Gabi na kaya patay na ang mga ilaw. Sarado na rin ang mga pinto ng bawat classroom. Bawal na raw lumabas ng ganitong oras pero sigurado naman akong walang susunod sa rule na 'yon dahil pasaway ang mga estudyante rito.
Wala sa sariling inabot ko kay Daryl ang balat ng kinain ko para itapon niya. Walang reklamong tinanggap niya naman iyon kaya hindi ko na binawi. Ibinaling ko na lang ang tingin sa cellphone para tingnan ang text messages ng kapatid ko.
From: kapatid kong pangit
sure kang okay ka lang d'yan?
From: kapatid kong pangit
you can sleep here with us jade
Bumuntonghininga ako. Ilang beses siyang tumawag sa akin ngayon. Marami rin siyang text sa akin. Dinaig pa si Kuya Anthony!
To: kapatid kong pangit
okay nga lang ako rito🙄
Nagulat ako nang biglang tumayo si Austin. Kumunot ang noo ko. "Nood tayo ng horror movie," excited na sabi ni Austin at mabilis na kinuha ang bag niyang nasa isang tabi.
"G!" sabay-sabay na sagot nila at sabay-sabay ring tumayo para kumuha ng pagkain sa kaniya-kaniyang bag.
Ang Kettle Corn na inilabas ni Ezekiel lang ang napansin ko. Napatitig ako roon. Iyon ang paborito kong popcorn!
Napaangat ang tingin ko kay Ezekiel nang makitang inabot niya sa akin ang hawak. "Gusto mo ba? Marami naman akong dala."
Ngumuso ako at umiling. Hindi naman kami close para humingi ako ng pagkain sa kaniya, 'no. Baka mamaya biglang isumbat.
Habol ang tingin ko sa popcorn nang hablutin iyon ni Daryl sa kamay ni Ezekiel. Kita ko ang lihim na pagngiti ng dalawa na para bang natutuwa sila na natatakam ako sa pagkain na 'yon!
Nawala lamang ang atensyon ko sa popcorn nang marinig na tumili si Austin. May hawak-hawak siya ngayong USB at tinititigan niya ito habang nakangiti.
"Nakita ko na!" natutuwang sigaw niya at pumalakpak pa bago lumapit sa TV.
Bakit ba isip-bata masyado ang tao 'to?
"Ready talaga ang kumag," sabi ni Ezekiel, natatawa.
Napatitig ako sa kaniya dahil naninibago. Hindi na kasi siya umiiwas sa amin. O sa akin. Hindi na niya ako sinasamaan ng tingin kapag nagtatama ang mata namin. Normal na rin siyang nakikipag-usap sa iba at ganoon din sa akin kaya medyo nagtataka at naninibago ako.
"Tss," si Daryl. Alam kong siya ang bumulong na 'yon dahil nasa tabi ko lang naman siya.
Sumulyap ako sa kaniya para tingnan ang ginagawa pero nakatingin lang naman siya sa sahig. Kumunot ang noo ko. Nitong mga nakaraang araw ay napapansin ko na ang pagiging weird niya. Hindi ko naman makuha kung bakit parang iba ang inaakto niya ngayon.
Itinulak kami ni Austin papunta sa likod para makita raw namin ng maayos ang papanoorin.
"Doon kayo!" parang batang utos niya habang pilit kaming tinutulak lahat papunta sa likod.
Medyo mataas kasi ang pwesto ng TV kaya magandang idea nga na nasa likod kami. Pero hindi naman maganda na itulak niya kami, 'no! Ang harsh pa tumulak.
"Ano bang papanoorin natin?" tanong ni Kian nang makaupo na.
Inagaw ko ang hawak na Kettle Corn ni Daryl at kinain 'yon. Tumingin lang siya sa akin at hindi nagreklamo.
"Marami ako rito," sabi ni Austin habang hawak-hawak ang remote.
YOU ARE READING
The Only Girl
Teen FictionEmerald Jade Fernandez, a girl who got kicked out on her former school because of her behavior. She's a bully. A trouble-maker. She was forced to transfer to another school where they can monitor all her moves. She is not allowed to do something tha...
