انا مش مجنونه

الحلقه الواحده والثلاثون

- استنى بس يا مجنونة
وجرى ورايا مسكنى ودخلنى المكتب تانى
- استنى ايه خليها تنفعك
- اعمل فيكى ايه بس مجنونة وهتجننينى معاكى
- لو سمحت سيبنى انا عايزة اروح
- طب والله مابحب غيرك ولا هحب غيرك ولا عينى بتشوف غيرك اصلا وعلى فكرة انا قدمت استقالتى في المصنع علشان خاطرك
- بجد؟
(ييييييه دلوقتى يقول مدلوقة عليه )
- اه والله بجد
- عادى اصلا براحتك انا مايهمنيش انا واثقة في نفسي
- طب عينك في عينى كده
- اهو
- يااه تعرفي عنيكى حلوة اوى وماحدش يستاهل الدموع دى ابدا
- احم عن اذنك بقي اتاخرت
- اتاخرتى علي ايه
- عالبيت
- لا انا هكلم بابا اقوله انى خطفتك خلاص ومش هرجعك تانى
- يووووووه يا محمد بقي
- لا ابوس ايدك بلاش رقة دلوقتى خاااااالص
(شوفتوا بقي ؟ ابقي عنيفة مش نافع رقيقة مش نافع الرجالة دول فعلا مجانين)
- سكتى ليه؟
- اقول ايه؟
- قولى اى حاجة
- احم
- ههههههههههههه اى حاجة الا دى
- ــــــــــــــــ
- طيب هتوصلنى ولا ؟
- ايه ولا دى؟؟ حاضر
- طيب مش انت لسه عندك محاضرة؟
- هوصلك وارجع
- طيب ما حرام انا ممكن اخد تاكسي
- ها؟ قولت ايه؟
- انا بس مش عايزة اتعبك معايا
- ياريت كل التعب يبقي حلو كده
- احم
- طيب مش هتقوليلي كنتى بتنادينى تقوليلي ايه؟
- ماكنتش بقول حاجة
- لا قولتى يا مودى بس تصدقي حلو اوى اول مرة حد يدلعنى بالاسم ده
- نعم؟ ومين اللى كان بيدلعك اساسا قبل كده ان شاء الله؟
- ههههههههههههه ماما وبابا الله يرحمهم واختى هيكون مين يعنى
- اااااه طويب
- بس تعرفي ان انهاردة احلى يوم في حياتى ونفسي مايخلصش ابدا ابدا
- ليه يعنى؟
- علشان انهاردة حاسس بحبك بس مش عارف بكرة ايه اللى هيحصل
- ليه يعنى ايه اللى هيحصل؟
- مش عارف يا علياء بس ساعات بحسك بتبادلينى المشاعر لكن معظم الوقت بحسك بعيدة عنى ومش طايقانى وانى فارض نفسي عليكى اوانك مغصوبة عليا
- انا ماحدش يقدر يغصبنى على حاجة وقولتلك قبل كده
- يعنى انتى بتحبينى زى مابحبك؟
- ــــــــــ
(يووووووه فلتذهب تعليمات منة للجحيم انا حاسة انى هيغمى عليا من الاحراج, يارب لا دى تبقي فضيحة هيقول ايه البت الخرعة اللى انا اتجوزتها دى)
- ياااااه سؤال صعب للدرجة؟
- ـــــــــــــــــ
- حلاص انا فهمت
(لا بقي فهم ايه ده كمان ده غبي وتلاقيه فكرنى مابحبوش)
- فهمت ايه؟
- فهمت انك مش بتحبينى بس على فكرة انا هفضل احبك واقرب منك لحد ماتحبينى زى مابحبك الا اذا كان فيه حد في حياتك
- هههههههههههههه
- بتضحكى علي ايه؟
- يا عم بيقولوا الدكاترة بيبقوا اذكيا بقي وحاجات كده وبيفهموها وهيا طايرة
- يعنى انتى فعلا فيه حد في حياتك؟
(عبيط ده ولا ايه)
- ايوة
- ـــــــــ
(يالهوى الراجل اتصدم مافكرش حتى يسالنى مين)
مش هتوصلنى طيب؟
لقيته مشي وهو في حالة اذبهلال وركبنا العربية وانا هموووت واضحك على منظره وماسكة نفسي بالعافية لحد ماوصلنا واحنا في حالة صمت تااام وفتحت الباب وبعدين لفيت لقيته لسه مذبهل (غبي ,طلعوه دكتور ازاى ده؟ اكيد كوسة)
- طيب مش هتسالنى بحب مين؟
لقيته لفلى بوشه وبيبصلى بصة استغراب
قولتله
- واحد بيحبنى اوى وبيغير عليا من الهوا الطاير رغم انه بيزعلنى كتير وبيزعقلى ساعات وشكله سي السيد خالص ومش بيفهم بسرعة خااااالص
