⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 42 ||
وصلو لصبيطار .. نفس سبيطار لي جابوها ليه اول مرة .. الفرق بيناتهم انو وقت لي وصلت لسبيطار فالمرة لولة كان فيها نفس كان قلبها ينبض .. اما هاد المرة مكاش نبض ..
حطوها فوق الحمالة هاديك .. و طارو بيها لغرفة العمليات ..
العيلة كامل قعدو يسناو عند باب غرفة العمليات ..
فهداك الوقت وصل عماد الدين لسبيطار .. اقصى سرعتو .. حبس طونوبيل عند باب السبيطار بقوة لدرجة انو كل الاعين تركزت عليه .. حبط يجري مالطونوبيل .. تخمامو كامل فلينة .. لحق لوين يسقسي على المريض لي يسحقو ..
هدر معاها بهدوء .. خايف تقولو ماتت خايف تقولو راهي فمصلحة حفظ الجثث ..
عماد الدين : جابو وحدة مطعونة دك ..
الممرضة : راهي فغرفة العمليات .. الرواق رقم 18 ..
طار يجري لدرجة انو نسا باش يتشكرها ..
وصل لرواق .. يشوف فيهم مالبعيد قاعدين ..
راح يجري لعندهم .. لونو اصفر كأنو مفيهش دم .. يتنفس بسرعة .. لمعة الدموع بارزة فعينيه ..
عماد الدين : وين راهي .. وشبيها ..
وقف حكيم و توجه لعندو .. حط يدو على كتفو .. و هدر ..
حكيم : هدي اعصابك وليدي ..
رجع هدر معاه بالعياط بدون نا يحس ..
عماد الدين : كيفاش نهدي روحي ياا جدي .. علابااالك شكون راهي دااخل .. روحي رااهي دااخل رووحي .. ( يا يما انا هنا خلاص مقدرتش جيبيلو كيما عمادوش ولا نسويسيدي من فوق الحجرة ) ..
كامل تصدمو من هدرتو .. خاصة وردة و رؤيا .. مكانوش متوقعين يلحق يحبها و يتعلق بيها بهاد السرعة ..
ناضت ليه وردة .. و هدرت ..
وردة : وليدي ارواح معايا لجاردان ..
شداتو من يدو و خرجت معاه لجاردان تاع سبيطار ..
قعدو فوق الكرسي و مهدر حتا كلمة .. يخزر فالهواء و يخمم فلينة لي راحت تصارع لموت ..
حطت يدها فوق يدو و هدرت معاه بهدوء ..
وردة : تحبها ..
معا كلمتها دار و خزر فيها .. مقدرش يتحمل اكثر ..
عنق يماه .. طاحت دمعة من عينو و هدر ..
عماد الدين : بزااااف يا يما بزاااف .. ( فاااينلي اعترف حبيبنا ) ..
غمضت عينها و رحعت فتحتهم .. لي كانت خايفة منو صرا .. اما معندها متهدر .. راح تعفس على قلبها و تخلي وليدها يعيش كيما راهو حاب .. بالاك قدرو هاكا .. من هاديك اللحظة قررت وردة انها تقبل لينة ككنة ليها الا كتبلها ربي تعيش و تخرج من غرفة العمليات ....
〰️〰️〰️〰️〰️〰️〰️〰️〰️〰️
اوبالاتي 🔥
ههههه خلاص استسلم عمادووش لمشااعرو و اعترف بحبو .. بقات لينوش الا عاشت و مظرتلكمش نهاية حزينة و تبلوكيوني قاع .. مهم خلولي تشوو توقعاتكم .. بقا دليل واحد يكشف بلي رؤيا هي لي طعنت لينة و لي هوما البصمات لي على الموس لانو كيما تعرفو المجهوول مدارش كاميرات داخل ديورهم .. صووو فرايكم راح تتكشف ولا مزال ..
انا راني نكتب مي راحتلي كونيكسيون بالاك نبعت لكاش وحدة مالعضوات تحطلكم الحلقات ..
خلووو كامل تعليق هنا غير نزيد نحط نجمجملكم
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
