباوعله مفتح تك عين ومعبس وجه حطيت اصبعي وضليت امشي بي على ملامحه بيك ريحته امك تدري بسته ورجعته الها ضليت بالمستشفى كل مينامون اهلها استغلها اطب اشوفها لو الطفل قبل متطلع كتبت ورقه
عليها عنوانه وكتبت اذا متجين لهذا المكان بعد متشوفين ابنج جنت بس اريدها تجي حتى نسيت هي عمليه متكدر