⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 21 ||
ناضت بسرعة .. دورت يدها على كرشو .. حطت راسها على صدرو .. كمشت فيه كي دراري صغار .. مغمضة عينها على قد ما تقدر ..
تصدم عماد الدين .. يديه بقاو فالهوا .. ارتبك .. معرفش واش يدير .. يحس بنفسها سخون على صدرو .. رجع قلبو يخلط بسرعة ..
عماد الدين : استغفر الله ..
حاول يبعد عليها .. اما زادت زيرت عليه اكثر ..
عماد الدين : يا ربي سمحلي .. استغفر الله ..
خذا نفس بعمق .. مبقالو حتا حل غير انو يبعدها عليه ..
حط يدو على كتافها .. حاول يبعدها عليه بلعقل ..
عماد الدين : اختي ..
فاقت وقت حست بيدو تحطو على كتافها .. سمعت حسو .. صوتو متعرفوش ..
فتحت عينها .. و بعدت عليه تمتم ..
خزرت فيه .. و طاحت عينو فعينها .. عين الاسيرة مع الملاك الحارس ..
حبط راسو .. وقف و جا رايح .. وقفو صوتها ..
لينة : سمحلي .. ماشي قصدي ..
هدر بلا ميدور ليها و هو محبط راسو ..
عماد الدين : السماح ..
كان رايح .. اما رجع حبس و هدر معاها ..
عماد الدين : كاش ما تسحقي ..
لينة : لالا وا.. قبل ما تكمل هدرتها رجعت هدرت بسرعة .. ايه ايه نسحق ..
عماد الدين : اتفضلي وشنو ..
لينة : خيماري .. خيماري طاحلي معلاباليش وين راهو ..
طلع راسو .. تاه فالهوا .. استغرب .. كيفاش دايرة خيمار .. و اول حاجة طلبتها هي خيمارها .. طفلة عاملة عملتها متطلبش خيمارها ..
افكار تجيب و تدي فيه .. اما فاق على روحو .. هزلها براسو ايه .. و خرج يحوس على خيمار ..
قعدت فالشومبرة وحدها .. مقدرتش تتذكر مليح واش صرا معاها .. متفكرة انو لقات لباب مفتوحة بعدها نسات كلش ..
ضمت رجلها ليها .. و عنقتهم بيدها .. تحس بوجيعة فيدها .. اما الوجيعة لي فقلبها اكثر ..
لينة : زعما سلكوني .. زعما راح هاداك الراجل .. زعما راني نوم برك .. اه يا ربي معنديش من غيرك فهاد الدنيا عاوني ..
دورت وجها .. تخزر مالتاقة ..تفكرت وقت عنقاتو .. و كيفاش كان حنين معاها .. لوكان وحدوخر فبلاصتو يستغلها خاصة انو هي لي بدات .. تبسمت بلا متحس .. اما تمتم فاقت على روحها و هدرت ..
لينة : يخااه تبهديلة واش يقول عليا دك .. ( مسكينة معلابالهاش واش راهو داير فبالو بخصوصها .. )
رجعت تكسلة فبلاصتها .. بلا ما تحس غفات و رجعت رقدت ..
يمشي فوسط سبيطار يحوس كاش واحد يسقسيه اما ملقاش ..
كان راجع .. غير وصل عند الباب تقابل معا طبيبة خارجة من عندها .. تبسمت معاه .. حبط راسو و هدر ..
عماد الدين : دكتورة ممكن طلب ..
دكتورة : انعم اتفضل ..
عماد الدين : عندك خيمار .. للطفلة لي لداخل ..
ضحكت عليه بلعقل و هدرت بلعقل ..
دكتورة : وي عندي ..
راح معاها .. دا الخيمار .. و دخل لشومبرة لينة و هو محبط راسو لانو راهي بلا خيمار ..
ستناها تهدر اما مهدرتش .. قدم اكثر لسريرها اما كيفكيف مهدرتش .. خزر فيها بنص عين لقاها راقدة .. رجع حبط راسو .. قدم ليها .. غطالها شعرها بلخيمار اما قعد يبان .. مقدرش يطلعلها راسها .. غطا واش قدر و لباقي خلاه ..
خرج مالشومبرة و قعد المرسي لي قدام لباب ..
حط راسو بين يديه و هدر ..
عماد الدين : كيفاش رقدت معا غريبة فنفس الغرفة .. و زادت عنقتني .. استغفر الله يا ربي .. واش قال خالي اكيد صح ..
عدا يدو على لحيتو .. ماشي عارف علاش اما فكرة انو غلطت معا صاحبها تجننو ..
حط راسو على لحيط .. و بقا يفكر حتا غفا ..
〰️〰️〰️〰️〰️〰️〰️〰️〰️〰️
اوبالاتي 🔥
واااش توقعكم زعما لينوش كي تنوض راح تحكيلو .. راح يعرف حقيقتها .. فرايكم عماد الدين راح يوقع فحبها اكثر لانو كيما تشوفو بدا يطيح على راسو ههههه .. حقاا قريت تعليقاتكم لبارح راكم شاطرين كاين لي عرفو شكون هو المجهول ههه ..
خلولي توقعاتكم طوااال عراض و جمجمو الحلقات كامل عميراتي ..
#ليلوشة
VOUS LISEZ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
