"ကျွန်တော် တောင်းပန်ပါတယ် မစ္စလု။ အကယ်၍ ကျွန်တော့်ညီထျန်ရှုံးက အဝေးထွက်သွားပေးမှ ချီယွမ့်နဲ့ပူးပေါင်းဖို့ အဆင်ပြေမယ် ဆိုရင်တော့ ကျွန်တော့်ဘက်ကလည်း ဒီပူးပေါင်းမှု ပျက်စီးသွားမှာကို စိုးရွံ့မိပါတယ်။
ချီယွမ့်အုပ်စုက ကုအုပ်စုလောက် အရှိန်အဝါမရှိပေမယ့် ချီယွမ့်ရဲ့ အနာဂတ်က ကျွန်တော့်ညီနဲ့ ဘာမှမသက်ဆိုင်ပါဘူး။ "
"မင်း ဘာပြောလိုက်တယ်"
"ထျန်ရှုံးက မစ္စတာဝမ်ကို တကယ်ကြိုက်တာပါ။ ဒါက သုံးနှစ်တောင်ရှိခဲ့ပါပြီ။ ထျန်ရှုံးက မစ္စတာဝမ်ကို အစကတည်းက သိခဲ့ပြီး သူ မစ္စတာကုနဲ့ လက်ထပ်ပြီး မပျော်ရွှင်နေဘူးဆိုတာ သိတာတောင် အခြေအနေကိုနားလည်တဲ့ ကျွန်တော့်ညီက ဝင်မပတ်သတ်ခဲ့ပါဘူး။
အဲ့တာကလည်း မစ္စတာဝမ်က မစ္စတာကုကို အရမ်းချစ်တယ်ဆိုတာသိနေလို့ပါ။
မစ္စတာဝမ်သာ ပျော်နေမယ်ဆိုရင် ကျွန်တော့်ညီက လက်လွှတ်ပေးပြီးသားပါ။ "
ထျန်လွမ်ရွှန်းက သူ့လက်ထဲက ဓာတ်ပုံကိုချပြီး ညှိုးငယ်စွာပြောလိုက်သည်။
"အဲ့ဒီအချိန်တုန်းက ထျန်ရှုံးက စိတ်နဲ့ကိုယ်နဲ့တောင်မကပ်ခဲ့ဘူး။ မစ္စတာဝမ်က သီချင်းတွေကိုနှစ်သက်တဲ့အကြောင်း ပြောပြပြီး သူ စတူဒီယိုတစ်ခု ဖွင့်ခဲ့တယ်။
သူ မစ္စတာဝမ်ကို အရမ်းလွမ်းနေခဲ့တာတောင် မစ္စတာဝမ်ရဲ့ အိမ်ထောင်ရေးကို အခက်အခဲဖြစ်အောင် သူမလုပ်ခဲ့ဘူး။
နောက်ပိုင်း မစ္စတာဝမ်နဲ့ဆုံပြီး မစ္စတာဝမ်ကိုကြည့်ရတာ ပျော်ရွှင်နေတဲ့ပုံမပေါ်ဘူးလို့ သူ ကျွန်တော့်ကို ပြောခဲ့တယ်။
အမြဲတမ်း ပြုံးနေတတ်ပေမယ့် သူ့မျက်နှာမှာ ဘာအပြုံးမှရှိမနေခဲ့ဘူးတဲ့။ ပြီး တော့ သူ မစ္စတာဝမ်ကို ဒီမပျော်ရွှင်မှုတွေကြားကနေ ဆွဲထုတ်ချင်တယ်ဆိုပြီး ပြောခဲ့တယ်။ "
ထျန်လွမ်ရွှန်းက ခေါင်းကိုငုံ့ထားပြီး လုယွင်ရဲ့ အမူအရာပြောင်းလဲနေတာကိုလည်း မသိဘဲ စကားတွေဆက်ပြောနေခဲ့သည်။
"မစ္စတာဝမ်က လက်ထပ်ပြီးသားလူတစ်ယောက်ဆိုတာ ကျွန်တော်သိပါတယ်။ ထျန်ရှုံးက ကိစ္စတွေကိုသေချာမကိုင်တွယ်တတ်ပေမယ့် မစ္စတာကုကလည်း မစ္စတာဝမ်ကို သဘောကျတာမှမဟုတ်တာ။
အစကတည်းက မကြိုက်တာလည်း ဖြစ်နိုင်တာပဲလေ။
အဲ့တာကို ဘာလို့ မစ္စတာဝမ်ကို ထွက်သွားခွင့်မပေးတာလဲ။ "
YOU ARE READING
(ဥက္ကဌရဲ့အရင်ယောက်ျားကပြောတယ် သူကအနက်ရောင်ကြာပွင့်လေးပါတဲ့)
RomanceI'm not own this novel . I credit to the original author and Eng translator who allow me to translate this novel. Author - ICIYUAN动漫 English Translator - xxGirl-in-blue အချည်းနှီးသာဖြစ်သွားခဲ့ရတဲ့ သုံးနှစ်တာ ကာလအတွက် ဝမ်နျဲ့နန် ပြန်ရခဲ့တာက အေးစက်တဲ...