وهو لسه في عينه بصة الاستغراب اقوله ايه اكتر من كده بقي؟(مش بقولكم غبي )
لا مابدهاش بقي اوضح اكتر من كده ليروح ينتحر واشيل ذنبه ويبقي مجنون علياء
اه وكمان زعله وحش اوى وبيبقي عمل كدهون ومديت بوزى لقدام زى الصبح
وهطلع بقي علشان لو شافنى معاك هيزعل خالص وممكن يزعقلي وانا بصراحة بخاف منه خالص مالص
وطلعت جريييييييت لحد باب البيت
يارب يكون فهم بقي
يالهوى ليكون مافهمش ده يطلقنى غبي ويعملها
رنيت الجرس كتير كتيييييير لحد ما ماما فتحت
- ايه يا علياء مش معاكى المفتاح؟
- ااه يا مامتى بس كنت عايزة القمر اللى يفتحلى الباب مش من حقى ولا ايه؟
- هههههههههههه قمر؟ شكلك رايقة هو محمد اللى وصلك؟
- ايوة يا ماما
- ممممممممم طيب ياحبيبتي ربنا يروق بالك ويصلحلك حالك
- الله حللو اوى الدعاء ده يا ماما
- هههههههههه انتى ماشية تحبي على نفسك كده ليه؟ هو قالك ايه خلاكى تايهة كده
- هو مين؟
- ههههههههه على ماما برده؟ روحى غيري طيب علشان تتغدى مش كفاية مافطرتيش
- مش هنستنى بابا؟
- بابا جه يا حبيبتي
- جاى بدرى ليه؟
- استأذن انهاردة
- ليه ماله؟
- مالوش قال شوية صداع فقال يريح
- ممممم طيب هغير واجى نتغدى
اعمل ايه بقي ليكون معرفش
انا هبعتله رسالة
لالالا اتحرج يقول عليا ايه
ييييييييه يقول اللى يقوله انا مراته اصلا
انا احاول افهمه بطريقة غير مباشرة
كتبتله الرسالة وكان فيها الاتى
السلام عليكم زوجى العزيز (هو جو سبعيناتى اه بس يا هيا يا الحبيب فدى ارحم)
على فكرة بقي انا كمان مراتك وليا قواعد ومطلوب من حضرتك تنفذها بالامر ومش تفضل منك خالص
اولا شكلك بيبقي وحش اوى وانت مكشر ماتكشرش تانى
ثانيا مش بحب حد يزعقلي ولو زعقتلى هزعل منك وهخاصمك بقي
ثالثا تغير رقم تليفونك وماتديهوش لجميلة دى تانى ولو عرفت انك كلمتها او هيا كلمتك انت مش هتهون عليا اعمل فيك حاجة بس هقطعلك رقبتها واعلقها على بابا زويلة ومنظرها هيبقي وحش خالص وهيا ماشية من غير راس
واى واحدة هتفكر تكلمك هعمل فيها كده برده
ولسه فيه قواعد بفكر فيها هبقي اقولهالك بعدين ولو خالفت قواعدى دى هعاقبك بقي مش عارفة هعمل ايه بس هبقي اتصرف ساعتها
زوجتك المخلصة علياء
وبعت الرسالة
ياخبر ايه اللى انا عملته ده؟ ايه الجرآة دى؟
ييييييييه يا علياء محمد جوزك محمد ايييييه؟ جوووووووزك امال عايزة الستات تلف عليه في الجامعة؟
يارب تفهم بس ياللى في بالى
منة بتتصل
بقت تتصل في اوقات غير مناسبة اطلاقا
وطبعا وكيل النيابة اشتغل
- يخرب عقلك قولتيله يا مودى قدامها؟
- هههههههههه اه والله وتشوفيها كان منظرها لا يسر عدو ولا حبيب
- ياعينى
- نعم يا حونينة
- ههههههههه مش قصدى والله بس فعلا صعبت عليا
- مايصعبش عليكى غالى ياختى ربنا يرزقها بابن الحلال بس بعيد عن جوزى
- ههههههههه يارب ياختى يارب بس فعلا ان كيدهن عظيم
- ههههههههههه اه طبعا يابنتى دانا لولو على واحدة ونص
- ههههههههه كملى كملى
كملت حكاية
- هههههههههههههههه حرام عليكى وقفتى قلب الراجل
- قولى بس يارب يكون فهم بعد الرسالة ده كانه وقف مخه خالص
- الحب يا اوختى بيعمل اكتر من كده
- ما كلمنيش يعنى
- هههههههههه مستعجلة على ايه؟ اكيد في المحاضرة
- تفتكرى ماشافش الرسالة؟
- اه طبعا انتى نسيتى يابنتى التعليمات؟ وقلدت صوت محمد موبايلكم صامت يا حضرات وانا اولكم اهو
