'Kahiyahiya ka Dorothy!'
Kastigo ni Dorothy sa kanyang sarili nang malaman niya kung anong bagay at para saan iyong napagkamalan niyang ÀRMS kanina.
Gamit pala iyon dito sa mundong ito para sa ugnayan ng mga tao sa panahong ito. Masyado lang talaga itong makabago. Hindi kagaya sa MÀR na kalapati o di kaya mahika ang gamit para magpaabot ng mensahe.
"Ate Dorothy! Saan po kayo galing ni Kuya Atem ko?" Tanong ni Aries ng hindi namalayan ni Dorothy nq nakalapit na pala.
Abala kasi siya sa pagiisip sa mga katangahang ginawa niya kanina. Pinalabas pa talaga niya si Crazy Kilt para lang sa kahiyahiyang pangyayari.
Naalala pa niya ang hitsura ng binata kanina na sobrang gulat at halos itinulos sa kinatatayuan. Hindi niya ito masisisi kung mawalan man ito ng malay sa mga sandaling iyon dahil ginulat naman talaga niya ito.
Nang ipakita at ipaliwanag sa kanya ang paggamit niyon ay napahiya si Dorothy ng husto. Lalo pa at daldal ng daldal si Crazy Kilt.
Pagkatapos sabihin ng binata ang salitang hindi na naman niya maintindiha ay bumalik na sila sa bahay nito ay hindi narin ito nagsasalita pa hanggang sa makarating sila dito at iwan siyang mag isa sa napakalaking bulwangan na ito. Hindi na ito bumaba pa.
"Hoy! Ate Dorothy! Kainis ka naman e. Kanina pa ako salita ng salita dito e hindi mo man lang ako sinasagot." Ani Aries na nakabusangot habang tinitignan ang babae. Kanina pa kasi siya salita ng salita dito tapos hindi man lang nakikinig ang Ate Dorothy niya. Ang lalim nang iniisip nito.
"Pasensya na Aries. May iniisip lang ako. Ano nga uli iyong tanong mo?" Napailing nalang si Arie at bagsak ang mga balikat. Kanina pa kasi niya ito tinatanong kung saan ito at ang kuya niya nanggaling, bakit umalis ang mga ito pero wala. Nakatunganga lang ito.
"Never mind." Ani ng bata. "Oo nga pala Ate? Saan ka nakatira? Diba sabi mo ay hinahanap mo ang Kaldea ba iyon?" Tumanggo naman si Dorothy. "Wala talaga sa mapa ng Philippine map Ate. Tinignan nadin namin ni kuya Azu ang world map pero wala parin. Saan ba talaga iyan ate?" Napabuntong hininga nalang si Dorothy. Hindi naman talaga kasi nila mahahanap ang lugar ng MÀR o Kaldea sa lugar na ito. Ibang mundo naman kasi ito.
"Hindi mo naman talaga mahahanap ang lugar na iyan sa mundong ito dahil wala naman talaga iyan dito." Inusenteng nangunot ang noo ni Aries.
"Ano po ang ibig sabihin niyon Ate?" Naguguluhang tanong ni Aries.
"Hindi ako tagadito sa mundo niyo. May sarili akong mundo.." ani Dorothy na ikinalaki ng mga mata ng bata.
Biglang napalingon si Dorothy ng may ingay mula sa nahulog na bagay ang narinig niya. Nang tignan niya kung ano iyon ay nakita niya ang selpon---'iyon daw ang tawag bagay na iyon na napagkamalan niyang ÀRMs kanina' na nasa sahig na at ang binata na walang iba kundi si Atem.
Hindi alam ni Dorothy kung bakit pero biglang naging gwapo sa paningin niya si Atem na nakasuot lang nang ordenaryong dapit at medyo basa pa ang magulo nitong buhok na talagang bumagay sa hitsura nito.
Aaminin ni Dorothy na ngayon lang siya humanga sa pisikal na kaanyuan ng isang lalaki..at walang iba kundi si Atem Harris...
"Ulitin mo ang sinabi mo?" Tanong ni Atem sa babaeng nakatayo ilang dipa lang sa kanya. Gusto niyang makunperma ang sinabi nito dahil baka namali lang siya nang dinig o kaya ay nag jojoke lang ito. Pero...
"Totoo.." nagbaba ng tingin si Dorothy. "Hindi ako kabilang sa mundong ito..iba ang mundo ko na kung tawagin namit ay MÀR. At ang MÀR ay nahahati sa apat na kuntenyente at kabilang na dun ay ang Kaldea kung saan ako at ang aking kapatid ay siyang namumuno doon." Mahabang paliwanag ni Dorothy. Wala naman siyang dahilan para maglihim dahil hindi naman sekreto iyon. At nararamdaman niya naman na mapagkakatiwalaan ang mga taong ito. Pero kung gagawa ang mga ito ng masamang hakbang... papatayin niya ang mga ito sa isang kisap mata.
