⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 22 ||
لحق نهار جديد على ابطالنا .. ناض عماد الدين .. لقا روحو غفا فالكرسي .. ناض رقبتو توجعو .. فتح لباب بلعقل .. طل عليها .. و رجع غلقها ..
حبط لسيارتو و توجه لاقرب جامع لتما ..
اما عزيز .. ناض صباح .. دخل عمل دوش خفيف .. خرج لبس حوايجو .. و هو يحط من بارفانو سمع صوت ميساج فتيليفونو ..
تبسم على جنب .. رفد تيليفون و فتحو .. كيما كان متوقع .. تقرير على لينة .. فتحو و بدا يقرا ..
عزيز : امم اسمها لينة ..
كمل يقرا .. اما ملقا والو .. عرف انها لقيطة .. و معندهاش معارف ولا حتا واحد .. خبط تيليفون ..
عزيز : نع*** ب**** ..
نفخ بعصب .. فتح لباب تاع غرفتو .. و رجع خبطها .. حبط لتحت لقاهم مجتمعين ..
غير قعد نطق لجد حكيم ..
حكيم : تقدرو تبداو تاكلو ..
خزر فيه عزيز متبسم و هدر ..
عزيز : بابا مزال مجاش عماد الدين ..
نطقت رؤيا قبل مينطق الجد .. و هي معصبة ..
رؤيا : شفتو خرج لبارح فليل مور ما جيت نظن راح لعند هاديك ..
تصدم عزيز .. بلع ريقو .. مقدرش يفكر واش يدير ..
ناض مبلاصتو بسرعة بلا ميحس ..
الجد حكيم : وشبيك عزيز ..
عزيز : اا والو تفكرت عفسة نديرها ضروري و نرجع .. بصحتكم ..
بعد عليهم يمشي بلعقل .. اما غير ختافى على انظارهم .. رجع يجري ..
طلع فطونوبيل .. و طار بأقصى سرعة لسبيطار ..
يسوق و يخبط فالفولون .. و يلعن النهار لي مقتلهاش فيه ..
وصل تما .. حبط يجري .. غلق طونوبيل . طلع يجري لغرفتها ..
فتحها بقوة لدرجة انو كانت راقدة و ناضت مفزوعة ..
غير دخل خزر فالغرفة ملقا معاها حتا واحد ..
خزرت فيه مرعوبة .. افكار مخلطة فراسها كيفاش جا .. كانت راح تهدر اما حط صبعو على فمو و قاللها ..
عزيز : ششششووت ولا كلمة ..
تغرغرو عينها بدموع .. غلق لباب و قدم ليها بتبسيمتو شريرة ..
عزيز : عماد الدين وين راه ..
لينة : منعرفووش .. و ضمت رجلها ليها ..
عزيز : كان هنا راجل جا فليل وين راه ..
لينة : راح وقيل .. تهدر معاه و خايفة ..
عزيز : خبرتيه كاش حاجة ..
لينة : لالا ولله ..
عزيز : متأكدة ..
لينة : هييه ولله ..
قدم ليها بسرعة و حكمها من شعرها ..
عزيز : ق*** كذابة .. كيما خبرتي لي قبلو خبرتيه هو .. اما عادي نقتلك و نقتلو و واحد مراح يسمع .. مبروك راح تكوني سبب فقتل شخص ..
رجعت ترعش .. قلبها يدق بالقاوي .. نفسها متسارع .. دموعها طاحو ..
لينة : ولله ماخبرتو ..
عزيز : كي يجي نشوفو .. الا خبرتي كاش واحد تموتي نتي ويااه سمعتي ..
و هو هكااك تفتح الباب ...
〰️〰️〰️〰️〰️〰️〰️〰️〰️〰️
اوبالاتي 🔥🔥
اوووو زعما شكوون فتح لباب يا جدكم .. تحمست فبلاصتكم هههه .. زعما لينوش بعد ما هدر معاها هاكا راح تخبر عليه .. المجهول راح يحمي لينة ولا راح يرجع ضدها ..
خلولي توقعاتكم طوااال عراض ..
و علقووو فالرد .. متنساوش تجمجموو كامل الحلقات كبيداتي ..
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