- ماتتريقيش على جوزى يابت
- هههههههههههه حاضر حاضر انتى تشتمى وتتريقي براحتك وانا لا
- اه طبعا اانتى ترضي حد يتريق على مصطفي؟
- لا طبعا
- طيب اهو
- هههههههههه بيجى عالسيرة
- مين ده؟
- صاصا حبيبتي بيتصل اقفلي بقي سلام
- سلام
هو مش هيتصل بقي؟
شكلى هيبقي وحش اوى لو ماتصلش
ممكن يكون من اللى بيحب البنات التقيلة ولما يلاقينى مدلوقة عليه يزهق ويسيبنى
يا الله انا نسيت اصلى الضهر استغفر الله العظيم
رحت صليت واتغديت وقعدت شوية بره وداخلة اريح ببص عالتليفون لقيت 5 مكالمات لم يرد عليهم
ده محمد
ورسايل كتير اما اكلمه الاول وابقي اقرا براحتى
اتصلت كنسل واتصل بيا
- كله ده نوم يا مفترية وسايبانى على اعصابى؟
- نوم ايه انا مانمتش اصلا
- امال مابترديش ليه؟
- كنت بره ماسمعتش التليفون
- طيب بعد كده تاخدى التليفون معاكى بعد اذنك يعنى
- حاضر
- الله حلوة اوى كلمة حاضر منك
- شكرا
- قولتيلي بقي اللى بتحبيه بيعمل ايه؟
- بيتضايق لما اكلم حد في التليفون كمان ياريت تقفل
- بس انا مابتضايقش
- ومين اللى قالك ان انت اصلا؟
- مراتى حبيبتي قالتلى
- كدابة
- لا لو سمحت ماسمحلكيش كله الا مراتى
- ليه ؟ اد كده بتحبها؟
- واكتر والله ربنا وحده اللى يعلم
- ولما انت بتحبها بتعاكس بنات الناس ليه؟
- هيا سمحتلى اعاكسك انتى وبس
- كداب انا ماسمحتلكش بحاجة
- ومين اللى قالك ان انتى مراتى اصلا؟
- والله؟ بتردهالى؟
- لا طبعا ما اقدرش
- مانت قدرت اهو
- انا اسف مش هتتكرر تانى
- خلاص صعبت عليا عفونا عنك بس لو قفشتك بتكلم حد غيري؟
- اعملى اللى انتى عايزاه وانا موافق
- وجميلة؟
- مالها؟
- مين اللى اداها رقمك اصلا؟
- معرفش والله بس مش انا , انا مش بدى رقمى لحد
- خالص مالص؟
- مافيش غير واحدة بس
- ومين دى ان شاء الله؟
- مراتى حبيبتي
- اهاااااااا بحسب
- تؤتؤ ماتحسبيش وهغير رقمى والله علشان خاطرك رغم انه مع ناس مهمه
- لا خلاص ماتغيروش اعملها بس بلوك
- حاضر اى اوامر تانية؟
- تؤتؤ تسلملى يارب
- الله الله عالكلام انا هتصل بيكى كل يوم في الميعاد ده
- هههههههههههههههههههه
- يااااااااااانى عالضحكة
- بس بقي بتكسفنى الله !
- اعمل ايه طيب مانا مش قادر خلاص
- احم
- والله حتى احم بتاعتك بحبها بقولك ايه ماتيجى نتجوز بقي وخلاص
- ماحنا متجوزين اهو
- لا قصدى الاشهار
- لا طبعا ماينفعش قبل ما اخلص دراسة
- مانا هبقي اذاكرلك ومش هعطلك
- تؤتؤ معلش اصبر بقي هانت
- يعنى انتى شايفة كده؟
- مممممممم
- طيب انا هقفل مش عايزة حاجة؟
- عايزة
- عايزة ايه؟
- عايزاك تفتكر القواعد بتاعتى
- هههههههههه انا زعقت دلوقتى؟
- لا كشرت بقي وانا مخاصماك
- واهون عليكى ؟
- يا سلام؟وانا اهون عليك تزعلنى
- لا طبعا يارب اموت قبل ما ازعلك تانى
- بعد الشر اديك بتزعلنى اهو
- انا خايف والله يا علياء
- من ايه؟
- لاكون بحلم , بصراحة شكله كده حلم
- ههههههههههههه
- مش بقول حلم
- طب استنى بقي فيه رقم غريب بيتصل
- ماترديش
- لا ممكن حد من عيلتنا
- خلاص افتحى وماتتكلميش الا اما تعرفي مين لو واحد ماترديش
- حاضر
- اتكلمى وانا هفضل عالويت
- ماشي سلام
- سسلام
- السلام عليكم

- يا ترى مين بيكلم علياء؟ هنعرف الحلقة اللى جاية
ماتنسوش الفوت والكومنت