⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 41 ||
حست بالموس كي ختارق كرشها .. خرجت عيطة من فمها .. نفسها للحظة تقطع .. وجيعة كبيرة تحس بيها فكرشها .. تشوف فرؤيا كيفاش طلقت الموس و تخزر فيها مصدومة .. كأنها مكانتش واعية وقت لي طعنتها ..
رجعت زوج خطوات للور .. مقدرتش تزيد توقف .. رجلها معادوش حاملينها .. طاحت فلرض ..
رمات يدها لكرشها .. مستها و رجعت خزرت فيدها تشوف فالدموع .. عينيها مغرغرين بالدموع .. تحاول تتنفس اما مقدرتش ..
واقفت تشوف فيها كيفاش طاحت .. مفاقتش على روحها و على واش عملت .. سمعت اسمعا و دارت مفجوعة ..
نورا : رؤيااا .. واش درتي ..
راحت تحري ليها رؤيا و عنقتها و هدرت ..
رؤيا : ولله ما بلعاني يا ماما .. قتلتها قتلتها ..
خزرت فيها تصبر فيها و هدرت ..
نورا : شتت مقتلتيهاش راح تعيش ..
دارو يخزرو فيها فيزوج .. لقاوها تخزر فالسقف و دمعات صغار قاعدين يطيحو من طرف عينها ..
بدات رؤيتها تضبب .. تذكرت النهار لي هربت فيه .. تبسمت تبسيمة خفيفة .. هاداك نهار ملاكها الحارس هو لي انقذها .. اما ليوم راهي وحدها .. مكاش لي راح يحميها ..
تعدا شريط حياتها فهاد الدار بين عينها .. بدات تفقد الوعي .. تسمع فصوت ينادي باسمها بعييد ..
تغمضو عينها .. و حبس نفسها .. توقفو دقات قلبها ..
شافتها نورا هكاك .. ملقاتش واش دير .. رفدت كاصرونة و خبطب بيها زجاج تاع تاقة .. و عيطت على قد ما تقدر ..
نورا : اعععععع سرااااق .. لييينة ..
سمعو صوت زجاج وردة و حكيم .. طلعو بسرعة و طلعو وراهم الخدامات ..
لحقو لباب لكوزينة .. شافو لينة طايحة فلرض .. غارقة فدمها .. عينها مغمضين ..
حكيم رفد تيليفون عيط للاسعاف و وردة حبطت تجري ليها .. حطت صبعها على وريد لينة .. ملقاتش نبض ..
وردة : مكاش نبض ..
رؤيا معا كلمت عمتها طاحت فلرض مصدومة .. عنقتها نورا تخبي فيها باش ميتبنلهمش انها هي لي دارت هكاك و متتفضحش ..
رجع عيط حكيم لرجال لي برا .. طلع واحد فيهم هز لينة .. و الباقي جهزو طونوبيل و طارو بيها لسبيطار ..
فبلاصة وحدوخرا .. كان يسوق فطونوبيلتو بهدوء .. عكس مشاعرو لي كانت شاعلة .. منظر هادوك تصاور محبش يتمحا من صورتو ..
قص على تخمامو تيليفونو .. ريبوندا ..
عماد الدين : الو وي جدي ..
الجد حكيم : وين راك عماد الدين ..
عماد الدين : فالطريق راجع لدار ..
الجد حكيم : حبس سيارة ..
عماد الدين : علاش ..
الجد حكيم : اسمع لهدرتي .. قالو هكاك لانو لاحظ معاملتو للينة من اول يوم و عارف انو يحبها ..
حبس عماد الدين طونوبيل على جنب الطريق و رجع هدر ..
عماد الدين : واش كاين ..
الجد حكيم : راح نخبرك اما حاول تهدي روحك ..
عماد الدين : واش صرا .. وشبيها يما ..
الجد حكيم : مبيها والو ..
عماد الدين : لينة .. وشبيها لينة ..
الجد حكيم : هدي روحك عماد الدين ..
هدر معا جدو لاول مرة بالعياط ..
عماد الدين : جدي اهدر لينة وشبييييها ..
الجد حكيم : طعنها سراق بموس .. رانا فطريقنا فسبيطار ..
قلبوو رجع يدق بالقاوي .. انفاسوو تسارعو .. رجع هدر و هو متمني انو يقولو راهي مليحة ..
عماد الدين : كيفاش راهي حالتها .. راهي فاطنة ..
سكت الجد مهدرش .. رجع هدر عماد الدين بصوت هااادي و شبه مسموع ..
عماد الدين : جدي تعيشي متخبيش عليا ..
حكيم : مكاش نبض ..
معا جملتو الاخيرة .. طاح منو النص .. للحظة تعداو كاامل ذكرياتو معاها بين عينيه .. مكانش معاها .. محماهاش .. وجيعة كبيرة يحس فيها فقلبوو ..
رما تيليلون .. شعل طونوبيل و طار بيها بدلاقرب سبيطار لدار .. كل لي حابو دك انو يشوف عينها و يعنقها و يشم ريحتها ....
〰️〰️〰️〰️〰️〰️〰️〰️〰️〰️
اوبالاتي 🔥
راح نبدا نبكي .. غاضتني لينوش.. و حتا عيمادوش .. عندكم الحق تقتلو رؤيا ههههه خلوولي توقعااتكم طواال عرااض و خلو كااامل تعليق هنا فالرد كي نزيد نحط نجمجملكم .. نروح نتعشا و نشرب دوا حاسة راسي راح يطرطق .. متخافوشنلتزم بوعدي و نكملهالكم
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
